मत्ती 10
10
येसुलो बारं जना उसिसराई याडोने सेवा
मर्कुस ३:१३-१९; ६:७-१३; १३:९-१३; लुका ६:१२-१६; ९:१-६; १२:२-९; २१:१२-१७
1येसुये बारं जना उसिसरंलाई ओल लेवकं खुलरंडे माचाव आत्मारंलाई पुलैने, स्यान्टै खालला रोगोरं ससम्ने सोनो कम्जोररंलाई सक्ति याडे ससम्ने स्यान्टै अढिकार नोराई याकुइटंज़ सुम्पीडे ओयोवरं। 2बारंजना मुख्या उसिसराई यामिन आवज़, पैलाला पत्रुस वार्ने सिमोन सोनो नोलो ओभाइ अन्ड्रियास, जब्डियालो ओज़ानि याकुब सोनो नोलो ओभाइ युहन्ना, 3फिलिप सोनो बारठोलोमाइ, ठोमा सोनो सिरमा डुप्ने मत्ती, अल्फयसलो ओज़ा याकुब सोनो ठेडियस, 4सिमोन कनानी सोनो यहुडा इस्करियोत, नोयेज़ येसुलाई ओसोक्यो:व।
5येसुये बारं जना उसिसरंलाई ऐ लेडे अरैरंडे ओपरि:ङोरं, “यहुडीरंकाम यहुडीरंकाम उरुका मीराई याखार्ल टानाच्यो होसोनो सामरीराई यासहरलं टापसिच्यो। 6इस्राएलीरं ङोयो भेडारं स्यानाव टाडेलेरं नोरं लेवङं नाच्यो। 7नाच्यो होकाम स्वर्गटा राज्या नजिककंज़ राडेले वार्डे प्रचार डानाच्यो।#लुका १०:४-१२; ९:३-५; मर्कुस १०:८-११ 8ठलिव मीरंलाई ससम्च्योरं, सिव मीरंलाई फरि ज्युङडा झैच्योरं, कु:रिरंलाई ससम्च्योरं, ज़्या:रं पुलैच्योरं। जे सोजोका जेडोयो, सोजोज़ याच्योरं। 9जे जेवाम्फोटं सुन, चान्डी, सोनो ताम्बालो पैसा टालाङच्यो।” 10येम्ट जेनाकं ज़:न, नेजोर क्वा, पनै, झुइ टालाङच्यो। कडालेकं ये:न डाने मीये ज्याला डोयोज़ परिये।#१कोरन्ठी ९:१४; १तिमोठी ५:१८ 11“जो सहरयालं टानि नाङखारयालं टानि जोङ जेना, नलं काङ्का जामा जेलाई मान याने मी लिज़्या वार्डे खिम्च्यो, होकाम नो पोलाम जेम्नाया समं नो ज़ी:मलंज़ लेच्यो। 12नो ज़ी:मलं जेपसिकं ढो डाच्यो। 13नो ज़ी:मला मीरं चाव यालेरं भने नो ज़ी:म्ल सान्ति ओटाकं। नो ज़ी:म्ला मीराई जेमान डाडेमायाच्योरंखे भने नो सान्ति जे लेवडेज़ वोल्डे ओराकं। 14कोइराई जेलाई जेमान डाडेमायाच्योरखे भने होसोनो जेपाङ माठैरंखे भने, नो ज़ी:मलाम टानि सहरलाम टानि जिपुलुकं जेखङटा ढुइरं ठरैडे ख्यानैड्याच्योरं।#प्रेरित १३:५१ 15डस्साज़, ङा जेलाई हैङाडाच्यो, निया टाने डिनछ्याम सडोम सोनो गमोरालो ओहालंत भन्डा नो सहरलो ओडसा भ्या माचाव टानेले।”#मत्ती ११:२४; सिर्जिव १९:२४-२८
रारिज़्याव डुखंला समय
मर्कुस १३:९-१३; लुका २१:१२-१७
16र:ङच्यो, ङा जेलाई ब्वाङसाराई याखार्ल भेडारंलाई मान्टिव झैडे ङापरि:ङच्योज़्या, हैजैडे जे गुल मान्टि चलाक सोनो ढुङ्कुर मान्टि सिडा टाच्यो।#लुका १०:३ 17जे मीरासं बनै होस्यार लेच्यो, कडालेकं नोराई जेलाई ठानायालं सुम्पीड्याने लेरं, होसोनो नोराई यहुडीरं याडुप्सिने ज़ी:मयालं जेलाई कोर्राये पो:ने लेरं। 18जेलाई ङाकारनटं हाकिमराई सोनो राजाराई याङा:कं सच्यान्ने लेरं नोरं सोनो यहुडीरंकाम उरुका मीराई याङा:कं ङासाची टाने जेले। 