Pokomo - 2004 Edition (Drama NT)

<div class="version vid2222 iso6393pkb" data-vid="2222" data-iso6393="pkb">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">Yesu kayongweeza dzuu ya kuwagija masikini</div><div class="p"> 1Yesu kagija kuyongweeza kamba, &#8220;Mukwakuhendeani wantu mambo mema, namutseyahenda kudziyanga kwa wantu. Koro mukihenda dza hivi ntamupate t&#815;ubvo d&#803;id&#803;ed&#803;yonse kuyawa kwa Baba jwenu jwa mbinguni. 2D&#815;ubva mukwakuyavyani kintu kwa masikini, namutsekaa mukidziyanga kwa wantu, dza vya wantu wambiimbii wevyonahenda. Wao wanakaa na kudzilalabva masunagogini na majiani ili wapate kushad&#815;wa ni wantu. Hachi nyakumwambiani, t&#815;ubvo d&#803;yao d&#803;inasiiya hapfa hapfa lumwenguni! 3Ishinu mukwakuyavyani kintu kwa masikini, hat&#815;a huyud&#803;e b&#803;amujo mutsakananiyeo muno ni kutsavimanya.#6:3 Haya matsoro ya Kiyunani yanakwamba: hu mukonowo wa tsonso ni kutsamanya kwamba au mukono wa kuyume wakuhendani kintu ga. 4Mukihenda hivi, kuyavya kwenu kunawa ni siri yenu. Na huyu Baba jwenu jwa mbinguni eyenaona hat&#815;a mwichonahenda mfitsoni, anamumpa t&#815;ubvo.&#8221;</div><div class="s">Yesu kayongweeza dzuu ya kuyomba</div><div class="r"> Luka 11:2-4</div><div class="p"> 5Yesu kagija kuyongweeza amaale kamba, &#8220;Na mukwakuyombani, namutsekaa mukihenda dza hivid&#803;e vya wantu wambiimbii wevyonahenda. Koro wao watsaka kusumama masunagogini na kuntu kwa njia zikonagijana wakayomba ili wapate kuonegwa ni wantu wenji. Hachi nyakumwambiani, t&#815;ubvo d&#803;yao d&#803;inasiiya hapfa hapfa lumwenguni. 6Wewe ukwakuyombani njia chumbani mwako ufunge mud&#803;yangowo, na umuyombe Muungu sirini.#6:6 Haya matsoro ya Kiyunani pia yanaweza kuwa na maana ya kwamba: umuyombe Muungu Babajo asiyeonekana. Na jeje Babajo eyenaona hat&#815;a hayad&#803;e wiyonahenda mfitsoni, anakusikia.</div><div class="p"> 7Na mukwakuyombani namutsekaa mukinena vyuuwo vinji na vinji visivyo maana id&#803;eyonse. Walumwengu wanakaa na kuyomba dzevihivi, wakit&#815;ara kwamba Muungu anawasikia kwa dzambo d&#803;ya mayombo yao mayeya mayeya. 8Manyani mutseewa dzao, koro Baba jwenu jwa mbinguni kazimanya had&#803;ya zenu hat&#815;a kab&#803;ila ntamudzamuyomba. 9Ndookomu mukwakuyombani munamala kuyomba hidzaa:</div><div class="q1">&#8216;Baba jwehu wiye yuwinguni,</div><div class="q2">sarid&#803;yo nad&#803;idhereswe.#6:9 Yani sarid&#803;yo nad&#803;ikuzwe.</div><div class="q1"> 10Uhaju wako naudze.</div><div class="q1">Utsakiyed&#803;yo nad&#803;ihendeke lumwenguni,</div><div class="q2">dza vivyonahendeka mbinguni.</div><div class="q1"> 11Uhupfe chakud&#803;ya cha kuhukusya nsiku kwa nsiku.</div><div class="q1"> 12Uhuyatsiye mazuka yehu,</div><div class="q2">dzevi hwivyonawayatsiya hawad&#803;e wahuhendeeyeo mazuka.