Mo꞉mo꞉do꞉ 18-ын алдартай Библийн эшлэлүүд

Хуваалцах

A꞉la꞉ba! Ne amio꞉ mo꞉dimidama꞉no꞉ kelego꞉ imilig nowo꞉ mada aundo꞉ma. Niyo꞉ kelego꞉wo꞉ tambo niyo꞉ o꞉li dimidama꞉no꞉. Dona no hononamio꞉, ho꞉len da꞉feyo꞉wo꞉ fa꞉la꞉dowaliki, ne gelo꞉ amio꞉ a꞉mia꞉no꞉ ko꞉lo꞉, Sa꞉la eyo꞉ kalu so꞉wayo꞉ sa꞉la꞉lia꞉sa꞉ga꞉ elena doma꞉ib,” a꞉la꞉sio꞉.

A꞉la꞉fo꞉ko꞉lo꞉ Sa꞉la e ene asulo꞉ amio꞉ o꞉ga꞉liki a꞉la꞉asulo꞉, “Kalu nilo꞉wo꞉lo꞉, nelo꞉ anaso꞉ dowab ko꞉lo꞉, ne wa꞉ka sagale alifa꞉nigaba꞉le?”

Iyo꞉ ha꞉nakiyo꞉, Yawe eyo꞉ a꞉la꞉sio꞉, “Nilo꞉ dimidama꞉no꞉wo꞉, Ablahambo꞉wo꞉ mo꞉wo꞉no꞉le dia꞉fa꞉no꞉. Mo꞉wo꞉ Ablaham eya a꞉la꞉ta꞉ga꞉yo꞉ kaluka꞉isaleyo꞉ modo꞉ fa꞉la꞉dowaki, so꞉lo꞉wo꞉ halaido꞉ doma꞉ib. A꞉la꞉ta꞉ga꞉ henfelo꞉ amilo꞉ so꞉lo꞉ sab a꞉no꞉ tambo eya a꞉la꞉ta꞉ga꞉yo꞉ nafale mesea꞉ki ta꞉fa꞉no꞉.

Ablaham e Yawe elo꞉wa ha꞉na꞉ga꞉yo꞉, a꞉la꞉dabu ba꞉ba꞉, “Giyo꞉ mogago꞉ kalu a꞉no꞉ yasalakiyo꞉, digalo꞉ kaluwo꞉lo꞉ yasala꞉ma꞉no꞉wa꞉le? Digalo꞉ kaluka꞉isale do꞉la꞉fo꞉ bila꞉fo꞉wo꞉ amisa꞉n a꞉namio꞉ alabo꞉lalega, giyo꞉ tambo yasala꞉ma꞉no꞉wa꞉le? Giyo꞉ digalo꞉ kaluwo꞉ asulakiyo꞉, amisa꞉n a꞉no꞉ o꞉li mesea꞉ki ta꞉fa꞉no꞉wa꞉le?

Ablaham eyo꞉ a꞉la꞉sa꞉labiki, Yawe eyo꞉ a꞉ma꞉la꞉ sa꞉laki, “Digalo꞉ kalu do꞉la꞉fo꞉ bila꞉fo꞉wo꞉ Sodom amisa꞉n amio꞉ ba꞉dalega, niyo꞉ i a꞉no꞉ ko꞉lo꞉ asulakiyo꞉, kaluka꞉isaleyo꞉ tambo o꞉li mesea꞉ki ta꞉fa꞉no꞉.”