I Kôrantô 12-ын алдартай Библийн эшлэлүүд

Хуваалцах

Yang Mngăt Jăk bi êdah kơ grăp čô klei dưi čiăng đru jih jang.

Diih jing asei mlei Krist, leh anăn grăp čô jing kdrêč hlăm asei mlei Ñu.

Tơdah sa kdrêč mâo klei knap mñai, jih jang kdrêč mâo klei knap mbĭt; tơdah sa kdrêč mâo klei mpŭ, jih jang kdrêč hơ̆k mơak mbĭt.

Kơ sa čô anei Yang Mngăt Jăk brei klei dưi blŭ hŏng klei thâo mĭn; kơ sa čô mkăn Yang Mngăt Jăk anăn mơh brei klei dưi blŭ hŏng klei thâo săng; kơ sa čô mkăn Yang Mngăt Jăk anăn mơh brei klei đăo, kơ sa čô mkăn Yang Mngăt Jăk anăn mơh brei klei dưi bi hlao arăng; kơ sa čô mkăn klei dưi ngă klei yuôm bhăn, kơ sa čô mkăn klei dưi hưn êlâo, kơ sa čô mkăn klei dưi thâo kral yang mdê mdê, kơ sa čô mkăn klei dưi blŭ klei tue mdê mdê, kơ sa čô mkăn klei thâo mblang klei tue.

Jih jang klei brei anăn kbiă mơ̆ng sa Yang Mngăt Jăk anăn yơh, Pô bi mbha kơ grăp čô tui si Ñu čiăng.

čiăng kơ đăm mâo klei bi kah mbha ôh hlăm asei mlei, ƀiădah grăp kdrêč bi răng kriê hdơ̆ng găp.

Mâo lu klei brei mdê mdê, ƀiădah mâo knŏng sa Yang Mngăt Jăk. Mâo lu bruă jao mdê mdê, ƀiădah mâo knŏng sa Khua Yang; mâo lu bruă ngă mdê mdê, ƀiădah mâo knŏng sa Aê Diê brei klei dưi ngă jih hlăm jih jang.

Aê Diê mdưm hlăm Phung Sang Aê Diê tal êlâo hĭn phung khua ƀĭng kna, mrô dua phung khua pô hưn êlâo, mrô tlâo phung nai mtô, phung ngă klei yuôm bhăn, phung mâo klei dưi bi hlao, phung thâo đru, phung thâo kiă kriê, leh anăn phung dưi blŭ klei tue mdê mdê.

Kyuadah asei mlei amâo jing knŏng sa kdrêč, ƀiădah lu kdrêč.

Ƀiădah ti kdrêč asei mlei dlăng msĕ si awăt hĭn, ăt jing yuôm mơh

Tơdah jih asei mlei jing ală, si asei mlei dưi hmư̆ lĕ? Tơdah jih asei mlei jing knga, ti anôk asei mlei dưi ƀâo lĕ? Ƀiădah tui si jing leh, Aê Diê dăp grăp kdrêč hlăm asei mlei tui si Ñu čiăng. Tơdah jih jang jing knŏng sa kdrêč, si dưi jing asei mlei lĕ?