Êphêsô 5-ын алдартай Библийн эшлэлүүд

Хуваалцах

Brei diih jing phung tui Aê Diê, kyuadah diih jing phung anak Ñu khăp êdimi. Êbat bĕ hlăm klei khăp, msĕ si Krist khăp leh kơ drei, leh anăn săn asei mlei Ñu pô kyua drei, jing mnơ̆ng myơr leh anăn mnơ̆ng ngă yang ƀâo mngưi kơ Aê Diê.

Snăn răng bĕ kơ klei hdĭp diih. Đăm jing msĕ si phung mluk ôh, ƀiădah msĕ si phung thâo mĭn. Yua hruê diih bi jăk, kyuadah ênuk anei jing jhat.

Đăm kpiê ruă ôh, kyuadah klei anăn bi mbŭk diih; ƀiădah brei diih bŏ hŏng Yang Mngăt Jăk. Bi blŭ bĕ hdơ̆ng diih hŏng klei mmuñ hđăp, hŏng klei mmuñ hơêč hmưi, leh anăn hŏng klei mmuñ doh jăk, mmuñ bi mni kơ Khua Yang hŏng jih ai tiê. Kyua jih jang klei, brei diih bi mni nanao kơ Aê Diê Ama hlăm anăn Khua Yang drei, Yêsu Krist.

Snăn đăm jing mluk ôh, ƀiădah brei diih thâo săng ya klei Khua Yang čiăng.

Ơ phung êkei mâo mô̆, brei diih khăp kơ mô̆ diih, msĕ si Krist khăp leh kơ Phung Sang Aê Diê leh anăn săn asei mlei Ñu pô kyua gơ̆

Mphŭn dô diih dôk hlăm klei mmăt, ƀiădah ară anei diih mâo klei mngač hlăm Khua Yang. Êbat bĕ msĕ si phung anak klei mngač

Brei diih bi gưt hdơ̆ng diih hlăm klei huĭ mpŭ kơ Krist.

Ơ phung mniê mâo ung, brei diih gưt kơ ung diih, msĕ si kơ Khua Yang.

Ƀiădah brei grăp čô diih khăp kơ mô̆ ñu msĕ si ñu khăp kơ ñu pô, leh anăn brei mô̆ mpŭ kơ ung ñu.

Msĕ si Klei Aê Diê Blŭ lač, “Kyua klei anăn sa čô êkei srăng lui amĭ ama ñu leh anăn bi mguôp hŏng mô̆ ñu, leh anăn jih dua diñu srăng jing sa kđeh.”

Đăm bi mguôp ôh hlăm bruă amâo mâo klei tŭ dưn mơ̆ng klei mmăt, ƀiădah brei diih bi êdah klă ya bruă anăn jing.