SALMOS 130
130
1Ga že' zedla' ni žḻiža' Le', X̱ana' Dios.
2X̱ana' Dios, benle chia'.
Bze nag da' ẕnnabla' Le'.
3X̱ana' Dios, cha' ẕwio' binlo doḻa' da' nbága'to',
¿noẕkze benne' ga'ne' chawe' ḻawo' Le'?
4San Le' ženít ḻawo'o cheto',
nich gapto' Le' ba la'ne.
5Dot ḻaža'a žx̱en ḻaža'a X̱anžo Dios,
na' žx̱en ḻaža'a x̱tiže'e.
6Ẕbez ḻáže'ža' X̱anžo Dios, ka žongak benne' ka' žape chí'igake' to yež, ẕbez ḻáže'gake' cha'ní',
na' ka žongak benne' wape chi'i ka' ẕbez ḻáže'gake' cha'ní'.
7Benne' Israel ka' žaḻa' wx̱én ḻáže'gake' X̱anžo Dios
dan' žeyache' ḻaže'l X̱anžon' benne' chie' ka'.
Žape chi'e benne' ka' ḻo da' žongak benne' ka' bi ẕḻé'egekle' ḻégake' chawe'.
8Ḻe' yeya'we' benne' Israel ka' ḻo na' yógo'te doḻa' da' zej nbage'e.
Селектирано:
SALMOS 130: zty
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2002, Wycliffe Bible Translators, Inc. All rights reserved.