19नोराई जेलाई यासक्योच्योरंखे भने होकाम कैजैडे कडि गेपाङके वार्डे चिन्ता टाडाच्यो। कडालेकं जे कडि पाङने हो बेलाकंज़ जेलाई हैडासिने ले। 20कडालेकं जे जेज़ पाङने जेम्ले, बुरु जेबाबुलो ओआत्मा जे लेवटाम पाङने ले। 21“डाज्यु भाइलंज़ सै:नेलो लागिटं सक्यो:ने लेरं, होसोनो बाबुये ओज़ारंलाई, सोनो ज़ारं आमा बाबुराई याबिरोडलं च्याङसिने लेरं होकाम नोरंलाई सो:यो परि:ङनेलेरं। 22ङा ङामिनलो ओकारंनये स्यानटैराई जेलाई कायासोने लेरं। हैनि पनि जो आखिर समं अड्डिनेले नो बान्चिने ले। 23नोराई जेलाई टोबो सहरलं यासहटैच्योरंखे भने जे छुटं सहरलं ढोङच्यो। कडालेकं डस्साज़ ङा जेलाई हैङाडाच्यो, मानवालो ओज़ा राने भन्डा ङा:डेज़ इस्राएलला स्यान्टै सहर भरि डुलिडे खेम्ने जेम्ले। 24उसिस उगुर भन्डा सोनो ओनौकर ओसाहु भन्डा घ्योव माटाये। 25सिस उगुर स्यानाव सोनो नौकर ओसाहु स्यानावज़ टाने ले। नोराई ज़ी:मला से:र मीलाईज़ बालजिबुल#10:25 सैतानलो उमिन डोज़्यारं भने झन ओझानरंलाई कडा भ्या हैमाडोरंके ड?”#मत्ती ९:३४; १२:२४; मर्कुस ३:२२; लुका ११:१५
टाछेच्यो
26“हैजैडे नो मीरासं टाछेच्यो। कडालेकं कप्सिव स्यान्टै रो: फैसिने ले। गुप्तलं नैसिव स्यान्टै रो: सटन्सिने ले।#मर्कुस ४:२२; लुका ८:१७ 27जो ङा जेलाई अन्ड्यारोलं हैङाडाच्योज़्या, नो जे उज्यालोटं हैडाच्योरं, होसोनो जो जे जेनालं जेठैये, नो ज़ी:म ढुरिरंटाम कि:डे सठैरंच्यो। 28नोरासं टाछेच्यो जोये क्याङलाई याज़ सै:रंये, आत्मालाई मासै:डुरं। बुरु आत्मा सोनो क्याङ नेबऱ्याङज़ नर्गलं नास झैडुने परमेस्वरसं छेच्यो। 29टपैसालो नेबऱ्याङ भङ्गिरा माये:ये डोरो? जेबाबु परमेस्वरलो उइछ्या मालेखे भने नोरं टोबो पनि नामलं टे:ने मालेरं। 30कडालेकं जे जेङै:टा जेचेमरं पनि स्यान्टै गनिसिव ले। 31हैजैडे जे टाछेच्यो, जे भ्या भङ्गिरारं भन्डा भ्या मो:ङ्गो जेले।” 32हैजैडे जोये मीराई याङा:कं ङा येसुलो ची हैवार्, ङा पनि नोलाई स्वर्गटं लेने ङाबाबुलो ओङा:कं नो पनि ङासंकाज़ वार्डे हैवार्ने ङाले। 33जोये ङालाई मीराई याङा:कं ङा येसुलो ऐ मावार, ङा पनि नोलाई स्वर्गटं लेने ङाबाबुलो ओङा:कं नो ङासंका माङ्कची ऐ वार्ने ङाले।#२तिमोठी २:१२ 34“ङा प्रिठीबीलं सान्ति रैडे ङाराव ची वार्डे हैटावार्च्यो। सान्ति रैडे माङ्क, ङा के तरवाल चलैने ङाराव ची। 35कडालेकं ङा के मीलाई ओबाबुलो उबिरोडलं सोनो मेमा ओज़ालाई वामालो उबिरोडलं, होसोनो ओबाहारीलाई उफुबुलो उबिरोड डाने जैनेरं ङाराव ची।#मीका ७:६ 36मीराई यासुतर याज़ी:मलारंज़ टानेलेरं।” 37“जोये ङालाई भन्डा भ्या ओबाबु सै वामालाई मया डोव, नो ङासंका मी माटाये। जोये ङालाई भन्डा भ्या खेपा ओज़ा सै मेमा ओज़ालाई मया डोव, नो ङासंका टाने माले। 38जोये उक्रुस घुर्डे ङाछिन्ट मारा, नो ङासंका मी माङ्कची।#मत्ती १६:२४; मर्कुस ८:२४; लुका ९:२३ 39जोये उजीबन जोगैज़्याव, नो सिने ले, होसोनो उजीबन ङालागिटं मा:सिनेये नो जोगैने ले।”#मत्ती १६:२५; मर्कुस ८:३५; लुका ९:२४; १७:३३; युहन्ना १२:२५
