Mo꞉mo꞉do꞉ 27-ын алдартай Библийн эшлэлүүд

Хуваалцах

Eleya꞉ ba꞉ ko꞉lo꞉ Godelo꞉wa a꞉la꞉ta꞉ga꞉lo꞉ fa꞉la꞉dowab a꞉no꞉ gelo꞉ amio꞉ dimia꞉melea꞉ki a꞉la꞉ta꞉ga꞉, Ma꞉no꞉ modo꞉ fa꞉la꞉doma꞉no꞉ hen heyo꞉ nafaleyo꞉ gemo꞉ dimina꞉ki a꞉la꞉ta꞉ga꞉ ma꞉no꞉ hende o꞉lia꞉ wain ho꞉n o꞉lia꞉yo꞉ ge amio꞉ modo꞉ nafale fa꞉la꞉nda꞉melea꞉ki, Godemo꞉ dulugu so꞉lo꞉l. A꞉la꞉ta꞉ga꞉ so꞉lo꞉ ko꞉li ko꞉lilo꞉ henfelo꞉ amilo꞉ sab we, gi nanog dian kalu dowaki, iyo꞉ gi ha꞉ga dowa꞉i ha꞉na꞉mela꞉ib. Ge misa꞉ dowaki, gao iyo꞉ gi ha꞉ga dowa꞉mela꞉ib. Iliyo꞉ gelo꞉wa gulalu siliki, ge ko꞉lo꞉ wabulu sa꞉la꞉mela꞉ib. Kalu abeyo꞉ ge mogagila꞉ma꞉no꞉ towo꞉ sa꞉lalega, kalu a꞉ma꞉ inin ko꞉ mogaima꞉ib. Kalu abeyo꞉ ge nafale mesea꞉ki, Godemo꞉ dulugu sa꞉lalega, kalu i a꞉no꞉ nafale mesea꞉ki ta꞉fa꞉ib.”

A꞉la꞉sa꞉labiki Iso꞉ eyo꞉ a꞉la꞉sio꞉, “Nao eyo꞉ ne ho꞉len a꞉la꞉ dikidakiyo꞉, tamin amio꞉ nilo꞉ wa꞉la꞉ba꞉ dabuno꞉ e di. A꞉la꞉ta꞉ga꞉ o꞉go꞉lo꞉ nemo꞉lo꞉ nafa mesea꞉kilo꞉ dinali sa꞉ma꞉no꞉ to sio꞉ a꞉no꞉lo꞉ e diab. A꞉la꞉go꞉ko꞉lo꞉ wi Ya꞉kob a꞉no꞉ e amio꞉ mada ililab. Ko꞉sega giyo꞉ nafale mesa꞉no꞉ to nowo꞉ nemo꞉lo꞉ dimia꞉no꞉wo꞉ o꞉da꞉laba?”

Aisa꞉ga꞉yo꞉ inso꞉bo꞉wo꞉ a꞉ma꞉la꞉yo꞉ a꞉la꞉sio꞉, “Ma꞉no꞉ modo꞉lo꞉ fa꞉la꞉doma꞉no꞉ hen heyo꞉ nafale a꞉namio꞉ ge mo꞉mesa꞉ib, a꞉la꞉ta꞉ga꞉ Eleya꞉ ba꞉ ko꞉lo꞉ Godelo꞉wa a꞉la꞉ta꞉ga꞉lo꞉ fa꞉la꞉dowab a꞉no꞉ gelo꞉ amio꞉ mo꞉fa꞉la꞉doma꞉ib. Giyo꞉ hen o꞉lia꞉ ma꞉no꞉ o꞉lia꞉ dia꞉nikiyo꞉, buba꞉i ha꞉na꞉la꞉ga꞉ a꞉na dia꞉ib. A꞉la꞉ta꞉ga꞉ ge gaowa꞉ nanog kalu dowa꞉i ha꞉na꞉mela꞉ib. Ko꞉sega tif amio꞉ ge mo꞉bealiki, ene halaido꞉ ha꞉g amio꞉ mo꞉doma꞉niki, giyo꞉ susia꞉la꞉ga꞉, handalowakiyo꞉ ga꞉li doma꞉ib.” Aisa꞉g eyo꞉ emo꞉wo꞉ a꞉la꞉dinali salifa꞉.

Iso꞉ eyo꞉ iyamo꞉ ha꞉iyakiyo꞉ a꞉la꞉sio꞉, “Do giyo꞉ dinali sio꞉ imilig ko꞉ma꞉le? Do giyo꞉ nelo꞉ nafale mesa꞉no꞉wo꞉ dinali sama.” Iso꞉ eyo꞉ to a꞉no꞉ sa꞉la꞉sa꞉ga꞉yo꞉, e alan ya꞉lo꞉.