Marko 9-ын алдартай Библийн эшлэлүүд

Хуваалцах

Yesu kamwambukuya kamwamba, “At̯i kwakwambani nikiweza? Mambo yonse yanawezekana kwa huyuḍe amuhikiziyee Muungu.”

Pfapfo babajwe huyuḍe mwana kaḅaa idzwi kamba, “Nihikiza! Ela nisaiḍia niwe na faro zaid̯i.”

Ḅaad̯aye Yesu epfonjia nyumbani, hawa wanafund̯iwe wenda wamuuza geri wamwamba, “Ḅwana, kut̯i swiswi ntahukuweza kuiyavya hiḍe mpepfo nzuka?” Nae kawambukuya kawamba, “Hi hii aina ya mpepfo nzuka ntaiwezi kuyawa lamud̯a kwa kuyomba t̯u.”

Munyu ni mwema. Ela ikiwa kwamba munyu utsowa hukuḍe kutsama kwakwe, unahendegwadze ili upate kutsama dza munyu kawii? Ndookomu wani dza munyu kahi yenu nywinywi na nywinywi, na nyonse mukaiyane na naghea.”

“Yuḍejwonse adzeemupfokea mwana kachuchu dza huyu kwa dzambo ḍyangu, kanipfokea mimi. Na yuḍejwonse adzeenipfokea mimi, nkakunipfokea mimi t̯u, ela kamupfokea na huyuḍe anihumiye.”

Koro hachi nyakumwambiani, yuḍejwonse adzeemumpa chikombe cha madzi ya kunwa kwa kwamba mu wantu wangu, huyo hakika nkatsowe t̯ubvoḍye.”

Yesu kagija kunena kamba, “Ela yuḍejwonse adzeemugisa nabviseni mumodza jwa hawa weo dza wana vichuchu wanihikiziyeo, huyo ni heri kufungwa iwe ḍya kupaazia ot̯ini na afat̯ulwe ḅaharini.

Na ikiwa kwamba dzitsoḍyo ḍinakungiza nabviseni, ḍikuye uḍifat̯ule. Koro ni heri kunjia Uhajuni mwa Muungu ukiwa na nsongo, kuliko kuwa na matso yako mawii kisa ufat̯ulwe mohoni.