इनाम डैने
40“जेलाई आव गेसंकाज़ वार्नेये ङालाई पनि आव ङामिज़ वार्ने ले, ङालाई ङामि वार्नेये ङालाई परि:ङनेलाई पनि नो पनि ङामिज़ वार्ने ले।#मर्कुस ९:३७; लुका ९:४८; १०:१६; युहन्ना १३:२० 41अगमबक्ताराई यामान डोनेये अगमबक्ता टाने इनामज़ डैने ले। चाव मीलाई ओमान नैड्यानेये चाव टानेलो इनामज़ डैने ले। 42जोये आव आलिचारंलाम्टा टोबोलाई ङासिस मानिडे टुखुरि चिसो री: टानि ओँने योवरं, डस्साज़ ङा जेलाई हैङाडाच्यो, होये जोङाम टानि पनि उइनाम डैनेले।”
Селектирано:
मत्ती 10: NTWMK25
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मत्ती 10
10
येसुलो बारं जना उसिसराई याडोने सेवा
मर्कुस ३:१३-१९; ६:७-१३; १३:९-१३; लुका ६:१२-१६; ९:१-६; १२:२-९; २१:१२-१७
1येसुये बारं जना उसिसरंलाई ओल लेवकं खुलरंडे माचाव आत्मारंलाई पुलैने, स्यान्टै खालला रोगोरं ससम्ने सोनो कम्जोररंलाई सक्ति याडे ससम्ने स्यान्टै अढिकार नोराई याकुइटंज़ सुम्पीडे ओयोवरं। 2बारंजना मुख्या उसिसराई यामिन आवज़, पैलाला पत्रुस वार्ने सिमोन सोनो नोलो ओभाइ अन्ड्रियास, जब्डियालो ओज़ानि याकुब सोनो नोलो ओभाइ युहन्ना, 3फिलिप सोनो बारठोलोमाइ, ठोमा सोनो सिरमा डुप्ने मत्ती, अल्फयसलो ओज़ा याकुब सोनो ठेडियस, 4सिमोन कनानी सोनो यहुडा इस्करियोत, नोयेज़ येसुलाई ओसोक्यो:व।
5येसुये बारं जना उसिसरंलाई ऐ लेडे अरैरंडे ओपरि:ङोरं, “यहुडीरंकाम यहुडीरंकाम उरुका मीराई याखार्ल टानाच्यो होसोनो सामरीराई यासहरलं टापसिच्यो। 6इस्राएलीरं ङोयो भेडारं स्यानाव टाडेलेरं नोरं लेवङं नाच्यो। 7नाच्यो होकाम स्वर्गटा राज्या नजिककंज़ राडेले वार्डे प्रचार डानाच्यो।#लुका १०:४-१२; ९:३-५; मर्कुस १०:८-११ 8ठलिव मीरंलाई ससम्च्योरं, सिव मीरंलाई फरि ज्युङडा झैच्योरं, कु:रिरंलाई ससम्च्योरं, ज़्या:रं पुलैच्योरं। जे सोजोका जेडोयो, सोजोज़ याच्योरं। 9जे जेवाम्फोटं सुन, चान्डी, सोनो ताम्बालो पैसा टालाङच्यो।” 10येम्ट जेनाकं ज़:न, नेजोर क्वा, पनै, झुइ टालाङच्यो। कडालेकं ये:न डाने मीये ज्याला डोयोज़ परिये।#१कोरन्ठी ९:१४; १तिमोठी ५:१८ 11“जो सहरयालं टानि नाङखारयालं टानि जोङ जेना, नलं काङ्का जामा जेलाई मान याने मी लिज़्या वार्डे खिम्च्यो, होकाम नो पोलाम जेम्नाया समं नो ज़ी:मलंज़ लेच्यो। 12नो ज़ी:मलं जेपसिकं ढो डाच्यो। 