Акълова 3-ын алдартай Библийн эшлэлүүд

Хуваалцах

ЙакӀо йоᵸкъонна БетӀергьалликьа ми бож, дибола аᵸкъло-лъайликьа божна эᵸкье-гова̄къа. Нӣйо гьино йохдана, Аллагь икъелал икье-аькье ми – дул кӀетӀо гьино йегалца Гьолцо.

Мизу дул аᵸкъил гейлӀо гицӀа̄къа. БетӀергьаллихъа гьичӀе, кешлъиладойс ата̄к

БоцӀи-ризкъилас бутӀана, гьула̄зу мицалъ гуцӀойо аьᵸйдда̄ш муькъона ми БетӀергьаллил назро йова. Бета дибо баькьла муькъодаш йовацца, кӀейана ицӀцӀа гъинолис нитоназу гъоьдо богьна боцца.

Гургьел-цӀобна божилъина тӀутӀа̄къа, гьоллол билъалъ абоцацой йеᵸйахела, йакӀила лӀибакьана ча̄ха.

БетӀергьаллис адло-тадбир ми боха, дие оьжо, Гьолцо дӯкьа аьйиб гуллъо ми данде эца̄къа. Гьинил аццала сукӀол бо̄с БетӀергьалли адло; абол аццала оьждисцой гьолцос тӀалабна бо̄с.

Йе дие оьжо, дие малъ-хъайлана шоваъла̄къа, дие амрована йакӀиъ йоваха. Гьолло дибо оьмро бихалокӀца, дул сагъ-саламатлъина насиб йо̄с.

Гьардараб гаьъад аᵸкъиллъи гьинил йиᵸхъойо сукӀо, гьула̄зу гьинил аᵸкъло-лъай михъойо сукӀона! Аᵸкъиллъи йиᵸхъо̄лъи кӀетӀо гей йаᵸцойо окколас аьᵸга михъовагъа, йаᵸцова меседлигъа кӀетӀо гей гьолълъоъкьа̄ йиᵸхъоцас жона. Жавгьар-якъутлигъана багьаяб гей гьули, дул йакӀил йаццас къацӀцӀо жо гьолълъол данде йоᵸкъойхъаъас.

Дӯхъа йогьна йахъцас кӀетӀослъина, вере, рес гаьчча сукӀол йойчӀе йечаннейа̄къа.

Аᵸкъиллъилаъкьа̄ БетӀергьалли вагьалӀо ракьлил бигъа гулло, аᵸкълолаъкьа̄ гьасна йилӀакъолло.