Mo꞉mo꞉do꞉ 32-ын алдартай Библийн эшлэлүүд

Хуваалцах

A꞉la꞉sa꞉labiki kalu a꞉ma꞉yo꞉ a꞉la꞉sio꞉, “Ge Gode o꞉lia꞉ kalu i o꞉lia꞉lo꞉ ani tandea꞉leno꞉ gi tinio꞉ ko꞉lo꞉, ge wiyo꞉ Ya꞉kob a꞉la꞉bo꞉ wa꞉kabiyo꞉ mo꞉sa꞉ma꞉ib. O꞉go꞉ gi wiyo꞉ Isolael wikili alito꞉l.”

A꞉la꞉dimida꞉sa꞉ga꞉yo꞉ kalu a꞉ma꞉yo꞉ a꞉la꞉sio꞉, “Ho꞉le bidab ko꞉lo꞉, giyo꞉ ne fagega꞉foma.” Ko꞉sega Ya꞉kob eyo꞉ a꞉ma꞉la꞉bo꞉ a꞉la꞉sio꞉, “Niyo꞉ ge o꞉semo꞉ fagega꞉fa꞉no꞉. Giyo꞉ ne nafale mesea꞉ki dinali sa꞉lalikiyo꞉, niyo꞉ ge a꞉na fagega꞉fa꞉no꞉.”

Ya꞉kob e nulu a꞉namio꞉ ina꞉li dowabikiyo꞉, kalu nowo꞉ elo꞉wa fa꞉la꞉dowakiyo꞉, e ta꞉lia꞉sa꞉ga꞉ fafula꞉fo꞉liki ani tandea꞉leno꞉, ho꞉lema꞉no꞉wo꞉ ko꞉na꞉ma dowabiki, kalu a꞉ma꞉yo꞉ Ya꞉kobo꞉ mo꞉tininima꞉no꞉ dowabi, eyo꞉ Ya꞉koba꞉ kola꞉kiya golabiki, kola꞉kiyo꞉ a꞉na helefo dowo꞉.

A꞉la꞉go꞉ko꞉lo꞉ Ya꞉kob eyo꞉ a꞉la꞉sio꞉, “Ne Godeyo꞉ migi kudu ba꞉ba꞉, ko꞉sega ne mo꞉sowo꞉.” A꞉la꞉fo꞉ko꞉lo꞉ eyo꞉ hen a꞉no꞉ Beniel wikilo꞉.

Ya꞉kob e nulu a꞉namio꞉ ina꞉li dowabikiyo꞉, kalu nowo꞉ elo꞉wa fa꞉la꞉dowakiyo꞉, e ta꞉lia꞉sa꞉ga꞉ fafula꞉fo꞉liki ani tandea꞉leno꞉, ho꞉lema꞉no꞉wo꞉ ko꞉na꞉ma dowabiki, kalu a꞉ma꞉yo꞉ Ya꞉kobo꞉ mo꞉tininima꞉no꞉ dowabi, eyo꞉ Ya꞉koba꞉ kola꞉kiya golabiki, kola꞉kiyo꞉ a꞉na helefo dowo꞉.

A꞉la꞉sa꞉labiki kalu a꞉ma꞉yo꞉ emo꞉wo꞉ a꞉la꞉dabu ba꞉ba꞉, “Ge wiyo꞉ o꞉ba꞉le?” Ya꞉kob eyo꞉ a꞉ma꞉la꞉bo꞉ a꞉la꞉sio꞉, “Ne Ya꞉kob.”

To a꞉no꞉ da꞉da꞉sa꞉ga꞉, Ya꞉kob eyo꞉ a꞉la꞉sio꞉, “Kalu Alan, gi wiyo꞉ sa꞉ma꞉no꞉wo꞉ o꞉liyo꞉?” A꞉la꞉sa꞉labiki kalu a꞉ma꞉yo꞉ a꞉la꞉sio꞉, “Wi nilo꞉wo꞉ waima꞉ni dabu ba꞉daya?” A꞉la꞉ta꞉ga꞉ kalu a꞉ma꞉yo꞉ Ya꞉kobo꞉ e nafale mesea꞉kiyo꞉, a꞉na dulugu sio꞉.

Ne nafa kaluma, ko꞉sega giyo꞉ ha꞉fo꞉ disa꞉lan man o꞉lia꞉ man nafale a꞉no꞉lia꞉yo꞉ nemo꞉wo꞉ dimida꞉sen. Ne no꞉no꞉n heno꞉ ta꞉fo꞉ ha꞉naki, ho꞉n Yodan a꞉no꞉ ta꞉notakiyo꞉, i dom ko꞉ dia꞉sa꞉ga꞉ ane ko꞉sega, giyo꞉ ne asufa꞉ ko꞉lo꞉, o꞉go꞉ ne a꞉ma꞉la꞉ yakiyo꞉, kelego꞉wo꞉ modo꞉ ko꞉lo꞉ a꞉la꞉ aloba꞉da꞉sa꞉ga꞉ mio꞉.

A꞉la꞉go꞉ko꞉lo꞉ Isolael kaluka꞉isale iliyo꞉, o꞉g nulu a꞉namilo꞉ kalu a꞉ma꞉lo꞉ Ya꞉koba꞉ kola꞉ki amilo꞉ moma kudu alifelo꞉ amilo꞉ golo꞉ a꞉no꞉ asulakiyo꞉, iliyo꞉ no꞉ kola꞉ki amilo꞉ moma kudu alifelo꞉ a꞉no꞉ mo꞉na꞉sen ko꞉lo꞉, o꞉go꞉lo꞉ iliyo꞉ man a꞉no꞉ ko꞉lo꞉ kudu ha꞉naki mo꞉na꞉lab.

A꞉la꞉ta꞉ga꞉ Ya꞉kob eyo꞉ a꞉la꞉dulugu sio꞉, “Yawe, ni ma꞉mu Ablaham o꞉lia꞉ ni do Aisa꞉g o꞉lia꞉ma꞉ Godeyo꞉ ge ko꞉lo꞉, tamin amio꞉ giyo꞉ nemo꞉wo꞉ a꞉la꞉sio꞉, ‘O꞉go꞉ ge go꞉la꞉ hendeya ha꞉na꞉ga꞉, go꞉no꞉n so꞉lo꞉lo꞉ sab a꞉na a꞉ma꞉la꞉ ha꞉na꞉bi. A꞉la꞉gakiyo꞉ niyo꞉ ge nafale mesea꞉ki ta꞉fa꞉no꞉.’

Tamin amio꞉ giyo꞉ nemo꞉wo꞉ dinali sa꞉lakiyo꞉, ‘Niyo꞉ ge asuwa꞉taki, gilo꞉ so꞉wa sa꞉la꞉la꞉i ha꞉na꞉lab i a꞉no꞉ ho꞉n amilo꞉ sa꞉ o꞉ngo꞉ fa꞉la꞉doma꞉ki ta꞉fa꞉no꞉ ko꞉lo꞉, iyo꞉ mo꞉agelema꞉ib.’ Giyo꞉ a꞉la꞉dinali sio꞉ ko꞉lo꞉, o꞉go꞉ niyo꞉ gemo꞉wo꞉ a꞉na dulugu so꞉lo꞉l. Nao Iso꞉ e yakiyo꞉, nelo꞉, ga nilo꞉wo꞉lo꞉, so꞉wagalin o꞉lia꞉yo꞉ babuma꞉ni mia꞉nigab a꞉no꞉ ne tagilab ko꞉lo꞉, Yawe giyo꞉ ne asuwa꞉taki gasilia꞉bi.”