#6:12 Ambu: uhuyatsiye marando yehu, dzevid&#803;e huwayatsiiyevyo wagijiyeo marando naswi.</div><div class="q1"> 13Nkudzohuyehe pfantu pfa kud&#803;emwa,</div><div class="q2">ela uhupfonye mazukani.</div><div class="q1">[Koro Uhaju mbwako, na nguvu na marembo,</div><div class="q2">hat&#815;a pfasipfosia. Amina.&#8217;]&#8221;#6:13 Hivi vyuuwo vivyo humu mahani ntavipfo kwa matsoro yangine ya kae ya Kiyunani.</div><div class="m"> 14Yesu kawakontomeeza amaale kawamba, &#8220;Mukiwayatsia wenzenu kwa hayad&#803;e mazuka weyonamuhendea, b&#803;asi hat&#815;a Baba jwenu jwa mbinguni nae pia anamuyatsia mazuka yenu. 15Ela mukitsawayatsia wenzenu, b&#803;asi hat&#815;a Baba jwenu jwa mbinguni nae nkamuyatsiye mazuka yenu.&#8221;</div><div class="s">Yesu kayongweeza dzuu ya kufunga</div><div class="p"> 16Yesu kagija kuyongweeza kamba, &#8220;Mukwakufungani namutseyanga maso ya ngiru dza vya wambiimbii wevyonahenda. Koro wao wakwakufungani, wanakutsa-kutsa vidhango ili wapate kuonegwa kwamba wakufungani. Hachi nyakumwambiani, t&#815;ubvo d&#803;yao d&#803;isakusiiya hapfa hapfa lumwenguni! 17Ela nywinywi mukwakufungani, vwaani dza nsiku ingine id&#803;eyonse ya kawaid&#803;a. Bigani uso na mupfakaze nywii zenu mafuha, 18ili wantu wangine watsehambuya kwamba mwakufungani, lamud&#815;a Muungu t&#815;u. Na mukihenda dza hivi, Baba jwenu jwa mbinguni eyenaona hat&#815;a hayad&#803;e mwiyonahenda mfitsoni, anamusikia.&#8221;</div><div class="s">Yesu kayongweeza dzuu ya nkandi ya mbinguni</div><div class="r"> Luka 12:33-34</div><div class="p"> 19Yesu kagija kuyongweeza amaale kamba, &#8220;Namutsedziwekea nkandi zenu hapfa lumwenguni zipfonaweza kud&#803;igwa ni mafunzi ambu zihende nkanga, na wevi wepfonaweza kuvunza wakwiwe. 20Ishinu dziwekeyeni nkandi zenu mbinguni zisikoweza kud&#803;igwa ni mafunzi wala kuhenda nkanga, na hat&#815;a zisikoweza kukwiwigwa ni wevi. 21Koro hapfad&#803;e wipfonaweka nkandi yako ndipfo pfa mojowo wipfonatsaka kuwapfo.&#8221;</div><div class="s">Yesu kayongweeza dzuu ya muyanga</div><div class="r"> Luka 11:34-36</div><div class="p"> 22Yesu kayongweeza kamba, &#8220;Matso yaa dza tsaa ya mwii. Ikiwa kwamba muntu ana matso mema, b&#803;asi mwiiwe wonse unawa muyangani. 23Ela ikiwa kwamba ana matso mazuka, b&#803;asi mwiiwe wonse unawa kizani. Ndookomu ikiwa kwamba muntu nkakwakuonani kiruhu, b&#803;asi muntu dzae anawa kwamba ka kuzimuni mwa kiza cha go!&#8221;</div><div class="s">Muntu nkawezi kumuhumikia Muungu na ahumikie ujabva</div><div class="r"> Luka 16:13; 12:22-31</div><div class="p"> 24Yesu kagija kuyongweeza kamba, &#8220;Ntaku muntu eyenaweza kuhumikia mab&#803;wana wawii kwa mweedha mumodza. Koro anamutsaka mumodza, na anamukeva huyu yungine. Ambu anamuhumikia mumodza na mojowe wonse, ela anamunyira huyu yungine. Ndookomu nichokunenani ni kwamba, nkuwezi kumuhumikia Muungu na kuhumikia fwedha.