Петрдыҥ 1-кы самаразы 1-ын алдартай Библийн эшлэлүүд

Хуваалцах

Кудайга, Иисус Христос Кайраканыстыҥ Адазына, баш болзын! Бисте Ого тирӱ ижемји болзын деп, Ол Бойыныҥ улу быйаныла Иисус Христостыҥ тирилгени ажыра биске јаҥы јӱрӱм берген. Бисти мӧҥкӱлик, ару ла чалдыкпас энчи алзын деп, Ол јаҥы јӱрӱм берген. Бу энчи слерге теҥериде чеберлелет.

Бого сӱӱнигер. Эмди јӱзӱн-јӱӱр ченелтелердеҥ улам эмеш кунугарга келижип турган болзо, чыдажыгар. Онызы слердиҥ Кудайга чындык бӱдӱп турганыгар быртып калар алтыннаҥ баалу болуп калзын деп керектӱ. Алтынныҥ да чыҥдыйы отло ченелет ине. Ол тушта слердиҥ бӱдӱп турганыгар, Иисус Христос ачылза, јараду, мак, кӱндӱ экелер.

Карын, слерди кычырып алган Кудай агару чылап, бойыгар да јӱрӱмеерде агару болыгар. Бичилген сӧс бар ине: «Агару болыгар, нениҥ учун дезе Мен агару».

Сӧсуккур балдардый болыгар, башкыда билбей јӱргенигердеҥ улам слерде болгон кычаларга бакпагар.

Оныҥ учун, кур курчанган чылап, санаагарды курчап, ойгу болуп, Иисус Христос ачылганда, слерге берилип турган јакшылыкка бӱткӱлинче иженигер.

нениҥ учун дезе кандый ла кижи ӧлӧҥдий, кижиниҥ кандый ла магы ӧлӧҥдӧги чечектий. Ӧлӧҥ кургаза, чечеги тӱжӱп калат, је Кайраканныҥ сӧзи ӱргӱлјиге јӱрет. Бу – слерге јарлалган сӧс.