मत्ती 9
9
येसुये नसाता रोगो लागिव मीलाई ओससोमो
मर्कुस २:१-१२; लुका ५:१७-२६
1होकाम येसु डोङ्गाटं पुलुडे डह होपंटं, ओसहरलं ओराव। 2मीराई टानटं गलङडे लिज़्याव टोबो नसालो रोगो लागिव मीलाई येसु लेवकं यारोयो। येसुये नोमीराई याबिस्वास र:ङडे हो रोगी मीलाई ऐ ओडोव, “ङाज़ा हिक्मत डो। नपाप छेमा याटाडु।” 3कोइ-कोइ न्याम पैनेरं या-याज़ र:ङसिडे ऐ यावारो, “आवये परमेस्वरलो उमिनलाई बिज्यात झैज़्याव।” 4येसुये नो मीराई यारो: बुझिडे ऐ ओडोवरं, “जे कडाने जियुङलं माचाव जेचेटैज़्याव? 5होकाम कै वार्ने सजालो टाये, नपाप छेमा याटाडु वार्ने सै ‘च्याङसिन होकाम गराङन्के’ वार्ने? 6प्रिठीबीलं पाप छेमा डाने अढिकार मानवालो ओज़ालो उकुइटंज़ ले वार्ने जे ठा सन्च्यो।” होकाम येसुये नो नसालो रोगो लागिव मीलाई ऐ ओडोव, “च्याङसिडे, नटान घुर्डे नज़ी:मडे गराङन्के।” 7होकाम नो मी च्याङसिडे उज़ी:मडे ओनाव। 8नला माहुले मीराई आव र:ङडे, बनै याछेव होकाम मीरंलाई एटाव सक्ति याने परमेस्वरलो ओमहिमा याडोव।
येसुये मत्तीलाई उखुलो
मर्कुस २:१३-१७; लुका ५:२७-३२
9येसु होलाग्यान्ट ओनाज़्याकं मत्ती वार्ने टोबो मीलाई सिरमा डुप्ने ज़ी:मलं चुङ्डे उलिज़्याव ओरो:ङो होकाम येसुये नोलाई ऐ ओडोव, “बा ङाजिन्ट गराङन्के।” होकाम नो मी च्याङसिडे येसुलो उझिन्ट ओनाव। 10येसु सोनो उसिसरं मत्तीलो उज़ी:मकं ज़्याव ज़्याने चुङडे यालिज़्याव बेलाकं सिरमा डुप्नेनेरं सोनो पापीरं राडे येसु सोनो उसिसरासं बोलोङ चुङडे याज़्योज़्याव। 11फरिसीराई नो र:ङडे, येसुलो उसिसरंलाई हैयाडोवरं, “कडाने जिगुरये सिरमा डुप्नेरं सोनो पापीरासं बोलोङ चुङडे ज़्याव ओज़्योज़्याव?” 12आव रो: ठैडे येसुये ऐओडोवरं, “माठलिवरंलाई बैड माचाहिये, बुरु ठलिवरंलाई चाहिये। 13होकाम जे नाडे आव रो:लो ओमाने कडि चोखो सास्त्रये आव बारेलं कै वार्ये पैसिच्यो ‘ङा भोक माङ्क, डया चाव ङाङप्सिये’ कडालेकं ङा सहि मीरंलाई माङ्क पापीरंलाई परमेस्वरलो ओराज्यलं खुल्ने ङाराव ची।”#होसे ६:६; मत्ती १२:७
उपासिने बारेलं प्रस्न
मर्कुस २:१८-२२; लुका ५:३३-३९
