Luke 2
2
1ఓ దాడూమా సారి జగేర్ జనూర్ లేకో లక్ణొ కన్ కైసర్ ఔగూస్తూర్ వడితి హకమ్ దీనో.
2ఈ కురేనియా సిరియా కజకో దేశేమా హకమ్ దార్ వేన్ రజనా, కీదోజకో అగ్డీర్ జనూర్ గణ్తీ
3సే ఓ లేకేమా గణాయెన ఉందేర్ ఉందేర్ శారేవున గే.
4-5యోసేప్ దావీదేర్ వలాదేమాన్ గోతేమా హుయో జేతి ఓర్ గోణ్ణీర్ నాఁయిఁ సగాయి కరన్, పెటేతి రజకో మరియార్ సాత్ ఓ లేకేమా లకావ్ణో కన్ యూదయామా ఛజకో బెత్లహేమ్ కజకో దావీదేర్ శారేన గే
6ఓ బెత్లహేమేమా రజనా మరియార్ జణేర్ దాడ్ ఆవ్గె,
7జేతి ఓర్ పేలొ బేటాన జణన్ కప్డాతి వీంటన్, సత్రమేమా ఉందేన జాగ్ రకొని జేతి ఓన ఢోరూర్ తోట్టీమా సొవార్దినే.
8ఓ మల్కేమా థోడ్సేక్ గొలావ్రియా ఖేతారీమా రేన్ రాత్ వణా ఉందేర్ గోర్లీర్ డారూన రక్వాళి కర్రే జనా
9ప్రభూర్ సోజా ఉందేర్ ఢైఁ ఆన్ హూబ్రేగో, ప్రభూర్ మహిమా ఉందేర్ ఘేరన్ ఝాంకేన లాగ్గో. జేతి ఓ ఘణ్ చమక్ గే.
10పణ్ ఊ సోజా – చమ్కో మత్; ఇదేక్, జగేమా ఛజె సోగ్ళీ జనూన ఆవజకో ఘణ్ ఖుషీర్ ఖబర్ మ తమేన మాలమ్ కర్రోంచుఁ.
11దావీదేర్ శారేమా తమార్ వాసు ఆజ్ రక్షణ్ దేవాళో హుయొచ. ఈజ్ ప్రభు ఛజకో క్రీస్తు.
12ఓర్ ఈజ్ నిశాన్. ఏక్ బాళక్ కష్డాతీ - వీంటాన్ ఏక్ తోట్టీమా సుతో రజకో తమ్ దేకోచొ కన్ ఉందేనకో.
13జనాజ్ స్వర్గ్ లోకేర్ ఘణ్ సోజార్ మళావో ఓ సోజాతీ భళన్
14– సేతీ ఊంచ రజె జాగేమా దేవేన మహిమాన్ జమ్మీ ఉంపర్ ఓర్ ఖాతర్ ఆవజె ఆద్మీన శాంతి వేజాయ కన్ దేవేన స్తుతి కర్తే ర
15ఓ సోజా ఉందేర్ ఢైఁతి స్వర్గలోకేన డగర్గే జేర్పచ్చ, ఓ గోలావ్రియా – చాల్గో జకో ఏ కావతేన ప్రభు ఆప్ణేన మాలమ్ కీదోచ; ఆపణ్ బేత్లెహేమెతాణు జాన్ దేకాఁ ఆవో కన్ ఏకేతి ఏక్ కేలేన్
16జల్ది జాన్ మరియాన, యోసేపేనన్ తోట్టిమా సూతోజే బాళకేన దీటె.
17ఓ దేకన్ ఈ బాళార్ కార్ణే ఉందేతీ కేజకో వాతే సేన కే. .
18గొలావ్రియా ఉందేన కేజకో వాతేర్ కార్ణే సామ్ళేజకో సే ఘణ్ అప్సోస్ వేగే .
