မႃႇ​ၵူႉ 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ၵူၼ်း​တင်း​သဵင်ႈ​တင်း​လူင်​ၵေႃႈ တၵ်း​ၸင်း​သူ ၵွပ်ႈ​ပိူဝ်ႈ​ၸိုဝ်ႈ​သဵင်​ၵဝ်​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မၼ်ႈ​ၶိူင်ႇ​တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ၼၼ်ႉ၊ ၵေႃႉ​ၼၼ်ႉ တၵ်း​ႁွတ်ႈ​ထိုင်​တၢင်း​ဢၼ် ၵႄႇ​ၶျွတ်ႈ​ဢဝ်​ဢေႃႈ။

ပိူဝ်ႈ​ဢၼ်​သူ​ဢမ်ႇ​ႁူႉ​လွင်ႈ​ဢၼ်​ၶိင်ႇ​ၵႃႇလႃႉ​ၼၼ်ႉ တၵ်း​ႁွတ်ႈ​ထိုင်​မိူဝ်ႈ​လႂ်​ၼၼ်ႉ​လႄႈ ႁဵတ်း​သတီႉ​လႄႈ ပႂ်ႉ​ထႃႈ​ယူႇ​တႃႉ။

မိူဝ်ႈ​ဢၼ်​ၶဝ်​ဢဝ်​သူ​ၵႂႃႇ ႁႂ်ႈ​လႆႈ​ဢၢပ်ႈ​ၼၼ်ႉ​ၸိုင်၊ တၵ်း​လႆႈ​လၢတ်ႈ​ဝႃႈ ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ယႃႇ​ပေ​မႆႈ​ၸႂ်။ ယႃႇ​ပေ​ၶႆႈ​ၸႂ်​ဝူၼ်ႉ​ၸႂ်​ဝႆႉ​ဢွၼ်​တၢင်း။ လၢတ်ႈ​ၵႂၢမ်း​ဢၼ်​သူ​လႆႈ​မိူဝ်ႈ​ၶိင်ႇ​ၼၼ်ႉ​ၵူၺ်း​ၼၼ်ႉ​တႃႉ။ လွင်ႈ​မၼ်း​ၸမ်ႉ သူ​လၢတ်ႈ​ဢမ်ႇ​ၸႂ်ႈ။ ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ လၢတ်ႈ​ဢေႃႈ။

ပိၵ်ႉ​သမ်ႉ​ၽႃႉ​ၵၢင်​ႁၢဝ်​တင်း​လိၼ်​မိူင်း​ၼႆႉ တၵ်း​ႁၢႆ​လၢႆ​သေ​ၵေႃႈ၊ ၵႂၢမ်း​ၵဝ်​ၼႆႉ တၵ်း​ဢမ်ႇ​ႁၢႆ​လၢႆ။

ၶိင်ႇ​ၼႃႇရီႇ​ဝၼ်း​ၼၼ်ႉ​ၸမ်ႉ၊ ၽူႈ​လႂ်​ဢမ်ႇ​ႁူႉ။ တမၢၼ်ႇ​ၵၢင်​ႁၢဝ်​တင်း​လၢႆ ဢမ်ႇ​ႁူႉ။ လုၵ်ႈ​ၸဝ်ႈ​ၵေႃႈ​ဢမ်ႇ​ႁူႉ။ ပေႃႈ​ၸဝ်ႈ​ၵူၺ်း​ႁူႉ​ဢေႃႈ။

မိူဝ်ႈ​ဢၼ်​သူ​ငိၼ်း လွင်ႈ​ဢၼ်​တိုၵ်း​သိုၵ်း​လႂ်၊ သတၢင်း​သဵင်​ၶၢဝ်ႇ လွင်ႈ​ဢၼ်​တၵ်း​တိုၵ်း​သိုၵ်း​လႂ်​ၼၼ်ႉ​ၸိုင်၊ ယႃႇ​ပေ​မႆႈ​ၸႂ်​ၶီ​ၸႂ်။ လွင်ႈ​တၢင်း​ၸိူဝ်း​ၼႆႉ တၵ်း​လႆႈ​ပဵၼ်​မႃး​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ဢမ်ႇ​ပႆႇ​ပဵၼ်​တီႈ​သုတ်း​တီႈ​ၵွႆ။

ပိူဝ်ႈ​ၼႆ​လႄႈ ပိူဝ်ႈ​ဢၼ်​သူ ဢမ်ႇ​ႁူႉ​လွင်ႈ ဢၼ်​ၸဝ်ႈ​ႁိူၼ်း​ၼၼ်ႉ တၵ်း​ႁွတ်ႈ​မႃး​ၶိင်ႇ​လႂ်၊ တၵ်း​ပဵၼ်​ၶိင်ႇ​ႁူဝ်​ၶမ်ႈ​ႁိုဝ်။ တၵ်း​ပဵၼ်​ၶိင်ႇ​တဵင်ႈ​ၶိုၼ်း​ႁိုဝ်။ တၵ်း​ပဵၼ်​ၶိင်ႇ​ၵႆႇ​ၶၼ်​ႁိုဝ်။ တၵ်း​ပဵၼ်​ၶိင်ႇ​ၵၢင်​ၼႂ်​ႁိုဝ်​ၼၼ်ႉ​လႄႈ ပႂ်ႉ​ထႃႈ​ယူႇ​တႃႉ။- ပေႃး​ဢမ်ႇ​ၼၼ်​ၸိုင် တၵ်း​ၽုတ်း​ၽၢတ်း​ပေႃႇ​မႃး​လႄႈ ထူပ်း​ႁၼ်​သူ​ၼွၼ်း​လပ်း​ယူႇ​ဢေႃႈ။- ဢၼ်​ၵဝ်​လၢတ်ႈ​တီႈ​သူ​လႄႈ​ဝႃႈ၊ ပႂ်ႉ​ထႃႈ​ယူႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ၸိုင်၊ ၵဝ်​ဝႃႈ​တီႈ​ၵူၼ်း​တင်း​သဵင်ႈ​တင်း​လူင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵူၼ်း​မဵဝ်း​ၼိုင်ႈ​လႄႈ​မဵဝ်း​ၼိုင်ႈ မိူင်း​ၼိုင်ႈ​လႄႈ​မိူင်း​ၼိုင်ႈ တၵ်း​ၶတ်း​တႃႉ​ၵၼ်​ဢေႃႈ။ တၵ်း​ပဵၼ်​တၢင်း​ဢၼ် ဢိင်ႇ​သၼ်ႇ​ၵူႈ​တီႈ​ၵူႈ​လႅၼ်​ဢေႃႈ။ တၢင်း​ဢၼ်​ဢိုပ်း​တၢင်း​ၵိၼ်​လႂ်၊ တၢင်း​ဢၼ်​ဢမ်ႇ​တႄႇ​ဢမ်ႇ​ၼိမ်​လႂ်​ၵေႃႈ တၵ်း​ပဵၼ်​ဢေႃႈ။

