1
ಮಾರ್ಕ 2:17
ಕೊಡವ ಬೈಬಲ್
ಕೊಡವ
ಯೇಸು ಅಯಿಂಗಡ ತಕ್ಕ್‌ನ ಕ್‍ೕಟಿತ್, ಅಂತು, ದಾರ್ ಸೌಕ್ಯತ್‌ಲ್ ಉಂಡೋ ಅಯಿಂಗಕ್ ವೈದ್ಯ ಬೋಂಡ, ದಾರ್‌ಕ್ ಸೌಕ್ಯ ಇಲ್ಲತೆ ಉಂಡೋ ಅಯಿಂಗಕ್ ಮಾತ್ರ ವೈದೈಂಗ ಬೋಂಡಿಯೆ. ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಳ ಕಾಕಿಯಂಡ್ ಪೋಪಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.
Харьцуулах
ಮಾರ್ಕ 2:17 г судлах
2
ಮಾರ್ಕ 2:5
ಯೇಸು ಅಯಿಂಗಡ ನಂಬಿಕೇನ ಕಂಡಿತ್, ಆ ಮನುಷ್ಯಂಗ್: ನಾಡ ಮೋನೇ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.
ಮಾರ್ಕ 2:5 г судлах
3
ಮಾರ್ಕ 2:27
ಸಬ್ಬತ್ ದಿವಸ ಮನುಷ್ಯಂಗಕಾಯಿತ್ ಮಾಡ್‍ಚಿ, ಆಚೇಂಗಿ ಮನುಷ್ಯಂಗಳ ಸಬ್ಬತ್ ದಿವಸಕಾಯಿತ್ ಮಾಡಿತ್‌ಲ್ಲೆ.
ಮಾರ್ಕ 2:27 г судлах
4
ಮಾರ್ಕ 2:4
ದುಂಬ ಜನ ಇಂಜಗುಂಡ್ ಆ ಮನುಷ್ಯನ ಯೇಸುರ ಪಕ್ಕ ಎಡ್‌ತ ಪೋಪಕ್ ಕಯ್ಯತಾಚಿ. ಅಕ್ಕ ಅಯಿಂಗ ಮೋಂದಾಯತ್‌ನ ತೂತ ಮಾಡಿತ್, ಆ ಮನುಷ್ಯ ಬುದ್ದಡಿಂಜ ಕಡ್‌ಕೆನ ಅಡಿಕ್ ಇಳ್‌ಪ್‍ಚಿ.
ಮಾರ್ಕ 2:4 г судлах
5
ಮಾರ್ಕ 2:10-11
ಮನುಷ್ಯಂಗಡ ಪಾಪತ್‍ನ ಮನ್ನಿಚಿಡ್‌ವಕ್ ಮನುಷ್ಯಕುಮಾರಂಗ್ ಈ ಬೂಮಿಲ್ ಅದಿಕಾರ ಉಂಡ್‍ೕಂದ್ ನಾನ್ ನಿಂಗಕ್ ಕಾಟಿತಪ್ಪೀಂದ್ ಎಣ್ಣಿತ್, ಯೇಸು ಕಾಯಿಲೆಲ್ ಇಂಜ ಮನುಷ್ಯನ ನೋಟಿತ್: ಏಳ್, ನೀಡ ಕಡ್‌ಕೆನ ಎಡ್‍ತಂಡ್, ನೀಡ ಮನೆಕ್ ಪೋಂದ್ ಎಣ್ಣ್‌ಚಿ.
ಮಾರ್ಕ 2:10-11 г судлах
6
ಮಾರ್ಕ 2:9
ಒರ್ ಪಾರ್ಶ್ವವಾಯುಲ್ ನರಳಿಯಂಡ್ ಉಳ್ಳ ಮನುಷ್ಯಂಗ್, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ವಕ್ ಸುಲಬವಾ, ಇಲ್ಲತಪೋನಕ ನೀಡ ಕಾಯಿಲೆ ವಾಸಿ ಆಚಿ ಏಳ್, ನೀಡ ಕಡ್‌ಕೆನ ಸುತ್ತುವಂಜಿ ನಡೇಂದ್ ಎಣ್ಣ್‌ವಕ್ ಸುಲಬವಾ?
ಮಾರ್ಕ 2:9 г судлах
7
ಮಾರ್ಕ 2:12
ಅಕ್ಕಣೆಕ್, ಆ ಮನುಷ್ಯ ಎದ್ದಿತ್ ತಾಂಡ ಕಡ್‌ಕೆನ ಸುತ್ತಿಯಂಡ್ ಎಲ್ಲಾಡ ಮಿಂಞತ್ ನಡ್ಂದ್ ಪೋಚಿ. ಅಕ್ಕ ಅಲ್ಲಿ ಉಳ್ಳ ಜನ ಎಲ್ಲಾರು ಆಶ್ಚರ್ಯ ಪಟ್ಟಿತ್, ಇಂತ ಒರ್ ಅದ್ಬುತ ಕಾರ್ಯತ್‍ನ ನಂಗ ಕಂಡಿತೇ ಇಲ್ಲೇಂದ್ ಎಣ್ಣಿತ್, ದೇವನ ತುದಿಪಕ್ ಸುರು ಮಾಡ್‍ಚಿ.
ಮಾರ್ಕ 2:12 г судлах
Нүүр хуудас
Библи
Тѳлѳвлѳгѳѳнүүд
Бичлэгүүд