Изреки 29:10-18
Изреки 29:10-18 Свето Писмо: Стандардна Библија 2006 (66 книги) (MK2006)
Крвожедните луѓе го мразат непорочниот, а праведните се грижат за неговиот живот. Глупавиот го излива сиот свој гнев, а мудриот се воздржува. Ако управителот слуша лажни зборови, тогаш и сите негови службеници стануваат нечесни. Сиромавиот и лихварот се среќаваат еден со друг; но Господ им дава и на двајцата светлина во очите. Ако царот им суди на сиромасите по правда, престолот негов ќе се зајакне засекогаш. Стапот и прекорот даваат мудрост; но момче, оставено без грижа, ја посрамува својата мајка. Кога се умножуваат безбожните, се умножува беззаконието; но праведните ќе го видат нивното паѓање. Казнувај го синот свој, и тој ќе ти даде мир и ќе ѝ донесе радост на душата твоја. Без откровение одозгора народот е нескротлив, а кој го пази законот, блажен е.
Изреки 29:10-18 Библија: Стариот и Новиот Завет, Константинов (MKB)
Крвопијците го мразат чесниот, а праведниците се грижат за неговиот живот. Безумникот го излева сиот свој гнев, а мудриот го воздржува. Ако владетелот послуша лажлив збор, сите негови слуги стануваат нечесни. Сиромавиот и дерикожецот се среќаваат, Господ ги просветлува очите на двајцата. Цар кој им суди на бедните според правдата, има цврст престол довека. Прачката и изобличувањето даруваат мудрост, а разузданото дете ја срами својата мајка. Кога се множат нечесните, се множи и беззаконието, но праведниците ја набљудуваат нивната пропаст. Изобличи го својот син, и ќе те успокои и ќе ѝ даде радост на твојата душа. Каде нема откровение пророчко народот се разуздува, а кој го пази Законот е блажен!