A Luk Sõng 6-ын алдартай Библийн эшлэлүүд

Хуваалцах

Kõ-y tɩ b na kõ yãmb me. Y na n kolemda y fuug tɩ b kiig-y wamd pidungu, wamd sẽn yegs yegse n pĩ tɩ baas n sẽegdẽ. Yãmb sẽn dɩk wamd ning n mak n kõ y taabã, wamd kãng la b rɩkd n mak n kõ yãmb me.»

Nin-sõng sẽn pid sõmblem kẽeda a sũurẽ n yiis yel-sõma, tɩ nin-wẽng sẽn pid wẽnem kẽed a sũurẽ n yiisd sẽn pa sõmbe. F sũur sẽn pid ne bũmb ninga la f noor tar n gomda.

Sã n ya yãmba, nong-y yãmb bɛɛba, maan-y yel-sõma la y peng n da saag bũmb ye tɩ woto yãmb dolbo wat n yɩɩ wʋsgo la yãmb yɩta Yĩngr Ba wã kamba tɩ bãmb maanda yel-sõm-zɩtb la nin-wẽns neere.

Dẽ yĩnga yɩ-y nimbãan-zoetba, wala Ba wã sẽn ya nimbãan-zoetã.

Da kao-y ned bʋʋd ye, tɩ b kõn kao yãmb me bʋʋd ye. Da ning-y ned taale tɩ b kõn ning yãmb me taal ye. Kõ-y sugri tɩ b na kõ yãmb me sugri.

Yãmb fãa sẽn kelgd maama, m yet-y lame: Nong-y y bɛɛba; sẽn tugd-b beem ne yãmbã, bɩ y maan-b yel sõmde. Sẽn kãabd-b yãmb wẽnga bɩ y kãab-b kãab-noogo la y pʋʋs n kõ sẽn sãamd-b yãmb yʋʋrã.

Yãmb sẽn dat tɩ ned maan yãmb bũmb ningã, maan-y boto ne y taaba.

Ned wẽ f yɛgdg a ye pɛka bɩ f wẽnemd f yɛdg a to wã n tees-a. Ned yẽeg fo n deeg f fu-taoko, da mong-a f fu-wok ye. Sẽn bõs-a foom, kõ-a; sẽn dɩka fo bũmbu bɩ f ra sok-a n deeg ye.

Tɩ sõng zɩ n wom bi-wẽns ye la tɩ wẽng me zɩ n wom bi-sõma ye!

Tɩɩg fãa bãngda a biisẽ; kankam kõn fãs gõosẽ ye, la sib ka tõsd kãgrẽ ye.