Yokana 19-ын алдартай Библийн эшлэлүүд

Хуваалцах

Ni baamala khuuwa Yesu iviini iyo, waaloma ari, “Shaaweele.” Abweene awo, Yesu wenamisa kumurwe kweewe, waawaanayo kumwoyo kweewe.

Lwanyuma lweebyo, Yesu nga waamanyile ari bibiindu byoosi byaweele, ni khukhwoolelesa bibyaronebwa bikhosefu, waaloma ari, “Bulesa bwandya.”

Yesu n'abona maayi weewe, atweela n'umuleekelwa abe isi niye akana naabi nga beemikhile awo, kila alomela maayi weewe ari, “Maayi, bona umwaana woowo.” Lwanyuma waalomela umuleekelwa tsana ari, “Bona maayi woowo.” Khukhwamila abweene awo, umuleekelwa uyo wamuyila ingo iweewe.

Ne ni boola khu Yesu, banyoola nga waamalile khaale khuufwa, balekha khufuniaaka bikyele byeewe ta. Ne mutweela khu basilikhale wawuna mu mbafu mwa Yesu ni liifumo. Khaangu akho, mwamamo kamafuki ni kameetsi.

Khulwekhuuba bino byakholebwa khukhwoolelesa bibyaronebwa bikhosefu biri, “Mbaawo na litweela khu makuumba keewe lyeesi balifuniaaka ta.” Ni bibyaronebwa bikhosefu bibiiindi byaloma biri, “Balilola khuuyo esi baawuna lifumo.”

Ni abweene awo, basilikhale baayila Yesu, nga baamwibotokhelele, baamuliindile lukali. Yesu waarura antsye nga waasutile kumusalaba kweewe umweene, khuutsya mu shifwo shishilaangibwa shiri “Shiifwo she shihaanga,” namwe mu lulimi Luheburaniya bari “Gologosa.”

Basilikhale baalukha lihabi kye kamawa, baalira khu murwe kwa Yesu, baamukwaarisa ni ingubo imbesemu.