14होबेलाकंज़ बप्तिस्मा झैने युहन्नालो उसिसरं येसु लेवकं राडे, येसुलाई यापजोयो, “कडा गे सोनो फरिसीर गेउपासिज़्याव, नङ नसिसरं कडाने यामउपासिज़्याव?” 15येसुये नोरंलाई ऐओडोवरं, “डुलाहा जन्तिरासं ओलेव बेलाकं, नोरं यासोगो हाइरं डोरो? टछा एटाव डिन रानेले डुलाहालाई नोराई लेवकाम टाडा झैने लेरं होकाम नोरं उपासिने लेरं।” 16“काङ्कायेज़ पुरानो क्वाटं सारौ टालाये माटालिव कडालेकं सा:रौ टालाये पुरानो क्वालाई झन भ्या चिवये। 17काङ्का मीयेज़ पुरानो पिर्गुललं चाव मड्ड माझावये, कडावार्क पिरगुल चिडे मड्ड भोये, होकाम पिरगुल पनि बरबाड टाये। चाव मड्ड सा:रौ पिरगुललंज़ नैसिये हैजैडे नेबऱ्याङज़ जोगिये।”
याइरसलो मेमा ओज़ा सोनो झी भोने मेमा नेसोमो
मर्कुस ५:२१-४३; लुका ८:४०-५६
18येसुये आव रो: नोरंलाई हैओडोज़्यारंकं, यहुडीराई टोबो घ्योव यासे:र राडे येसुलो ओखङटं फुलुप्सिडे ऐ ओवारो, “बाभाज़ मेमा ङाज़ा सिडेले, नङ राडे नोलो ओक्याङटं नकुइ नैडे नोयोखिन नो उन्जिने ले।” 19येसु च्याङसिडे उसिसरासं नो मीलो उझिन-उझिन यानाव। 20नो बेलाकंज़ बारं बर्स कामटानि ओक्याङटाम झी भोने रोगो लेव मेमाये उझिनङाम राडे येसुलो ओक्वालो उफुर्का उछुव। 21कडालेकं नो मेमाये उयुङ-उयुङलं सुन्चिडे ओनैज़्याव, “ङा येसुलो ओक्वा याज़ ङाछुनि पनि ङा सम्नेङाले।” 22फन घुमिडे ओर:ङकं येसुये नो मेमालाई ओरो:ङो होकाम येसुये ऐओडोव, “ए ङाज़ा, नयुङ घ्योव झै हिक्मत डो, नबिस्वासये नङलाई ससम्डे नैसोनो।” नो मेमा होपानाज़ ओसोमो। 23होकाम येसु यहुडीराई यासे:रलो उज़ी:मकं ओकेरिव, येसुये सहनै टप्नेरं सोनो घर्नेरंलाई ओरो:ङोर। 24येसुये नोरंलाई ऐओडोवरं, “पाखाडे गनाच्योके, कडालेकं आव लुज़ा मासिये, ऐज़ ङ:ल्डेले।” नो मीराई सा:डे येसुलाई यागिल्लोयो। 25माहुले मीरंलाई पाखाडे पुलैरंडे येसु ज़ी:मलं उपसिव होकाम नो सिव लुज़ालो उकुइटं क्योडे ओयोव, होकाम नो लुज़ा प:ल ओसोव। 26होकाम आव रो: स्यान्टै छेत्रयालं चारकोना ओफैलिव।
नेम्लो अन्डलानि नेसोमो
27येसु नलाम ओनाज़्याकं नेम्लो अन्डलानि ऐ वार्डे निकि:व, “ए डाउडलो ओसन्तान, गिनलाई डया डासि” वार्डे येसुलो उझिन उझिन नेराव। 28येसु ज़ी:मलं उपसिव पानाज़ नो अन्डलानि येसु लेवकं नेराव। येसुये नोनिलाई ऐ ओडोवनि, “ङा जिमि फैडे ङायाचिन्डु वार्डे जिन बिस्वास जेडा?” नोनि येसुलाई हैनेडोव, “अँ प्रभु गेडा।” 29होकाम येसुये नोनि निमिटं छुडे ऐ ओडोवनि, “जिन जियुङला बिस्वास स्यावज़ जिनलाई ओटाकं।” 30होकाम नोनि निमि ओफैसिव। येसुये नो मीनिलाई ऐ वार्डे चेतावनि ओयोवनि, “आव रो: काङ्कायेज़ ठा टासोनोकं।” 31होकाम टानि नोनि नाडे स्यान्टै छेत्रडे येसुये ओडोव ये:नलो ओरो: नेडोनाव।
