ມາຣະໂກ 13-ын алдартай Библийн эшлэлүүд

Хуваалцах

ຄົນ​ທັງຫລາຍ​ຈະ​ກຽດຊັງ​ພວກເຈົ້າ ເພາະ​ເຫັນ​ແກ່​ນາມ​ຂອງເຮົາ, ແຕ່​ຜູ້ໃດ​ອົດທົນ​ໄດ້​ຈົນເຖິງ​ທີ່ສຸດ ຜູ້ນັ້ນ​ຈະ​ໄດ້​ລອດພົ້ນ.”

ຈົ່ງ​ເຝົ້າ​ລະວັງ​ຢູ່ ແລະ​ພາວັນນາ​ອະທິຖານ​ຢູ່​ສະເໝີ ເພາະ​ເຈົ້າ​ທັງຫລາຍ​ບໍ່​ຮູ້​ວ່າ ເວລາ​ນັ້ນ​ຈະ​ມາ​ເຖິງ​ເມື່ອໃດ.

ແຕ່​ເມື່ອ​ເຂົາ​ມອບ​ເຈົ້າ​ໄວ້​ນັ້ນ ພວກເຈົ້າ​ຢ່າ​ເປັນທຸກ​ຮ້ອນໃຈ​ກ່ອນ​ວ່າ ຈະ​ເວົ້າ​ຢ່າງ​ໃດ, ແຕ່​ຈົ່ງ​ເວົ້າ​ຕາມ​ຖ້ອຍຄຳ​ທີ່​ພຣະເຈົ້າ​ໂຜດ​ໃຫ້​ເຈົ້າ​ເວົ້າ ເພາະວ່າ​ບໍ່ແມ່ນ​ເຈົ້າ​ເອງ​ເປັນ​ຜູ້​ເວົ້າ ແຕ່​ແມ່ນ​ພຣະວິນຍານ​ບໍຣິສຸດເຈົ້າ ທີ່​ເປັນ​ຜູ້​ນຳພາ​ໃຫ້​ເວົ້າ.

ຟ້າ​ແລະ​ດິນ​ຈະ​ລ່ວງພົ້ນ​ໄປ, ແຕ່​ຖ້ອຍຄຳ​ຂອງເຮົາ​ຈະ​ບໍ່​ລ່ວງພົ້ນ​ໄປ​ຈັກເທື່ອ.”

“ແຕ່​ເລື່ອງ​ວັນ​ກຳນົດ ຫລື​ເວລາ​ກຳນົດ​ນັ້ນ​ບໍ່ມີ​ຜູ້ໃດ​ຮູ້ ແມ່ນແຕ່​ເທວະດາ​ໃນ​ສະຫວັນ ແລະ​ພຣະບຸດ​ກໍ​ບໍ່​ຮູ້, ຮູ້​ແຕ່​ພຣະບິດາເຈົ້າ​ອົງ​ດຽວ​ເທົ່ານັ້ນ.

ເມື່ອ​ພວກເຈົ້າ​ໄດ້ຍິນ​ເຖິງ​ເລື່ອງ​ການ​ເສິກ ແລະ ຂ່າວ​ເລົ່າລື​ເລື່ອງ​ການ​ເຮັດ​ເສິກ​ສົງຄາມ​ນັ້ນ ຢ່າ​ສະທ້ານ​ຢ້ານກົວ​ເລີຍ. ດ້ວຍວ່າ, ເຫດການ​ເຊັ່ນນີ້​ຈຳເປັນ​ຕ້ອງ​ເກີດຂຶ້ນ ແຕ່​ວັນ​ສຸດທ້າຍ​ຍັງ​ບໍ່ໄດ້​ມາ​ເຖິງ.

ດັ່ງນັ້ນ ຈົ່ງ​ເຝົ້າ​ລະວັງ​ຕຽມພ້ອມ​ຢູ່ ເພາະ​ເຈົ້າ​ທັງຫລາຍ​ບໍ່​ຮູ້​ວ່າ ເຈົ້າ​ຂອງ​ເຮືອນ​ຈະ​ກັບ​ມາ​ຍາມໃດ ຈະ​ມາ​ຫົວຄໍ່າ ຫລື​ທ່ຽງຄືນ ຫລື​ເວລາ​ໄກ່​ຂັນ ຫລື​ໃນ​ຕອນເຊົ້າ. ຢ້ານ​ວ່າ​ຈະ​ມາ​ໃນ​ທັນທີ ແລະ​ພົບ​ເຈົ້າ​ທັງຫລາຍ​ນອນ​ຫລັບ​ຢູ່. ຖ້ອຍຄຳ​ທີ່​ເຮົາ​ໄດ້​ກ່າວ​ແກ່​ພວກເຈົ້າ​ນີ້ ເຮົາ​ກໍ​ກ່າວ​ເຕືອນ​ແກ່​ທຸກຄົນ​ເໝືອນກັນ​ວ່າ ຈົ່ງ​ເຝົ້າ​ລະວັງ​ຢູ່.”

