Baroma 14-ын алдартай Библийн эшлэлүүд

Хуваалцах

Khulwekhuuba Buyiinga bwa Wele si buwaamba busa khu bye khuulya ni bye khuunywa ta. Akhali bumanyisa bukwalaafu, ni lukoosi ni kumwikhoyo kweesi Mwoyo Umukhosefu areera. Umuundu uwakaanisa Kristo musaambo indayi yino, Wele amwikhoyela, naluundi ni babaandu bamusiima.

Noola khuba balamu, khuba balamu nga b'Omukasya. Noola khufwa, khufwa nga b'Omukasya. Nashiryo, oba khuli balamu, namwe oba khufwa, khuli b'Omukasya.

Nashiryo lekha khulondelele ibyo bibiireera lukoosi, naluundi bibiiyeeta buli mutweela khukhwikyela umuundu umulayi.

Ari lekha buli mutweela akamise khuukhalila uwasheewe kumusaango. Ne akhali ndi lekha buli mutweela akhalewo khuulekha khuratsakawo she khuuseya uwashe ta, namwe khuulekha khurawo kumureko kukuukila waakhola bibyoonako ta.

Nga bibyaronebwa bikhosefu ni biloma biri, “Umukasya aloma ari, khukhwaama nga ni indi Wele umulamu, buli lisikamo kane lifukhamile ise, na buli lulimi lulimbuyila ise.” Nashiryo buli mutweela khusi ifwe umweene aliikanikhakho isi Wele.

Umuundu uuli umutoro mu khufukiilila n'aba weetsile isi muli, ni mumwakaanile akhali khukhaandisana ni naye khu byeesi mwaambaasa ta.

Ne iwe niye naanu ukhalila umwakaanisi wabeene kumusaango? Umukoosi weewe niye ukane akhalewo, oba umwakaanisi ali umutuufu mu byeesi akhola namwe ta. Ne umwakaanisi uyo singane akhaasikhane ta, khulwekhuuba Umukoosi ali ni bunyala bwe khuumuyeeta khuurura mu byoonako byeewe.