Matiós 24-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ginɔ́nɛ́n giá giod giá bandɔ gíónóhog gá giagiá gifal gíénésegidinye. Gɔgaá, uwenésímbénú ambanɔ gueneg agá nsúgie wanábá aháŋánɔ.

Bénésesenye Ginɔ́g giá Nsɔ́m giá Niguili igigányɛ uguísi gidigid.»

Nuɔnɔ́bɔn bómon bidí na giyɔgɔd giá bidí. Bídédínyénenú! Nudibiá bugádɔ, búánigimanan áneé búésieg, gɔgaá búdianábá búganyɛ guman guá guísi.

Gá giagiá, buán búmodi búánádigɛn gá bidí na sɔ́gá buán, niguili níónósogidie sɔ́gá niguili gá bidí, nsan yanábá uguá bibéyi biá guísi bímodi, guísi gúénéyiŋkimid. Muand umugányɛ gidigid múánábá magunsa má giɔ́bíga giá nubíényi.

Na gumɔn na guísi múánádɔ́mb, gɔgaá, dugálɔ duámɛ dúdianádɔ́mb.»

Gá giagiá giod gíónólon na ɔhɛ́n huámɛ gínúɔ́yɔn áneé: “Yaŋuá nnyaá Bémeyíde,” bénéfumenye giod giá bandɔ.

Bónónúgiónon gɔg gá núóbígónye, bɔ́núɔ́na, bindiádába gidigid bíánánúbina gámɛ gá ɔhɛ́n. Uguá ginɛŋ igigányɛ, giod giá bandɔ gɔg gíénén guágɔdɛ́m, bénéfudenyinye, bábinanɛn. Giod giá babánbán bá bebunebúné gíánáhámanɛn, gífumenye giod giá bandɔ.

Yésuse uwɔyidɛn bɔ́ áneé: «Bídédínyénénu áneé mɔndɔ udinúfúmíe.

Buand buáguɔ́, banuá súsɔ́n, gígánánɔ gindényé, gá giagiá nuáguanyanyɛ gisigɛl igiɛ́ Muɔ́n wa mɔndɔ wónólonú.

Gígánánɔ gɔg mpunyá, gá giagiá nudíénye buɔ́sɛ ubuɔ́ Ɔgúná wánɔ wónólonú.

«Gɔgaá, na buɔ́sɛ ubugányɛ na gisigɛl igigányɛ, ta mɔndɔ udiálinsan, ta bilúna biá gumɔn, ta Muɔ́n, ta mɔndɔ, esié Síe úmúnyanaá úmuanyɛ omoómi.

Gá giagiá, na babánbán bá bebémeyíde na babánbán bá bebunebúné bánádigan, bála biseyi na melélíe, gá gueleé ala béfumie ta bebémeyíde.

Hana búmabídúmbán uguá mɔɔ́sɛ má Noé, nɔ́ búánábánɔ buɔ́sɛ buá guól guá Muɔ́n wa mɔndɔ. Gá giagiá, uguá mɔɔ́sɛ amagányɛ gá gueleé ginenye gíásibá, bandɔ bámabá bányánan bábíhuán, bɔ́dɔ́ga bagándɔ ugúnya ana béduénen ŋŋɔndɛ siɔ́b, gueneg uguá buɔ́sɛ ubuɔ́ Noé úmébíŋín uguá ŋŋumba. Bámaságagualimanan ta buand gueneg haná ginenye gímesieg, igíéhúhie bɔ́ wɔ́s. Anagányɛ súsɔ́n guól guá Muɔ́n wa mɔndɔ gúánábánɔ́.