टोबो लाटा ओसोमो
32होकाम नोरं ज़ी:मलाम पुलुडे यानाज़्याकं, मीराई माचाव आत्माये ओडापो टोबो लाटा मीलाई येसु लेवकं यारोयो। 33माचाव आत्मा ओहाइसिव पाना नो लाटा ओपाङो। होकाम, “इस्राएललं खर्कज़ एटाव गेरो:ङो माले” वार्डे माहुले मीरं अचम्ब याटाव। 34होकाम टानि फरिसीराई ऐ यावारो, “भुतराई यासे:रलो ओसक्तिये आवये भुतरं उपुलैज़्यावरं।”
मीराई यालागिटं येसुलो ओडया
35येसुये स्यान्टै सहरयालं, नाङखारयालं, नो यहुडीरं याडुप्सिने ज़ी:मयालं पोयोरंग्यान, परमेस्वरलो ओराज्यला चाव सोर प्रचार डावग्यान स्यान्टै किसिमला रोगो सोनो कम्जोर मीरंलाई ससोमोग्यान बावग्यान ओडोव। 36होकाम येसुये नला माहुले मीरंलाई र:ङडे उयुङ ओनाव। कडालेकं नोरं याग्वाला मालेव भेडारं स्याव चित्राङ नि पुत्राङ टाडे कोइ चिन्तालं सोनो कोइ ङोइडे यालिज्याव ओरो:ङोरं। 37येसुये उसिसरंलाई ऐ ओडोवरं, “अन्न मिन्डे ओभऱ्यालि टाडेले, अन्न डुप्ने ये:न डाने मीरं टिगिडा लिज़्यारं। 38हैजैडे अन्न ससैने साहुलाई हैडाच्यो, प्रभुये ओबाली क्याने मीरं भ्या गपरि:ङोरंकं।”
Селектирано:
मत्ती 9: NTWMK25
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मत्ती 9
9
येसुये नसाता रोगो लागिव मीलाई ओससोमो
मर्कुस २:१-१२; लुका ५:१७-२६
1होकाम येसु डोङ्गाटं पुलुडे डह होपंटं, ओसहरलं ओराव। 2मीराई टानटं गलङडे लिज़्याव टोबो नसालो रोगो लागिव मीलाई येसु लेवकं यारोयो। येसुये नोमीराई याबिस्वास र:ङडे हो रोगी मीलाई ऐ ओडोव, “ङाज़ा हिक्मत डो। नपाप छेमा याटाडु।” 3कोइ-कोइ न्याम पैनेरं या-याज़ र:ङसिडे ऐ यावारो, “आवये परमेस्वरलो उमिनलाई बिज्यात झैज़्याव।” 4येसुये नो मीराई यारो: बुझिडे ऐ ओडोवरं, “जे कडाने जियुङलं माचाव जेचेटैज़्याव? 5होकाम कै वार्ने सजालो टाये, नपाप छेमा याटाडु वार्ने सै ‘च्याङसिन होकाम गराङन्के’ वार्ने? 6प्रिठीबीलं पाप छेमा डाने अढिकार मानवालो ओज़ालो उकुइटंज़ ले वार्ने जे ठा सन्च्यो।” होकाम येसुये नो नसालो रोगो लागिव मीलाई ऐ ओडोव, “च्याङसिडे, नटान घुर्डे नज़ी:मडे गराङन्के।” 7होकाम नो मी च्याङसिडे उज़ी:मडे ओनाव। 8नला माहुले मीराई आव र:ङडे, बनै याछेव होकाम मीरंलाई एटाव सक्ति याने परमेस्वरलो ओमहिमा याडोव।
येसुये मत्तीलाई उखुलो
मर्कुस २:१३-१७; लुका ५:२७-३२