</div><div class="p"> 25Ndiyo maana niyokumwambiani kwamba mutsemuud&#815;ama dzuu ya haya maisha yenu. Namutsemuud&#815;ama kwamba keso munad&#803;ya kintu gani ambu munanwa kintu ga. Na wala namutsemuud&#815;ama dzuu ya hi mii yenu mud&#803;abve kumamat&#815;a kwamba keso munavwaa kintu ga. Koro kukaa mojo ndiko muhimu kuchia vintu, na hu mwii ni muhimu kuchia nguo. 26Amaa t&#815;awayoweni nyuni. Wao ntawaime na wala ntawavune na kungiza vihaani, ela Baba jwenu jwa yuwinguni anawapfa chakud&#803;ya. Ehe fat&#815;i nywinywi, kwa Muungu ntamukwaa na maana zaid&#815;i kuchia nyuni? 27Ni ga kahi yenu eyenaweza kudzyongezea haya maishaye kwa kudzihangaisha?#6:27 Haya matsoro ya Kiyunani pia yanaweza kuwa na maana ya kwamba: Ni ga kahi yenu eyenaweza kudzyongezea hu uyeyawe nangaa na chima cha uyeya wa mukono mumodza t&#815;u?</div><div class="p"> 28Na kawii namutsemuud&#815;ama dzuu ya mavwazi hat&#815;a. Koro t&#815;ayayoweni malele yevyonamea. Yayo ntayahende kazi wala kudzyelekanyia mavwazi. 29Ela hachi nyakumwambiani! Hat&#815;a haju Sulemani na jabvawe wonse eokuwa nao, nkakuwa na mavwazi mema kuchia hat&#815;a lele modza. 30Ikiwa kwamba mani t&#815;u, yeyonamea yeo, keso yakanyuuka na yakatsomwa, Muungu anayavwika malele mema dzevihivi; ehe fat&#815;i nywinywi anamuvwika chima ga? E nywinywi muna faro ndod&#803;o t&#815;i!</div><div class="p"> 31D&#815;ubva nichokumwambiani ni kwamba, namutsed&#803;abva kumamat&#815;a kwamba keso munad&#803;yani, munanwani, ambu munavwaani. 32Koro mambo dzayahaya ndiyo ya walumwengu yeyonawamud&#815;a muno. Ela Baba jwenu jwa yuwinguni kamanya kwamba haya haya yonse munayahit&#815;ad&#803;yi. 33Ela nywinywi ulacheni nguzi Uhaju wa Muungu, na muishi maisha ya kumutsakiza jeje,#6:33 Haya matsoro ya Kiyunani yanakwamba: ulacheni nguzi Uhaju wa Muungu na hachi zakwe zonse. na hayo yangine yonse anayamumpa.</div><div class="p"> 34Ndookomu namutsemuud&#815;ama dzuu ya nsiku ya keso, koro nsiku ya keso ina mad&#815;ina yakwe. Na kula nsiku ina mad&#815;ina yakwe ya kut&#815;osa kweyohiyo nsiku.&#8221;</div>
 </div>
 </div>
</div>

Yesu kagija kuyongweeza kamba, “Mukwakuhendeani wantu mambo mema, namutseyahenda kudziyanga kwa wantu. Koro mukihenda dza hivi ntamupate t̯ubvo ḍiḍeḍyonse kuyawa kwa Baba jwenu jwa mbinguni. D̯ubva mukwakuyavyani kintu kwa masikini, namutsekaa mukidziyanga kwa wantu, dza vya wantu wambiimbii wevyonahenda. Wao wanakaa na kudzilalabva masunagogini na majiani ili wapate kushad̯wa ni wantu. Hachi nyakumwambiani, t̯ubvo ḍyao ḍinasiiya hapfa hapfa lumwenguni! Ishinu mukwakuyavyani kintu kwa masikini, hat̯a huyuḍe ḅamujo mutsakananiyeo muno ni kutsavimanya. Mukihenda hivi, kuyavya kwenu kunawa ni siri yenu. Na huyu Baba jwenu jwa mbinguni eyenaona hat̯a mwichonahenda mfitsoni, anamumpa t̯ubvo.”


