Tuk 12-ын алдартай Библийн эшлэлүүд

Хуваалцах

Bä do̱r mi di̱i̱t cak kɛ ji̱. Bä ji̱ poth kä bä kɛ̈kdu jak kä jɔc kɛ ɣöö bi naath nöŋ puɔ̱th. Bä nɛy diaal tin puɔthkɛ ji̱ poth, kä bä tin diaal tin lamkɛ ji̱ lam. Kä döör diaal wi̱i̱ muɔ̱ɔ̱n baakɛ poth kɛ ciötdu.”

Nɛ̈nɛ jɛ, täämɛ cu Kuoth Nhial Ab-ram ku jiök i̱, “Jiɛc rɔ ro̱o̱lu kɛnɛ watku kɛ thok duëël guur kä wër ro̱o̱l mi bä nyuɔ̱th ji̱.

Min cɛ min ca la̱r jɛ ɛ Kuoth Nhial liŋ, cuɛ jiɛn ni kä kɛɛl, kä cu Lɔt wä kɛ jɛ kɛɛl. Kä mëë jiɛcɛ kä Ɣa-ran, Ab-ram runkɛ kɛ run ti jiɛn bärɔw wi̱cdɛ dhieec.

Ɛ jɛn cu Kuoth Nhial rɔ cu nyuɔ̱th Ab-ram kä cuɛ jɛ jiök i̱, “Bä wec ɛmɛ ka̱m kuayku.” Inɔ cu Ab-ram Kuoth Nhial in ci rɔ nyuɔ̱th jɛ ta̱th yi̱k.