9येसु होलाग्यान्ट ओनाज़्याकं मत्ती वार्ने टोबो मीलाई सिरमा डुप्ने ज़ी:मलं चुङ्डे उलिज़्याव ओरो:ङो होकाम येसुये नोलाई ऐ ओडोव, “बा ङाजिन्ट गराङन्के।” होकाम नो मी च्याङसिडे येसुलो उझिन्ट ओनाव। 10येसु सोनो उसिसरं मत्तीलो उज़ी:मकं ज़्याव ज़्याने चुङडे यालिज़्याव बेलाकं सिरमा डुप्नेनेरं सोनो पापीरं राडे येसु सोनो उसिसरासं बोलोङ चुङडे याज़्योज़्याव। 11फरिसीराई नो र:ङडे, येसुलो उसिसरंलाई हैयाडोवरं, “कडाने जिगुरये सिरमा डुप्नेरं सोनो पापीरासं बोलोङ चुङडे ज़्याव ओज़्योज़्याव?” 12आव रो: ठैडे येसुये ऐओडोवरं, “माठलिवरंलाई बैड माचाहिये, बुरु ठलिवरंलाई चाहिये। 13होकाम जे नाडे आव रो:लो ओमाने कडि चोखो सास्त्रये आव बारेलं कै वार्ये पैसिच्यो ‘ङा भोक माङ्क, डया चाव ङाङप्सिये’ कडालेकं ङा सहि मीरंलाई माङ्क पापीरंलाई परमेस्वरलो ओराज्यलं खुल्ने ङाराव ची।”#होसे ६:६; मत्ती १२:७
उपासिने बारेलं प्रस्न
मर्कुस २:१८-२२; लुका ५:३३-३९
14होबेलाकंज़ बप्तिस्मा झैने युहन्नालो उसिसरं येसु लेवकं राडे, येसुलाई यापजोयो, “कडा गे सोनो फरिसीर गेउपासिज़्याव, नङ नसिसरं कडाने यामउपासिज़्याव?” 15येसुये नोरंलाई ऐओडोवरं, “डुलाहा जन्तिरासं ओलेव बेलाकं, नोरं यासोगो हाइरं डोरो? टछा एटाव डिन रानेले डुलाहालाई नोराई लेवकाम टाडा झैने लेरं होकाम नोरं उपासिने लेरं।” 16“काङ्कायेज़ पुरानो क्वाटं सारौ टालाये माटालिव कडालेकं सा:रौ टालाये पुरानो क्वालाई झन भ्या चिवये। 17काङ्का मीयेज़ पुरानो पिर्गुललं चाव मड्ड माझावये, कडावार्क पिरगुल चिडे मड्ड भोये, होकाम पिरगुल पनि बरबाड टाये। चाव मड्ड सा:रौ पिरगुललंज़ नैसिये हैजैडे नेबऱ्याङज़ जोगिये।”
याइरसलो मेमा ओज़ा सोनो झी भोने मेमा नेसोमो
मर्कुस ५:२१-४३; लुका ८:४०-५६
18येसुये आव रो: नोरंलाई हैओडोज़्यारंकं, यहुडीराई टोबो घ्योव यासे:र राडे येसुलो ओखङटं फुलुप्सिडे ऐ ओवारो, “बाभाज़ मेमा ङाज़ा सिडेले, नङ राडे नोलो ओक्याङटं नकुइ नैडे नोयोखिन नो उन्जिने ले।” 19येसु च्याङसिडे उसिसरासं नो मीलो उझिन-उझिन यानाव। 20नो बेलाकंज़ बारं बर्स कामटानि ओक्याङटाम झी भोने रोगो लेव मेमाये उझिनङाम राडे येसुलो ओक्वालो उफुर्का उछुव। 21कडालेकं नो मेमाये उयुङ-उयुङलं सुन्चिडे ओनैज़्याव, “ङा येसुलो ओक्वा याज़ ङाछुनि पनि ङा सम्नेङाले।” 22फन घुमिडे ओर:ङकं येसुये नो मेमालाई ओरो:ङो होकाम येसुये ऐओडोव, “ए ङाज़ा, नयुङ घ्योव झै हिक्मत डो, नबिस्वासये नङलाई ससम्डे नैसोनो।” नो मेमा होपानाज़ ओसोमो। 