Yesu kagija kuyongweeza amaale kamba, “Na mukwakuyombani, namutsekaa mukihenda dza hiviḍe vya wantu wambiimbii wevyonahenda. Koro wao watsaka kusumama masunagogini na kuntu kwa njia zikonagijana wakayomba ili wapate kuonegwa ni wantu wenji. Hachi nyakumwambiani, t̯ubvo ḍyao ḍinasiiya hapfa hapfa lumwenguni. Wewe ukwakuyombani njia chumbani mwako ufunge muḍyangowo, na umuyombe Muungu sirini. Na jeje Babajo eyenaona hat̯a hayaḍe wiyonahenda mfitsoni, anakusikia.
Na mukwakuyombani namutsekaa mukinena vyuuwo vinji na vinji visivyo maana iḍeyonse. Walumwengu wanakaa na kuyomba dzevihivi, wakit̯ara kwamba Muungu anawasikia kwa dzambo ḍya mayombo yao mayeya mayeya. Manyani mutseewa dzao, koro Baba jwenu jwa mbinguni kazimanya haḍya zenu hat̯a kaḅila ntamudzamuyomba. Ndookomu mukwakuyombani munamala kuyomba hidzaa:
‘Baba jwehu wiye yuwinguni,
sariḍyo naḍidhereswe.
Uhaju wako naudze.
Utsakiyeḍyo naḍihendeke lumwenguni,
dza vivyonahendeka mbinguni.
Uhupfe chakuḍya cha kuhukusya nsiku kwa nsiku.
Uhuyatsiye mazuka yehu,
dzevi hwivyonawayatsiya hawaḍe wahuhendeeyeo mazuka.
Nkudzohuyehe pfantu pfa kuḍemwa,
ela uhupfonye mazukani.
[Koro Uhaju mbwako, na nguvu na marembo,
hat̯a pfasipfosia. Amina.’]”
Yesu kawakontomeeza amaale kawamba, “Mukiwayatsia wenzenu kwa hayaḍe mazuka weyonamuhendea, ḅasi hat̯a Baba jwenu jwa mbinguni nae pia anamuyatsia mazuka yenu. Ela mukitsawayatsia wenzenu, ḅasi hat̯a Baba jwenu jwa mbinguni nae nkamuyatsiye mazuka yenu.”

Yesu kagija kuyongweeza kamba, “Mukwakufungani namutseyanga maso ya ngiru dza vya wambiimbii wevyonahenda. Koro wao wakwakufungani, wanakutsa-kutsa vidhango ili wapate kuonegwa kwamba wakufungani. Hachi nyakumwambiani, t̯ubvo ḍyao ḍisakusiiya hapfa hapfa lumwenguni! Ela nywinywi mukwakufungani, vwaani dza nsiku ingine iḍeyonse ya kawaiḍa. Bigani uso na mupfakaze nywii zenu mafuha, ili wantu wangine watsehambuya kwamba mwakufungani, lamud̯a Muungu t̯u. Na mukihenda dza hivi, Baba jwenu jwa mbinguni eyenaona hat̯a hayaḍe mwiyonahenda mfitsoni, anamusikia.”


