Make 6-ын алдартай Библийн эшлэлүүд

Хуваалцах

Ikongo do tey yaro o tao, am ori o ikabo no ipeywalam da koman. Maniring si Yeso jira am, “Sijya kamo a kangay tamo meywalam do kabwan no tao.”

Maniring jira si Yeso am, “O panoyonoywan na ni Ama ta do to so ciring na tao am ikanig da sira no tao do peycyeylilyan na. Am kolalahen da sira no pacikeylyanan da kano pacivahayan da tao.”

Makaranes si Yeso do pamsan na am macita na o aro a tao akmey kagling a abo so omonong nira. Am ori o nikasyan na nira. Makarahan am nanawen na sira no aro a ciring.

Am ori o ji na nimapeyvazai so mapeyzokab a vazay do ili da. So nikapereh no tao a niparapongan na so lima na a omiwakwak jira. Am ori o nyeyyakan na nira, ta ji sira manganoyong o aro a tao. So ji na nimacimazai do kalivolivon na do peycyeylilyan na mangnanao so tao.

Todahen na ni Yeso o alima ka myanpaw a kano adwa ka among am tangarahen na rana o hanit a kasaray na rana nya ji Ama ta do to, a kakcikcil na rana so myanpaw a itoro do macinanao jya. Makarahan am vonongen da rana sya do aro a tao. Akman sang o among a itoro na do macinanao jya. So nikamimin da rana nikoman a mabsoy. Peykakasahen da na no macinanao jya o atda da myanpaw a kano among am adwa pa o ikarwa na ka yala no nimapanpan.