Изреки 14:5-14
Изреки 14:5-14 Свето Писмо: Стандардна Библија 2006 (66 книги) (MK2006)
Верен сведок не лаже, а лажливиот сведок шири многу лаги. Развратникот бара мудрост, и не ја наоѓа; а разумниот до знаењето лесно доаѓа. Бегај од безумен човек, кај него нема да најдеш разумна уста. Мудар човек внимава на своето однесување, неразумноста на глупавите ги води во заблуда. За глупавите гревот е шега, а со праведните е милоста Божја. Секој сам ги доживува своите таги и своите радости и никој друг не може со него да ги сподели. Куќата на беззакониците ќе се сотре, а живеалиштето на праведните ќе преуспее. Има патишта, кои на човек му изгледаат прави, но крајот нивни води во смрт. И при смеа понекогаш срцето боли, а по радоста настапува тага. Човек со развратно срце ќе ги добие плодовите на своето однесување, а добриот – ќе живее во задоволство.
Изреки 14:5-14 Библија: Стариот и Новиот Завет, Константинов (MKB)
Вистинскиот сведок не лаже, а лажниот сведок шири лага. Потсмевачот бара мудрост и не ја наоѓа, а разумниот лесно доаѓа до знаење. Оди си од безумниот човек, зашто нема да запознаеш усни што зборуваат знаење. Мудроста на мудриот човек е во тоа: што внимава на својот пат, а глупоста на безумникот е заблуда. На лудите гревот им е шега, а среде праведните е Божјата наклонетост. Срцето ја познава својата душевна мака, и неговата радост не може да ја дели никој друг. Домот на нечесните ќе пропадне а живеалиштето на праведниците ќе процвета. Некој пат му се чини на човекот прав, а на крајот води кон смртта. И во смеата срцето чувствува болка, а после веселбата доаѓа тага. Лукавиот се сити со своите престапи, а добриот човек со својот труд.