Yesu kagija kuyongweeza amaale kamba, “Namutsedziwekea nkandi zenu hapfa lumwenguni zipfonaweza kuḍigwa ni mafunzi ambu zihende nkanga, na wevi wepfonaweza kuvunza wakwiwe. Ishinu dziwekeyeni nkandi zenu mbinguni zisikoweza kuḍigwa ni mafunzi wala kuhenda nkanga, na hat̯a zisikoweza kukwiwigwa ni wevi. Koro hapfaḍe wipfonaweka nkandi yako ndipfo pfa mojowo wipfonatsaka kuwapfo.”


Yesu kayongweeza kamba, “Matso yaa dza tsaa ya mwii. Ikiwa kwamba muntu ana matso mema, ḅasi mwiiwe wonse unawa muyangani. Ela ikiwa kwamba ana matso mazuka, ḅasi mwiiwe wonse unawa kizani. Ndookomu ikiwa kwamba muntu nkakwakuonani kiruhu, ḅasi muntu dzae anawa kwamba ka kuzimuni mwa kiza cha go!”


Yesu kagija kuyongweeza kamba, “Ntaku muntu eyenaweza kuhumikia maḅwana wawii kwa mweedha mumodza. Koro anamutsaka mumodza, na anamukeva huyu yungine. Ambu anamuhumikia mumodza na mojowe wonse, ela anamunyira huyu yungine. Ndookomu nichokunenani ni kwamba, nkuwezi kumuhumikia Muungu na kuhumikia fwedha.
Ndiyo maana niyokumwambiani kwamba mutsemuud̯ama dzuu ya haya maisha yenu. Namutsemuud̯ama kwamba keso munaḍya kintu gani ambu munanwa kintu ga. Na wala namutsemuud̯ama dzuu ya hi mii yenu muḍabve kumamat̯a kwamba keso munavwaa kintu ga. Koro kukaa mojo ndiko muhimu kuchia vintu, na hu mwii ni muhimu kuchia nguo. Amaa t̯awayoweni nyuni. Wao ntawaime na wala ntawavune na kungiza vihaani, ela Baba jwenu jwa yuwinguni anawapfa chakuḍya. Ehe fat̯i nywinywi, kwa Muungu ntamukwaa na maana zaid̯i kuchia nyuni? Ni ga kahi yenu eyenaweza kudzyongezea haya maishaye kwa kudzihangaisha?
Na kawii namutsemuud̯ama dzuu ya mavwazi hat̯a. Koro t̯ayayoweni malele yevyonamea. Yayo ntayahende kazi wala kudzyelekanyia mavwazi. Ela hachi nyakumwambiani! Hat̯a haju Sulemani na jabvawe wonse eokuwa nao, nkakuwa na mavwazi mema kuchia hat̯a lele modza. Ikiwa kwamba mani t̯u, yeyonamea yeo, keso yakanyuuka na yakatsomwa, Muungu anayavwika malele mema dzevihivi; ehe fat̯i nywinywi anamuvwika chima ga? E nywinywi muna faro ndoḍo t̯i!
D̯ubva nichokumwambiani ni kwamba, namutseḍabva kumamat̯a kwamba keso munaḍyani, munanwani, ambu munavwaani. Koro mambo dzayahaya ndiyo ya walumwengu yeyonawamud̯a muno. Ela Baba jwenu jwa yuwinguni kamanya kwamba haya haya yonse munayahit̯aḍyi. Ela nywinywi ulacheni nguzi Uhaju wa Muungu, na muishi maisha ya kumutsakiza jeje, na hayo yangine yonse anayamumpa.
Ndookomu namutsemuud̯ama dzuu ya nsiku ya keso, koro nsiku ya keso ina mad̯ina yakwe. Na kula nsiku ina mad̯ina yakwe ya kut̯osa kweyohiyo nsiku.”

г сонсох Matayo 6