Luka 3
3
Yohana Murubiki atangira amulimo uwe
(Mat 3:1-12; Mar 1:1-8; Yoh 1:19-28)
1Mwa mango Kaisari Tibere, mwami mukulu we Roma, abaa amemala myaka ikumi netano kwa bwime, abaa anakola kuuma ne Pondiyo Pilato, mukulukulu wa kyango kye Yuteya, ne Herote Andipasi, mukulukulu wa kyango kye Ngalilaya. Ne Firipo, mualabo, ni ye mukulukulu wa kyango kye Iturea na kye Tarakoniti. Ne Lisania naye ni ye mukulukulu wa kyango kye Abilene. 2Ne Anasi ne Kayafa, ni boshebakungu.
Na mwa biromo, akinwa kya Ongo kihikira Yohana, muala wa Sakariya, mwa mango abaa ali mwa bweru. 3Yohana uyo nianatsuka mwa byango byoshe byo biri kwa musike wa lwichi lwe Yorotani. Abaa ni apfulira abandu amwatsi uyu mbu: «Muhingye amiberere yenyu, mube nerubikwa, ne Ongo akabashashira asantsambi senyu.» 4Kubatyo, niabinabererera abinwa bya mutahwa Isaya aandikaa mwa kitabo kiwe mbu:
«Mundu muuma yaneena mu mulenge mule mwa bweru mbu:
‹ Mutunganyanye anchira ya Ninakuwetu,
Mulingiriranye asanchira siwe!
5Kintsi mueri akauchutsibwa,
Na kintsi kitwa na kintsi katwa bikabinduka malambo.
Na sanchira sa bionye seirwa sa butalu
na sosirimo bikuka, sikalambamibwa.
6Na bandu boshe bexunga kwe Ongo atuufula#3:6 Soma Isaya 40:3-5.!›»
7Bandu bangi bahikira Yohana mbu arubikebo. Wetuwe, Yohana ni y'aerebwirabo mbu: «Imwe muli nga bwoko bwa nchoka#3:7 Bwoko bwa nchoka: Hano, Yohana abula mbu abandu abo bakalange.! Inde y'ababwiraa mbu mukenge abutsibuke bwa Ongo bo buhika? 8Kunchi, munerebwerekya kwetsukira by'amukola ku mwamehingya amiberere yenyu kwetenga mwa ntsambi senyu. Na kandi, mutereanikira mbu: ‹Itwe, tuli bana ba Iburahimu!› Anibabwira ku Ongo, angabindula amabale mano, ni maba bana ba Iburahimu! 9Muhulikye! Ambasha yameotolwa ihirwa mwa bisina bya amiti kwekondayo . Kintsi muti watahetako bipfuma bikwirire akakondwa neumwa mwa muliro.»
10Niyo amubuanano wa bandu abo bamubutsa mbu «Tukolekino?» 11Ngye wa Yohana, mbu: «Yawete myambalo ibiri ahe yatawete yo muuma. Na yawete ku biryo, naye akolatyo.»
12Abahoresi ba koli nabo bahikira Yohana mbu arubikebo. Niabanamubutsa mbu: «Mwiyisa, netwe tuireki?» 13Naye axubitsabo mbu: «Muterelengya ko muteekirwe ihoresa.»
14Abasura nabo bamubutsa mbu: «Netwe tuireki?» Yohana axubitsabo mbu: «Muterenyaa mundu faranga siwe neri imuhambika kinwa. Wetuwe ni mwamoera amushahara wenyu.»
15Abandu babaa balindirire arehika ra Kirisitu. Aboshe bereanikira mbu kuti Yohana angaba ni ye Kirisitu. 16Kubatyo, Yohana nianabwira aboshe mbu: «Ingye anibarubika mu mechi. Wetuwe, yahika ira nyuma kwingye, yali na maala ku nilengya. Nitalirene iminula amiriki ya kwa bilyato biwe. Iye yakabarubika mu Mutima Akomire na mu muliro. 17Awete kwa lweri mwa minwe siwe kweulula abifufu mwa ngano. Angano iyo, akakowakowanyayo nebikayo mwa kitunda kiwe. Wetuwe, amusisi uyo, endeshityao mu muliro watatsima.»
18Yohana abaa ni apfula aMwatsi Mubuya kwa bandu nehabo mandi mahano mangi.
Herote akabula Yohana mwa muliki
19Mukulukulu Herote abaa ametsimba Herotiya, muka muala wabo, kwemuira mukatsi uwe. Na kandi, abaa anakola bindi bibi bingi. Kubwishi bwa byoshe ibyo, Yohana nianamukemera. 20Nekyo, kituma Herote aongerera bundi bubi kwa bubi buwe, bwarehira Yohana mwa nyumba ya muliki.