19పణ్ మరియా ఓవాతే సే ఓర్ దల్లేమా హర్దేలావ్తీ జత్తన్ కర్లిదీ
20దేవేర్ సోజా గొలావ్రియాన కోజుఁ ఓ సామ్ళన్, దీటేజేర్ కార్ణే దేవేనమహిమా కర్తే స్తుతి కర్తే, హాటో ఫరన్ డగర్గే.
21ఓ బాళకేన సున్నత్ కరేన ఆట్మో దాడో ఆయొజనా, ఊ పేటేమా పేదా హుయో కొని జేరాంగ దేవేర్ సోజా పాడొ జకో యేసు కన్ కజకో నామ్ ఓన పాడె.
22మోషెర్ ధరం శాస్త్రే మా ఛజూఁ ఓ ఉందేన పవిత్తర్ కరేర్ దాడ్ వేగే జేర్ పచ్చ.
23– హర్యేక్ పేలో బేటాన ప్రభూన ప్రతిష్టా కర్ణో కన్ ప్రభూర్ ధరంశాస్త్రేమా లక్మేలె జేతి ఓన ప్రభూన ప్రతిష్టా కరెనన్,
24ప్రభూర్ ధరంశాస్త్రేమా కేజుఁ, కమేడీర్ జోడానక నవతో, దీ కబుత్రేర్ పిల్ పీలాన బలీర్ అర్పణ్ దేన ఓ, ఓన యెరూషలేమేన లేగే.
25యెరూషలేమేమా సుమెయోన్ కజకో ఏక్ ఆద్మీ ర. ఊ నీయత్ దారన్, ప్రవక్తా వేన్ రేన్, ఇశ్రాయేలేర్ శాంతి వాసు దేకేవాళో; పవిత్తర్ ఆత్మా ఓర్ ఉంపర్ ర.
26ఊ ప్రభూర్ క్రీస్తూన దేకెనీ జెరాంగ మరేనికన్ పవిత్తర్ ఆత్మాతీ ఓన కేమేలో.
27ఊ ఆత్మాతీ భరాన్ దేవళేమా ఆయో. అత్రామా ధరంసాస్త్రేర్ నియమేర్నైఁ కరేన ఓర్ యాడీ బాప్ బాళక్ యేసున దేవళేమా లేన్ ఆయె.
28జనా, సుమెయోన్ ఓర్ హాతేమా యేసున పాల్డేన్ దేవేన స్తుతి కర్తో హనూకో.
29–ప్రభూ, తార్ వాతేర్ నైఁ అబ్బ తూఁ కీదోచీ, తార్ సేవకేన శాంతితీ జాయెదేరోచీ;
30-32అన్య జనూన తోన దకాళేన వజాళేర్ నైఁన్, తార్ జన్ ఇశ్రాయేలేన మహిమార్ నైఁ, సే జనూర్ ముణాంగ తూఁ తయ్యార్ కీదోజకో తార్ రక్షణ్ మ ఆంకీతీ దీటో.
33యోసేపన్ యేసూర్ యాడి ఓర్ బారేమా కేజకో వాత్ సామళన్ అప్సోస్ వేగే.
34సుమేయోన్ ఉందేన ఆశీస్ దేన్ – ఇదేక్, కత్రాయికో దలేర్ సోంచ్ బార పడజూఁ ఇశ్రాయేలేమా వార్సేక్ నాశ్ వేనవతోయి క, రక్షణ పాలేనవతోయి, వివాదేర్ నిశానేర్నాఁయి ఏ బాళకేన దేవ్ ఠేరామేలొచ; .
35ఉజ్జీ తార్ దల్లేమా ఏక్ తల్వార్ ధరస్ జాయె కన్ ఓర్ యాడి మరియాన కో.
