Êphêsô 3-ын алдартай Библийн эшлэлүүд

Хуваалцах

Kơ Pô dưi ngă kdlưn êgao hĭn kơ jih klei drei akâo amâodah mĭn, tui si klei myang dôk mă bruă hlăm drei, brei Ñu mâo klei guh kơang hlăm Phung Sang Aê Diê leh anăn hlăm Krist Yêsu hlăm jih jang ênuk, nanao hlŏng lar. Amen.

Tui si klei mdrŏng klei guh kơang Ñu, kâo akâo kơ Ñu bi ktang ai tiê diih hŏng klei myang mơ̆ng Yang Mngăt Jăk Ñu; leh anăn čiăng kơ Krist dưi dôk hlăm ai tiê diih hŏng klei đăo. Leh anăn kâo wah lač čiăng kơ diih mtrŭn agha leh anăn mdơ̆ng atur hlăm klei khăp, snăn kơh diih dưi thâo săng mbĭt hŏng jih jang phung doh jăk boh ƀai, boh taih, boh dlông, leh anăn boh êlam, leh anăn dưi thâo kral klei Yêsu Krist khăp êgao hĭn kơ arăng dưi thâo săng, čiăng kơ diih dưi bŏ hŏng klei bŏ ênŭm Aê Diê.

Hlăm Krist anăn drei mâo klei jhŏng leh anăn klei knang dưi nao giăm Aê Diê hŏng klei drei đăo kơ Krist.