Burubike bwa Yesu Kirisitu
(Mat 3:13-17; Mar 1:9-11)
21Abandu boshe abo babere bamerubikwa, Yesu naye nianarubikwa. Abere ali yahema Ongo, ambingu niainakingukala, 22na Mutima Akomire nianamukimira ngakuno ikuku. Na mulenge nianaumpfibwa itoka mu mbingu mbu: «Iwe, we Muala wani mutsiirwa, iwewe unanimoya kutsibu#3:22 Soma Saburi 2:7..»
Alubuto lwa Yesu Kirisitu
(Mat 1:1-17)
23Yesu abaa na myaka aishembashemba makumi ashatu abere ali yatangira amulimo uwe. Abandu ni abaanikira mbu anaba muala wa Yosefu.
Ne Yosefu abaa muala wa Heli.
24Ne Heli abaa muala wa Matati,
Ne Matati abaa muala wa Lawi,
ne Lawi abaa muala wa Meliki,
ne Meliki abaa muala wa Yana,
ne Yana abaa muala wa Yosefu.
25Ne Yosefu abaa muala wa Matatiya,
ne Matatiya abaa muala wa Amosi,
ne Amosi abaa muala wa Nahumu,
ne Nahumu abaa muala wa Esili,
ne Esili abaa muala wa Nange.
26Ne Nange muala wa Mati,
ne Mati abaa muala wa Matatiya,
ne Matatiya abaa muala wa Simei,
ne Simei abaa muala wa Yoseki,
ne Yoseki abaa muala wa Yota.
27Ne Yota abaa muala wa Yohanani,
ne Yohanani abaa muala wa Resa,
ne Resa abaa muala wa Serubabeli,
ne Serubabeli abaa muala wa Sheretiere,
ne Sheretiere abaa muala wa Neri, ne Neri abaa
28muala wa Meliki,
ne Meliki abaa muala wa Ati,
ne Ati abaa muala wa Kosamu,
ne Kosamu abaa muala wa Elimatamu,
ne Elimatamu abaa muala wa Eri.
29Ne Eri abaa muala wa Yesu,
ne Yesu abaa muala wa Eliyasari,
ne Eliyasari abaa muala wa Yorimu,
ne Yorimu abaa muala wa Matati,
ne Matati abaa muala wa Lawi.
30Ne Lawi abaa muala wa Simiyoni,
ne Simiyoni abaa muala wa Yuta,
ne Yuta abaa muala wa Yosefu,
ne Yosefu abaa muala wa Yonamu,
ne Yonamu abaa muala wa Eliyakimu.
31Ne Eliyakimu abaa muala wa Meleya,
ne Meleya abaa muala wa Mena,
ne Mena abaa muala wa Matata,
ne Matata abaa muala wa Natani,
ne Natani abaa muala wa Ndauti.
32Ne Ndauti abaa muala wa Yese,
ne Yese abaa muala wa Obeti,
ne Obeti abaa muala wa Buasi,
ne Buasi ni muala wa Salimoni,
ne Salimoni abaa muala wa Naxoni.
33Ne Naxoni abaa muala wa Aminatabu,
ne Aminatabu abaa muala wa Atimini,
ne Atimini abaa muala wa Arani,
ne Arani abaa muala wa Hesironi,
ne Hesironi abaa muala wa Peresi,
ne Peresi abaa muala wa Yuta.
34Ne Yuta abaa muala wa Yakobo,
ne Yakobo abaa muala wa Isake,
ne Isake, abaa muala wa Iburahimu,
ne Iburahimu abaa muala wa Tera,
ne Tera abaa muala wa Nahori.
35Ne Nahori abaa muala wa Sherungu,
ne Sherungu abaa muala wa Reu,
ne Reu abaa muala wa Peleki,
ne Peleki abaa muala wa Eberi,
ne Eberi abaa muala wa Sela, ne Sela abaa
36muala wa Kainana,
ne Kainana abaa muala wa Aripakisati,
ne Aripakisati abaa muala wa Shemu,
ne Shemu abaa muala wa Noa,
ne Noa abaa muala wa Lameke.
37Ne Lameke abaa muala wa Metusela,
ne Metusela abaa muala wa Enoke,
ne Enoke abaa muala wa Yareti,
ne Yareti abaa muala wa Malaleli,
ne Malaleli abaa muala wa Kainana.
38Ne Kainana abaa muala wa Inosi,
ne Inosi abaa muala wa Seti,
ne Seti abaa muala wa Atamu,
ne Atamu abumbwaa ne Ongo.
Селектирано:
Luka 3: HKE
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@2025 GROUPE D'ASSOCIATIONS POUR LA PROMOTION DES LANGUES, CULTURE ET DEVELOPPEMENT INTEGRAL "GAPLCDI"