پیدایش ۹-ын алдартай Библийн эшлэлүүд

Хуваалцах

هَطویم خودا بوگفته: «عهد و پیمانی کی شیمی اَمرأ و تومامٚ جاندارأنٚ زنده اَمرأ کی شیمی میأن ایسَه‌ییدی، دَوَدم، اَبدی‌یه و اونٚ نیشأنه، هَنه کی می رنگین کمانَ ابرأنٚ جور نهم و اون، نیشأنه‌یٚ عهد و پیمانی به، مابینٚ من و زیمین.

هر وخت رنگین کمان ابرأنٚ جور نمایانَ به، اونَ دینم و می عهد و پیمانٚ اَبدی‌یَ کی زیمینٚ تومامٚ جاندارأنٚ زنده اَمرأ دٚوٚستم، بخاطر اَورم.»

هر کس اینسأنٚ خونَ فوکونه، اونٚ خونم اینسأنٚ دسٚ مره فیوِه، چونکی خودا اینسأنَ به خو شکل و شمایل خلق بوکوده.

بأزین خودا، نوح و اونٚ پسرأنَ برکت بدَه و اوشأنَ بوگفته: «بارور و زیادَ بید و زیمینَ پورَ کونید.

هر موجودی کی زنده‌یه و حرکت کونه شیمی خوراک به. هَطویی کی سبزٚ گیاهأن شمرَ فدَم، هسأ همه چی‌یَ شمرَ بخشم.

زیمینٚ تومامٚ حیوانأن و آسمانٚ تومامٚ پرنده‌یأن، همه‌یٚ جونده‌یأن و خزنده‌یأن و تومامٚ ماهی‌یأن شیمی جأ ترسیدی و وحشت دأریدی، اوشأنَ شیمی دس بیسپردم.

ولی شومأن، بارور و زیادَ بید، زیمینٚ سر پخش و اونٚ دورون ویشترَ بید.»