ಅಪೊಸ್ತಲ 11-ын алдартай Библийн эшлэлүүд

Хуваалцах

ಅಂವೊನ ಅಲ್ಲಿ ಕಂಡಿತ್ ಅಂತಿಯೋಕ್ಯಕ್ ಕಾಕಿಯಂಡ್ ಬಾತ್. ಅಲ್ಲಿ ಅಯಿಂಗ ಒರ್ ಕಾಲಕತ್ತನೆ ಸಬೆರ ಜನಡ ಕೂಡೆ ಇಂಜಿತ್, ದುಂಬ ಜನಡ ಗುಂಪ್‌ಕ್ ಬೋದನೆ ಮಾಡಿಯಂಡಿಂಜತ್. ಅಂತಿಯೋಕ್ಯ ಪಟ್ಟಣತ್‍ಲ್ಲೇ ಯೇಸುನ ನಂಬ್‍ನಯಿಂಗಕ್ ಕ್ರಿಸ್ತಂಗಾಂದ್ ಆದ್ಯತ್ ಪೆದ ಕ್‍ಟ್ಟ್‌ಚಿ.

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್. ಬಾರ್ನಬ ದುಂಬ ನಲ್ಲಂವೊನಾಯಿತ್‌ಂಜತ್. ಅಂವೊ ಪವಿತ್ರಾತ್ಮತ್‍ಲ್ ದುಂಬ್‍ನಂವೊನು, ನಂಬಿಕೇಲ್ ದೃಡವುಳ್ಳಂವೊನಾಯಿತು ಇಂಜತ್. ಆನಗುಂಡ್ ದುಂಬ ಜನ ಒಡೆಯಂಡ ಪಕ್ಕ ಕೂಡ್‍ಚಿ.

ಆನಗುಂಡ್, ಒಡೆಯನಾನ ಯೇಸು ಕ್ರಿಸ್ತನ ನಂಗ ನಂಬ್‌ವಕ, ನಂಗಕ್ ಕೊಡ್‍ತ ಅದೇ ವರತ್‍ನ ಯೆಹೂದ್ಯರಲ್ಲತ ಬೋರೆಯಿಂಗಕ್ ತಪ್ಪಕ, ದೇವನ ತಡ್‍ಪಕ್ ನಾನ್ ದಾರ್? ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.