ດ້ວຍວ່າ, ປະເທດ​ຕໍ່​ປະເທດ ອານາຈັກ​ຕໍ່​ອານາຈັກ​ຈະ​ສູ້ຮົບ​ກັນ, ທັງ​ຈະ​ເກີດ​ແຜ່ນດິນ​ໄຫວ​ໃນ​ບ່ອນ​ຕ່າງໆ ແລະ​ຈະ​ເກີດ​ການ​ອຶດຢາກ, ເຫດການ​ເຫຼົ່ານີ້ ຈະ​ເປັນ​ເໝືອນ​ຂັ້ນ​ຕົ້ນ​ຂອງ​ຄວາມ​ເຈັບປວດ​ໃນ​ການ​ເກີດ​ລູກ.

ຂ່າວປະເສີດ​ຈະ​ຕ້ອງ​ປະກາດ​ໄປ​ທົ່ວ​ປະຊາຊາດ​ທັງໝົດ​ກ່ອນ.

ດ້ວຍວ່າ, ຈະ​ມີ​ຫລາຍ​ຄົນ​ມາ​ອ້າງ​ນາມ​ຂອງເຮົາ​ວ່າ, ‘ຂ້ອຍ​ນີ້​ແຫຼະ ເປັນ​ພຣະຄຣິດ’ ແລະ​ຈະ​ຫລອກລວງ​ຫລາຍ​ຄົນ​ໃຫ້​ຫລົງ​ເສຍ​ໄປ.

ແຕ່​ຈົ່ງ​ລະວັງຕົວ​ໃຫ້​ດີ ພວກເຂົາ​ຈະ​ຈັບ​ພວກເຈົ້າ​ຂຶ້ນ​ສານ ແລະ​ຈະ​ຖືກ​ຂ້ຽນຕີ​ໃນ​ທຳມະສາລາ, ພວກເຂົາ​ຈະ​ໃຫ້​ພວກເຈົ້າ​ຢືນ​ຢູ່​ຕໍ່ໜ້າ​ຜູ້​ປົກຄອງ ແລະ​ກະສັດ​ເພາະ​ເຫັນ​ແກ່​ເຮົາ ເພື່ອ​ຈະ​ໄດ້​ເປັນ​ພະຍານ​ແກ່​ພວກເຂົາ.

ດ້ວຍວ່າ, ຈະ​ມີ​ພຣະຄຣິດ​ປອມ ແລະ​ໝໍ​ທຳນວາຍ​ຂີ້ໂລບ​ຫລາຍ​ຄົນ​ເກີດຂຶ້ນ ພວກເຂົາ​ຈະ​ເຮັດ​ການ​ອັດສະຈັນ ແລະ​ໝາຍສຳຄັນ​ຫລາຍ​ປະການ ຖ້າ​ເປັນ​ໄປ​ໄດ້​ຈະ​ຫລອກລວງ​ຜູ້​ທີ່​ພຣະເຈົ້າ​ໄດ້​ເລືອກ​ໄວ້​ໃຫ້​ຫລົງ​ເສຍ​ໄປ.

“ໃນ​ວັນ​ເຫຼົ່ານັ້ນ ຫລັງຈາກ​ເວລາ​ແຫ່ງ​ຄວາມ​ທຸກ​ລຳບາກ​ຜ່ານ​ພົ້ນ​ໄປ​ແລ້ວ ດວງອາທິດ​ຈະ​ມືດໄປ ດວງຈັນ​ຈະ​ບໍ່​ສ່ອງແສງ, ດວງດາວ​ທັງຫລາຍ​ຈະ​ຕົກລົງ​ຈາກ​ສະຫວັນ ແລະ ບັນດາ​ສິ່ງ​ທີ່​ມີ​ອຳນາດ​ໃນ​ຟ້າ​ສະຫວັນ​ກໍ​ຈະ​ສັ່ນ​ສະທ້ານ​ຫວັ່ນໄຫວ.