Mattaios 13-ын алдартай Библийн эшлэлүүд

Хуваалцах

Orowa toitoi pirika ushiketa aetoita gurʼanak ne, tambe anak nei itak nu wa eramʼan; orowa, son no poka shinuma ibe o, ashikne hotne pakno hene, re hotne pakno hene, wanbe ikashima hotne pakno hene hetukure guru ne ruwe ne, ari itak.

Orowa, ai-ush ni an ushiketa aetoita gurʼanak ne, tambe anak nei itak nu; orowa, kanna moshiri gusu an nishomap ambe hene, aeoteknu ambe gusu an kokandama ambe hene gusu, nei itak ateye, aige, ibehe shomo hetukure gunʼne.

Nen ne yakka nei moshiri gusu an orushpe nu wa erampeutek chiki anak ne, wenbe ek wa nei guru keutum oshiketa aetoitap ehekem wa uk ruwe ne. Tambe anak ru paruru ta aetoita guru ne ruwe ne.

Orowa, shuma-ush ushiketa aetoita gurʼanak ne, tambe anak itak nu, orowa, nani yaikopuntek hine kon ruwe ne; yakka koro keutum ta shinrit isamma gusu, irukai-tomta yaishiporore; aige, nei itak gusu aeramchuptekbe hene aepokbap hene hetuku yakun, nani epetchiu ruwe ne.

Kando moshiri anak ne toi tumugeta anuina wa an ikoro koheraye ruwe ne; ainu nei ambe pa chiki nuina; orowa, yaikopuntek gusu oman, aige, yaikota korobe obitta eibok wa nei toi hok ruwe ne.

shui, moshima ambe anak ne toitoi pirika ushike ta hachiri wa hetukba, aine, ashikne hotne pakno hene, re hotne pakno hene, wanbe ikashima hotne pakno hene shipiraspa nisa ruwe ne na.

Anange paha pakno tup ne kane iteki ekottanu yan: aotuye ita, otuye utara orota ene ku ye kusu ne-hi :— Echi paye wa hoshiki no nei zizania mun uina wa uhuika kuni ne muye ne kara: koroka mungi anak ne ku puhu otta omare yan, sekoro ku itak kusu ne.