Rom 8-ын алдартай Библийн эшлэлүүд

Хуваалцах

Taha tanan, Kindrei amekes lakou mari mwasin ma ndra-in kameh, asahan mwasin i tare lau aseken iy; oro are lau mene iy aloh oro ame bolo lahou tan.

Tasah, jo badeh, ndratanan labai, ta saba lakou asahan bada taha winiyan bapwai taha ta bolo tikisiy ta Kindrei; jo imek deh jo udu; iri angelo badu kandrah deh, iri malawin ndra-in badu reu; na sasah asahan na dah deh, asahan udu bwena eme; na boto-on badu loke ma badu andri; ma na saba lakou ja Kindrei mesekei, iri lakou mara-ei doh winiyan bapwai taha ta bolo tikisiy ta Kindrei bwe. Tikisiy tan doh eme tataha i san ta Krais Jises, iy Laban tataha.

Ya eme i le buku aliy, na len taha nyamu taha bwe badeh, Malawin Ndrabun eme aseben taha. Tasah, taha tana taha san ta amekes salom ki buku sah bwe, taha aden le udu ndrine taha na sahou rayah taha winiyan basehek na boho taha bwe; arile i buku none taha aso ta asehek sahou badeh kameh, Malawin Ndrabun le i nyara boho taha ndremenya Kindrei ta aseben.

Ya abo, taha katiye sasah ki tiri lakou mari Kindrei amekes doh? Ki buku none iy badu hawe taha ma aseben taha, idah kameh, are lau katikahei taha ai? Winiyan bwe!

Ya eme sendrehendreh ta lakou mari i buku doh: Are lau asahan ari buruwen hawe Krais Jises badeh, batanau malen ta Kindrei winiyan batiyani iy bala ta mada sahou ma badeu maha-an bala tan ja bwe.

Ya eme buku none are lau atehei karei ma lomondra ndra-in udu budon tan labai kameh iy imek; arile, are lau atehei Malawin Ndrabun atondrok bolo budon tan mari kameh iy manyah mwasin udu le buku doh, winiya se losen bwe.

Arile bwe, iri maha-an mari doh, winiyan amekes bahun tinan eme bada taha, arile tikisiy tan eme tataha badeh, tinan labai ja, eme ma iri maha-an mari doh winiyan batisi taha bwe!

Balek lomondra ta maha-an hawe sisi-in taha bwese na len dah badeh; lakou nadu bwisik labai ta manyah mwasin ma lomadan kameh eme, iy leheya eme tataha.

Abo, saba lakou handru winiyan apwai taha are bolo tikisiy ta Krais? Maha-an winiyan deh, sisi-in deh, iri amekes ndra-in eme tataha deh, bilidi awas deh, taha kalawi taha bwe deh, bohosak deh, iri kadai taha kamak deh? Bwe, iri lakou mara-ei doh winiyan bapwai taha ta bolo seken ma tikisiy ta Krais bwe!

Kindrei anyolom ndrine taha, ma iy tanan budon ta Malawin Ndrabun ma sasah kameh iy ndremenya iy ta aliy ta aseben taha lau tan. Ma Malawin Ndrabun kameh ndremenya iy boto-on boto-on amwenen le ta budon ta Kindrei.

Tasah, are lau oro alelei budon ta Malawin Ndrabun atondrok oro, oro baden eh, nadu Kindrei.

Are lau oro an hamon ta karei ma lomondra ndra-in badu bolo oda oro badeh, ndratehei budon toro ndrahas ndra ta aliy kabwe; arile, are lau oro an hamon ta budon ta Malawin Ndrabun badeh, atehei budon toro handru in hamon tan.

Kindrei batawi nadun amwenen ba-en gwek bwe, arile iy atehei nadun eme bwese isi ma imek ta akunoh taha mari. Handru, taha ndranyolom iy badeh, ndratehei nadun oh! Ya, idah kameh, aha abudon anya iy winiyan batehei lakou mwasin mari bame tataha bwe? Bwe, idah kameh, iy atehei laleyah i ta nadun ma i tataha ale.

Ma ale Malawin Ndrabun tiye udu bolo koha taha anya, “Aha badeh, nadu Kindrei.” Ya, i buku none taha ndrasahan nadun, idah kameh, taha akohok nyosowan mwasin tan udu hawe iri lau tan. Ma idah kameh, taha ma hawe Krais kameh atondrok lakou mene Kindrei atehei udu mine Krais, arile taha ma mwena kabwese maha-an ma isi, iri lau kamekes keme tataha op, ano kameh Kindrei edeu manyah mwasin eme tataha i le buku manyah mwasin ta Krais.

Ya, are lau atehei karei ma lomondra ndra-in udu bolo budon tan badeh, kameh mesekei le bahun hawe Kindrei. Tasah, are lau amekes kandriyen i buku doh, iri lau doh badeh, batehei oro bala bahandra tondrok ta batanau malen ta Kindrei bwe, ya iri winiyan ba-en hamon ta batanau tan bwe.

Tasah, iri lakou mari badu munyak ma kandrah badeh, ado le abe-en, ma hawe koha iri apwe ta anyolom len eme kameh, Kindrei edeu bwabwai ta masiye i ta nadun iri.

Taha ndratanan ta lakou mari Kindrei mesekei atona isi, i buku none isi ta badih anya kedeu nadun keme len. Ma iri lakou doh atondrok len ta Kindrei kameh nyowonya nadun iri ame lewan, winiya taku len dah.