Markus Uram 2-ын алдартай Библийн эшлэлүүд

Хуваалцах

Asi, Er Yesus biryi a ebmai uram kekebmouci, Erci kiklina uram doboka sunsi ato ebkarebmou, “Sun kib nang aryi ninyi kwetenanyi bisi kum namnaming. Erda sun youn taleranci nang aryi, ‘Kwetebnurum,’ eboka namnaming. Nibabyi neiktoto ninyi kwetenanyi bitonyi kunun. Ati, sun kanya aryi, ‘Nunda telebto akwe kunub nang,’ teneramingnyi nang asi bisiboka Niryi sun malyi kuramingnyi nang asi diryanganun. Niryi, ‘Sunci sun malyi kurandau dinyi takdarur,’ enuncok, sun malyi kuamingnyi nang asi teleb kubdeibkwan ati yanman.” Ato eboka Yesus biryi sun Musa kerek sengna etereramnyi nang asi ebkarebmou.

Dobkwetebmai ura, Er Yesus biryi a nang dib tenen dinyi bikmou ura, Erci er yan deneamunyi bisi ato ebmou. “Ni mi, kan malyi kuramoumwe dinyi ara Niryi sirya kilibmakin,” ebmou.

Ato ebmou cok, Er Yesus biryi sunsi ato eterebmou. “Er Imtamnyi biryi, ‘Uki ta tum aryi wa ina mem,’ eansou ara, ‘A uki tum ara ninyi nirya aryi te louboka bukwanung,’ tenen eansou. Ato eansou cok, Er Imtamnyi biryi, ‘Ikin dinyi takubdeibkwan,’ kum tenesurur.

Boyanmai bok, ninyi ilinto libmai aryi, sunci Er Yesus dam bobinman kum kubmou. Damtoto bobinman kum kubmou ati, sunci akai aruma welebindoka, “Er Yesus adikum kobdob bukmar,” teneboka aruma dangabdeibmai. Aruma dangabdeibmai ura, sun kwit maloua deici mabmoua kibmaning asi nimalyi-nimalyi dobkwetebmai.

Ni Ninyi Dasinyi kunun ati, Niryi sun tukwetam kurandum nang sun malyi kun dinyi kilina ara Nira kikibnyi kunun. Ati, sunci Nisi Er Imtamnyi bokwetebnounyi bisi, ‘Malyi kun dinyi ur kilisururnyi,’ tenen bikwandum ati, Niryi anyi bisi kwetebkun,” ebmou. Ato ebmou cok, Er Yesus biryi yan deneamunyi bisi ato ebmou. “Ni mi, kanda tikokminci, kan amsuna doboka dobdobminyi ura, kan ai ur bindobdum,” ebmou.

Ato eboka asibmou cok, Erci sunsi, “Dan dinyi asi caknam tenebmarum do? Niryi a yan deneamunyi bisi, ‘Kan malyi kuramoumwe dinyi kilibmakin,’ ena ara caknam do? Niryi ersi, ‘Tikokminci, kan amsuna dobobdobminyi ura, bindobdum,’ ena asi caknam tenebmarum do? Sunci Ni ebkun uram asi diboka kekebdarur, ninyi kwetena ab, sun malyi kun dinyi kilina ab ara neiktoto ara caknam dinyi kuma. Ninyi kwetena ab malyi dinyi kilina ab ara Er Imtamnyi mikib aryok kikninun.

Ba, a yan deneamunyi er yan mikib kubmou ba, ninyi nirya dinmai bok, tikokmouci, erci er amsuna doboka bobdobmou ura, er ai binmou. Ba, sun ninyi nirya aryi “Nai e, ato kubmar dinyi ara minob ton kum eiriramoubwe,” ebmaici, Er Imtamnyi si weik ebmai.