23होकाम येसु यहुडीराई यासे:रलो उज़ी:मकं ओकेरिव, येसुये सहनै टप्नेरं सोनो घर्नेरंलाई ओरो:ङोर। 24येसुये नोरंलाई ऐओडोवरं, “पाखाडे गनाच्योके, कडालेकं आव लुज़ा मासिये, ऐज़ ङ:ल्डेले।” नो मीराई सा:डे येसुलाई यागिल्लोयो। 25माहुले मीरंलाई पाखाडे पुलैरंडे येसु ज़ी:मलं उपसिव होकाम नो सिव लुज़ालो उकुइटं क्योडे ओयोव, होकाम नो लुज़ा प:ल ओसोव। 26होकाम आव रो: स्यान्टै छेत्रयालं चारकोना ओफैलिव।
नेम्लो अन्डलानि नेसोमो
27येसु नलाम ओनाज़्याकं नेम्लो अन्डलानि ऐ वार्डे निकि:व, “ए डाउडलो ओसन्तान, गिनलाई डया डासि” वार्डे येसुलो उझिन उझिन नेराव। 28येसु ज़ी:मलं उपसिव पानाज़ नो अन्डलानि येसु लेवकं नेराव। येसुये नोनिलाई ऐ ओडोवनि, “ङा जिमि फैडे ङायाचिन्डु वार्डे जिन बिस्वास जेडा?” नोनि येसुलाई हैनेडोव, “अँ प्रभु गेडा।” 29होकाम येसुये नोनि निमिटं छुडे ऐ ओडोवनि, “जिन जियुङला बिस्वास स्यावज़ जिनलाई ओटाकं।” 30होकाम नोनि निमि ओफैसिव। येसुये नो मीनिलाई ऐ वार्डे चेतावनि ओयोवनि, “आव रो: काङ्कायेज़ ठा टासोनोकं।” 31होकाम टानि नोनि नाडे स्यान्टै छेत्रडे येसुये ओडोव ये:नलो ओरो: नेडोनाव।
टोबो लाटा ओसोमो
32होकाम नोरं ज़ी:मलाम पुलुडे यानाज़्याकं, मीराई माचाव आत्माये ओडापो टोबो लाटा मीलाई येसु लेवकं यारोयो। 33माचाव आत्मा ओहाइसिव पाना नो लाटा ओपाङो। होकाम, “इस्राएललं खर्कज़ एटाव गेरो:ङो माले” वार्डे माहुले मीरं अचम्ब याटाव। 34होकाम टानि फरिसीराई ऐ यावारो, “भुतराई यासे:रलो ओसक्तिये आवये भुतरं उपुलैज़्यावरं।”
मीराई यालागिटं येसुलो ओडया
35येसुये स्यान्टै सहरयालं, नाङखारयालं, नो यहुडीरं याडुप्सिने ज़ी:मयालं पोयोरंग्यान, परमेस्वरलो ओराज्यला चाव सोर प्रचार डावग्यान स्यान्टै किसिमला रोगो सोनो कम्जोर मीरंलाई ससोमोग्यान बावग्यान ओडोव। 36होकाम येसुये नला माहुले मीरंलाई र:ङडे उयुङ ओनाव। कडालेकं नोरं याग्वाला मालेव भेडारं स्याव चित्राङ नि पुत्राङ टाडे कोइ चिन्तालं सोनो कोइ ङोइडे यालिज्याव ओरो:ङोरं। 37येसुये उसिसरंलाई ऐ ओडोवरं, “अन्न मिन्डे ओभऱ्यालि टाडेले, अन्न डुप्ने ये:न डाने मीरं टिगिडा लिज़्यारं। 38हैजैडे अन्न ससैने साहुलाई हैडाच्यो, प्रभुये ओबाली क्याने मीरं भ्या गपरि:ङोरंकं।”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025