SALMOS 67
67
1Dios, beyache' ḻaže'l neto', na' ben chawe' neto'.
Ḻo yeḻa' ži'i ḻaže' chio' wzoaḻen neto'.
2Naž gónbia'gak benách dot yežlyó da' žaz ḻažo'o Le',
na' nnézgekle benne' yógo'te yež žesló' benne' ka'.
3Yógo'te benne' ka' we ḻáwgake' Le', Dios.
Yógo'tegake' wká'n ẕéngake' Le'.
4Le yebele, na' le soa ḻo yeḻa' ba nez, ḻe'e, benne' yógo'te yež ka'.
Wchi'a ḻaže' Dios ḻe'e ḻo da' naken chawe'.
Gape chi'ikze' yógo'te benne' ka'.
5Yógo'te benne' ka' we ḻáwgake' Le', Dios.
Yógo'tegake' wká'n ẕéngake' Le'.
6Yežlyó nga žen' x̱ni'a chen.
Dan' ben chawe' Dios žo'o, nake' Dios chežo.
7Dios ben cháwe'kze' žo'o.
Gáte'teze žaḻa' gápegak benne' ka' Ḻe' ba la'ne.
Селектирано:
SALMOS 67: zty
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2002, Wycliffe Bible Translators, Inc. All rights reserved.