Акълова 11-ын алдартай Библийн эшлэлүүд

Хуваалцах

Сахаватаб сукӀос кӀетӀо оьмро бахъца, бадлос оᵸх йоцӀилла сукӀосна оᵸх йоцца.

Сид сукӀо ко̄ йеᵸцакӀна нилӀца садакъалил ниццас жо, гьула̄зу гьолцос бечелъи жена телилъца, бацосола ко̄ йилӀакъонна йохца – гьинил мискинлъилал.

Букъа аьмаллил инжитлъи-гьаькъирлъи йиᵸхъос, гьеренлъи-гьаьлимлъилал аᵸкъиллъи йоᵸкъос.

Насигьатла зовагъаъда халкъ пасад бахъца, аᵸкъилла дӣсбалъийодола тушмалла̄кьас мокъоцас гьинкъи даьгьаб гей.

Муъмин-сукӀос аьмал оьмролаш хоьхо гей, аᵸкъилабли сукӀо аьдамла̄ш йакӀода гьиндойда̄ кьисабас.

Мицахъалли сукӀола аьдамла̄ш божилъи йугъолца, божилъи гагьийа сукӀо балъголъи гьиниъ йохца.

ЙакӀо кӀетӀа сукӀо гьинил пайда-хайир насиб бо̄с, йакӀо чикейа сукӀо гьинкьа кьодо балагь кьисас.

Бечелъилал михъа̄ тил тухъилло сукӀо лӀийода̄ экца, муъмин-сукӀола мицалъ боцӀийо кьоᵸва бахъца.

БетӀергьаллис симо бӣйа водиъ, бечелъила комак боваъас, ритӀухълъила хеллиъис тиса уьᵸхолча.

Гьидела йакӀо йаᵸцо̄лъила ритӀухъабла сукӀоба кӀетӀа гьид бейажеш, боважал ба̄хъаъцала̄ла хийанатлъила жуво̄лзу гьалаг бовагьца.

Кьухъийо, амма аᵸкъло-пикро гаьччо ийодда̄с аьдам, йеᵸлъейо йахъца булӀила ма̄ᵸлъ мехелла меседлила кӀоьййалъ.

Гьилла-макролас сайцӀорийа БетӀергьаллил рихарабла гей, ахо йаᵸсалабацас гирийа Гьолцол йа̄цца.