တၵ်း​လႆႈ ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ တီႈ​ၵူၼ်း​မဵဝ်း​တင်း​သဵင်ႈ​တင်း​လူင် ဢွၼ်​တၢင်း​ဢေႃႈ။

ၵူၼ်း​ၼမ်​ၼႃႇ တၵ်း​ႁိမ်​ဢဝ်​ၸိုဝ်ႈ​သဵင်​ၵဝ်​သေ​လႄႈ ပေႃႇ​မႃး​လႄႈ​လၢတ်ႈ​ဝႃႈ၊ ၵဝ်​ၼႆႉ​ပဵၼ်​ၸဝ်ႈ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​လႄႈ ပႅတ်ႉ​လႅၼ်​ၵူၼ်း​ၼမ်​ၼႃႇ​ဢေႃႈ။

လွင်ႈ​တၢင်း​ၸိူဝ်း​ၼႆႉ ပဵၼ်​ၵေႃႇၸႃႉ​ငဝ်ႈ​ႁၢၵ်ႈ​တုၵ်ႉ​ၶႃႉ တၢင်း​ၶီ​တၢင်း​မႆႈ​ဢေႃႈ။ သူ​ႁဵတ်း​သတီႉ​တီႈ​တူဝ်​သူ​တႃႉ။ လွင်ႈ​မၼ်း​ၸမ်ႉ ၶဝ်​တၵ်း​ဢဝ်​သူ​ဢၢပ်ႈ​ၵႃႈ​ၼိူဝ်​လုမ်း​လူင်​ဢေႃႈ။ တၵ်း​ပေႃႉ​ယႅၼ်ႉ​ၵႃႈ​ၼႂ်း​ၸရွပ်ႈ​ႁေႃး​တြႃး​လႂ်​ဢေႃႈ။ ၼင်ႇ​ႁိုဝ်​သူ​တၵ်း​ပဵၼ်​သၢၵ်ႈ​သေႇ​တီႈ​ၶဝ်​ၼၼ်ႉ​ၸိုင်၊ ၵွပ်ႈ​ပိူဝ်ႈ​ၵဝ်​လႄႈ သူ​တၵ်း​ႁွတ်ႈ​ထိုင်​ၵႃႈ​တီႈ​ၽၢႆႇ​ၼႃႈ ဢမၢတ်ႈ​ၽွင်း​မိူင်း​လႂ် ဢိၵ်ႇ​တင်း​ၶုၼ်​ႁေႃ​ၶမ်း​လႂ်​ဢေႃႈ။

လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ႁဵတ်း မိူၼ်​ၼင်ႇ​ႁၢင်ႈ​ၸဝ်ႈ​ၶရိၸ်ႈ ဢိၵ်ႇ​တင်း မိၵ်ႉသႃႇ​ပရေႃးၽႅတ်ႈ​တင်း​လၢႆ​ၼၼ်ႉ တၵ်း​ပေႃႇ​မႃး​လႄႈ ပေႃး​ပႅတ်ႉ​လႅၼ်​လႆႈ​ၸိုင်၊ တၵ်း​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ႁႂ်ႈ​လႆႈ​ပႅတ်ႉ​လႅၼ်​ၶဝ်​ၸိူဝ်း​ဢၼ် လိူၵ်ႈ​ၵဵပ်း​ဢဝ်​တင်း​လၢႆ​ဢေႃႈ။

ၼႂ်း​ၶိင်ႇ​ၵႃႇလႃႉ​ဢၼ်​ပဵၼ်​ဝၢႆး​လင် တုၵ်ႉ​ၶႃႉ​တၢင်း​ၽၢၼ်​ၼၼ်ႉ၊ ၵၢင်​ဝၼ်း​တၵ်း​လပ်း​သိင်ႇ​ဢေႃႈ။ လိူၼ်​တၵ်း​ဢမ်ႇ​ပၼ်​ဢၼ်​လႅင်း​မၼ်း။- လၢဝ်​ၵၢင်​ႁၢဝ်​တင်း​လၢႆ တၵ်း​တူၵ်း​သေ​ၵႃႈ​ၼိူဝ်​ၵၢင်​ႁၢဝ်​ဢေႃႈ။ တၼ်း​ၶူဝ်း​ၵၢင်​ႁၢဝ်​တင်း​လၢႆ​ၵေႃႈ တၵ်း​သၼ်ႇ​ၶွၼ်း​ဝႆ​ဢေႃႈ။