36ఉజ్జీ ఆషెరేర్ గోతేర్ ఛజకో పనూయేలేర్ బేటీ అన్నా కన్ కజకో ఏక్ భక్తి దాణ్ వెత్తీ. ఉ వాయాకర్లీదీ జేర్ పచ్చ సాత్ వరస్ ఘరేవాళేతీ సంసార్ కరన్ ఘణ్ వర్సేర్ బూడ్ వేన్,
37అస్సీపర్ చార్ వరస్ రాండ్ బీర్ వేన్ రేన్, దేవళేన న ఛోడజుఁ భూకీ రేన్ అరజ్ కర్తీ రాతన్ దిఁయేఁ సేవా కర్తీ ర.
38ఊ సదా ఓజ్ ఘడీమా మాఁయిఁ ఆన్ దేవేన మహిమా కర్తి, యెరూష లేమేమా విమోచనే సారు దేక్తే రజకో సే జనూతి ఓ బాళకేర్ కార్ణే వాతే కర్తీర.
39అత్రామా ఓ ప్రభూర్ ధరమ్ శాస్త్రేమా ఛజూఁ సే పూరో కర్దీనే జేర్పచ్చ గలిలయామా రజకో నజరేత్ కన్ కజకో ఉందేర్ గామేన డగర్ గే.
40బాళక్ జ్ఞానేతీ భరాన్, వదన్ బళ్ పావ్తోర. దేవేర్ ఆశీస్ ఓర్ ఉంపర్ ర.
41పస్కార్ తేవారేన ఓర్ యాడిబాప్ హర్యేక్ వరస్ యెరూషలేమేన జావ్తే ర
42ఊ బార వర్సేరొ వేగోజనా, ఓ తేవార్ కరేన హర్ఘడీర్నాఁయిఁ ఓ యెరూషలేమన గే.
43ఓ దాడ్ వేగే జేర్పచ్చ, ఓ ఘర్ జారే జనా, బాళా ఛజకో యేసు యెరూషలేమేమా రేగో.
44ఓర్ యాడిబాప్ ఊ వాత్ మాలమ్ నకర్ల జూఁ, ఊ మళాయెమా ఛకన్ ఓ కేలేన్ ఏక్ దాడేర్ చాల్ చాలన్ గే జేర్పచ్చ, ఉందెర్ పామణేవుమాన్ ఉందేన మాలమ్ రజేమా ఓన ఢూండ్తేరే.
45ఊ దకాయొకొని జేతి ఓన ధూండ్తే యెరూషలేమేన ఫేర్ ఆయె.
46తీన్ దాడ్ వేగె జేర్ పచ్చ ఊ దేవళేమా బోధ కరేవాళేర్ వచ్చ బేసన్ ఉందేర్ వాతే సామళ్తో ఉందేన సవాల్ పూచ్తో రజనా దీటే.
47ఓర్ వాతే సామ్ళే జకో సే ఓర్ అక్కలేనన్ ఓర్ జవాబేన దేకన్ అప్సోస్ వేగే
48ఓర్ యాడీబాప్ ఓన దేకన్ ఘణ్ అప్సోస్ వేన్, ఓర్ యాడి – బేటా హమేన కసెన హనూకీదో? ఇదేక్, తార్ బాపన్ మ, రోవ్తే తోన ఢూండ్రే కన్ ఓన కేతేఖమ్
49ఊ – తమ్ మన కసెన ఢూండ్తే రే? మ మార్ బాపేర్ కామేపర రేణో కన్ తమేన మాలమ్ ఛేనిక? కన్ ఉందేన కో;
50పణ్ ఊ ఉందేన కో జకోవాత్ ఓ మాలమ్ కర్లిదెకొని.
51జనా ఊ ఉందేతీ భళన్ నజరేతేన ఆన్ ఉందేర్ వాత్ మాన్తోర. ఓర్ యాడి ఏవాతేన సేన ఓర్ దల్లేమా జతన్ కర్లిదీ.
52యేసు జ్ఞానేమా ఉమ్మరేమా, దేవేర్ దయామాన్ ఆద్మీర్ దయామా వద్తోర.
Селектирано:
Luke 2: Lambadi
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2025, The Bible Society of India
All rights reserved