မႃႇ​ၵူႉ 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ဢပ်ႉပႃႉ ​ပေႃႈ​ၸဝ်ႈ၊ ၸဝ်ႈ​ႁဝ်း​တၢတ်ႈ​ၼိူင်ႇ​လႆႈ​ၵူႈ​ၸိူဝ်ႉ​ၵူႈ​ပိူင်​တီႈ​ၶႃႈ​ဢေႃႈ။ ႁႂ်ႈ​ၵွၵ်း​ၼႆႉ​ပိူင်ႈ​သေ​ၵဝ်​ၶႃႈ​သေ​ၵမ်း​တီႈ​ၶႃႈ။ ၼႂ်း​ဝႃႈ​ၼၼ်​သေ​ၵေႃႈ ယႃႇ​ႁႂ်ႈ​ပဵၼ်​ၵႃႈ​ၼင်ႇ​ဢၼ်​ဢလူဝ်ႇ​ၵဝ်​ၶႃႈ​မီး​သေ​ၵမ်း​တီႈ​ၶႃႈ၊ ႁႂ်ႈ​ပဵၼ်​ၵႃႈ​ၼင်ႇ​ဢၼ်​ဢလူဝ်ႇ​ၸဝ်ႈ​ႁဝ်း​မီး​သေ​ၵမ်း​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။

လွင်ႈ​ၼင်ႇ​ႁိုဝ် တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ၸၢမ်း​တူၺ်း​ယႃႉ​ယူၵ်ႉ​ၸိုင်၊ သူး​တွင်း​လႄႈ​ပႂ်ႉ​ထႃႈ​ယူႇ​တႃႉ။ ပိၵ်ႉ​သမ်ႉ​ၸႂ်​ဝီႉၺိၺ်ႇ​မီး​တင်း​ၸေႇတၼႃႇ​သေ​ၵေႃႈ၊ တူဝ်​ၸမ်ႉ၊ ဢမ်ႇ​မီး​ႁႅင်း၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵႃႈ​တီႈ​ဢၼ် ႁေႃး​လၢတ်ႈ​တြႃး​သတၢင်း​သိူဝ်း​ပျေႃႇ ၵႃႈ​ၼိူဝ်​လိၼ်​မိူင်း ၵူႈ​တီႈ​ၵူႈ​လႅၼ်​ၼၼ်ႉ၊ တၵ်း​လႆႈ​မွၵ်ႇ​လၢတ်ႈ လွင်ႈ​ဢၼ်​မၼ်း​ႁဵတ်း​ၼႆႉ ပုၼ်ႈ​ဢၼ် တၵ်း​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​မၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵမ်း​ၼၼ်ႉ မၼ်း​ၸဝ်ႈ​လၢတ်ႈ​တီႈ​ၶဝ်​လႄႈ​ဝႃႈ၊ ၵဝ်​ၼႆႉ ႁူဝ်​ၸႂ်​လဵၵ်ႉ​ၼႃႇ​ထၼ်ႈ​ပေႃး​ၸမ်​တၵ်း​တၢႆ​ဢေႃႈ။ ယူႇ​ၵႃႈ​တီႈ​ၼႆႈ​လႄႈ​ပႂ်ႉ​ထႃႈ​ယူႇ​တႃႉ၊ ဝႃႈ​ၼင်ႇ​ၼႆ​ဢေႃႈ။

ၼႂ်း​မိူဝ်ႈ​ဢၼ်​ၶဝ်​ၵိၼ်​ယူႇ​ၼၼ်ႉ​ၸိုင်၊ မၼ်း​ၸဝ်ႈ​ဢဝ်​ၶဝ်ႈ​မုၼ်း​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ဝိတ်း​ၶဝ်ႈ​မုၼ်း​ပၼ်​တီႈ​ၶဝ်​ၼၼ်ႉ​လႄႈ လၢတ်ႈ​ဝႃႈ၊ ဢွၼ်​ၵၼ်​ဢဝ်​တႃႉ။ ၶဝ်ႈ​မုၼ်း​ၼႆႉ​ၸမ်ႉ ပဵၼ်​တူဝ်​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵွၵ်း​ၵေႃႈ​မၼ်း​ၸဝ်ႈ​ဢဝ်​လႄႈ ယွင်ႈ​ယေႃး​ၵျေး​ၸူး​ၸဝ်ႈ​ယဝ်ႉ​ၸင်ႇ၊ ပၼ်​တီႈ​ၶဝ်​ၼၼ်ႉ​လႄႈ ၶဝ်​ၵႃႈ​မီး​တင်း​သဵင်ႈ​တင်း​လူင် ဢွၼ်​ၵၼ်​ၵိၼ်​ဢေႃႈ။- မၼ်း​ၸဝ်ႈ​သမ်ႉ​လၢတ်ႈ​လႄႈ​ဝႃႈ၊ ၵွၵ်း​ၼႆႉ​ၸမ်ႉ၊ ပဵၼ်​လိူတ်ႈ​ၵဝ် ဢၼ်​ၸၢပ်ႈ​သႅင်ႇ​ၵၼ်​တင်း​ပတီႉၺိၺ်ႇ​တြႃး​ဢၼ်​မႂ်ႇ​လႄႈ သွၼ်း​လေႃႇ​ပုၼ်ႈ​ၵူၼ်း​ၼမ်​ၼႃႇ​ဢေႃႈ။

မိူဝ်ႈ​ၼၼ်ႉ ယေႇသူႉ ​လၢတ်ႈ​လႄႈ​ဝႃႈ၊ သူ​ၵႃႈ​မီး​တင်း​သဵင်ႈ​တင်း​လူင် ၸႂ်​တၵ်း​လူႉ​ၵွပ်ႈ​ပိူဝ်ႈ​ၵဝ်​ဢေႃႈ။ လွင်ႈ​ဢၼ်​တႅမ်ႈ​ဝႆႉ​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၵဝ်​တၵ်း​ပေႃႉ​ယႅၼ်ႉ ၵေႃႉ​ဢၼ်​လဵင်ႉ​ဢၼ်​ထိင်း​သူဝ်း​ၼၼ်ႉ​တၢႆ​လႄႈ သူဝ်း​တင်း​လၢႆ​ၼၼ်ႉ တၵ်း​လႆႈ​ၽၢတ်ႇ​ၽႄ​ၵၼ်​ဢေႃႈ​ဝႃႈ​ၼႆ၊ မီး​မႃး​ၼင်ႇ​ၼႆ​ဢေႃႈ။

ဢွၼ်​ၵၼ်​လုၵ်ႉ​တႃႉ။ ၵႂႃႇ​တႃႉ​ႁဝ်း။ ၵေႃႉ​ဢၼ်​ဢဝ်​ၵဝ်​ဢၢပ်ႈ​ၼၼ်ႉ ႁွတ်ႈ​မႃး​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၼႂ်း​ဝၼ်း​မိူဝ်ႈ​ၼႆႉ ၶိုၼ်း​ၸူဝ်ႈ၊ ၸူဝ်ႈ​ဢၼ်​ၵႆႇ​ဢမ်ႇ​ပႆႇ​ၶၼ်​သွင်​ပွၵ်ႈ​ၼၼ်ႉ​ၸိုင်၊ မႂ်း​တၵ်း​ထဵင်​ပႅတ်ႈ​ၵဝ် ထူၼ်ႈ​ထိုင်​သၢမ်​ပွၵ်ႈ​ဢေႃႈ၊ ဝႃႈ​ၼင်ႇ​ၼႆ​ယဝ်ႉ​ၸင်ႇ၊