13नो ज़ी:मला मीरं चाव यालेरं भने नो ज़ी:म्ल सान्ति ओटाकं। नो ज़ी:म्ला मीराई जेमान डाडेमायाच्योरंखे भने नो सान्ति जे लेवडेज़ वोल्डे ओराकं। 14कोइराई जेलाई जेमान डाडेमायाच्योरखे भने होसोनो जेपाङ माठैरंखे भने, नो ज़ी:मलाम टानि सहरलाम टानि जिपुलुकं जेखङटा ढुइरं ठरैडे ख्यानैड्याच्योरं।#प्रेरित १३:५१ 15डस्साज़, ङा जेलाई हैङाडाच्यो, निया टाने डिनछ्याम सडोम सोनो गमोरालो ओहालंत भन्डा नो सहरलो ओडसा भ्या माचाव टानेले।”#मत्ती ११:२४; सिर्जिव १९:२४-२८
रारिज़्याव डुखंला समय
मर्कुस १३:९-१३; लुका २१:१२-१७
16र:ङच्यो, ङा जेलाई ब्वाङसाराई याखार्ल भेडारंलाई मान्टिव झैडे ङापरि:ङच्योज़्या, हैजैडे जे गुल मान्टि चलाक सोनो ढुङ्कुर मान्टि सिडा टाच्यो।#लुका १०:३ 17जे मीरासं बनै होस्यार लेच्यो, कडालेकं नोराई जेलाई ठानायालं सुम्पीड्याने लेरं, होसोनो नोराई यहुडीरं याडुप्सिने ज़ी:मयालं जेलाई कोर्राये पो:ने लेरं। 18जेलाई ङाकारनटं हाकिमराई सोनो राजाराई याङा:कं सच्यान्ने लेरं नोरं सोनो यहुडीरंकाम उरुका मीराई याङा:कं ङासाची टाने जेले। 19नोराई जेलाई यासक्योच्योरंखे भने होकाम कैजैडे कडि गेपाङके वार्डे चिन्ता टाडाच्यो। कडालेकं जे कडि पाङने हो बेलाकंज़ जेलाई हैडासिने ले। 20कडालेकं जे जेज़ पाङने जेम्ले, बुरु जेबाबुलो ओआत्मा जे लेवटाम पाङने ले। 21“डाज्यु भाइलंज़ सै:नेलो लागिटं सक्यो:ने लेरं, होसोनो बाबुये ओज़ारंलाई, सोनो ज़ारं आमा बाबुराई याबिरोडलं च्याङसिने लेरं होकाम नोरंलाई सो:यो परि:ङनेलेरं। 22ङा ङामिनलो ओकारंनये स्यानटैराई जेलाई कायासोने लेरं। हैनि पनि जो आखिर समं अड्डिनेले नो बान्चिने ले। 23नोराई जेलाई टोबो सहरलं यासहटैच्योरंखे भने जे छुटं सहरलं ढोङच्यो। कडालेकं डस्साज़ ङा जेलाई हैङाडाच्यो, मानवालो ओज़ा राने भन्डा ङा:डेज़ इस्राएलला स्यान्टै सहर भरि डुलिडे खेम्ने जेम्ले। 24उसिस उगुर भन्डा सोनो ओनौकर ओसाहु भन्डा घ्योव माटाये। 25सिस उगुर स्यानाव सोनो नौकर ओसाहु स्यानावज़ टाने ले। नोराई ज़ी:मला से:र मीलाईज़ बालजिबुल#10:25 सैतानलो उमिन डोज़्यारं भने झन ओझानरंलाई कडा भ्या हैमाडोरंके ड?”#मत्ती ९:३४; १२:२४; मर्कुस ३:२२; लुका ११:१५
टाछेच्यो
26“हैजैडे नो मीरासं टाछेच्यो। कडालेकं कप्सिव स्यान्टै रो: फैसिने ले। गुप्तलं नैसिव स्यान्टै रो: सटन्सिने ले।#मर्कुस ४:२२; लुका ८:१७ 27जो ङा जेलाई अन्ड्यारोलं हैङाडाच्योज़्या, नो जे उज्यालोटं हैडाच्योरं, होसोनो जो जे जेनालं जेठैये, नो ज़ी:म ढुरिरंटाम कि:डे सठैरंच्यो। 28नोरासं टाछेच्यो जोये क्याङलाई याज़ सै:रंये, आत्मालाई मासै:डुरं। बुरु आत्मा सोनो क्याङ नेबऱ्याङज़ नर्गलं नास झैडुने परमेस्वरसं छेच्यो। 29टपैसालो नेबऱ्याङ भङ्गिरा माये:ये डोरो? जेबाबु परमेस्वरलो उइछ्या मालेखे भने नोरं टोबो पनि नामलं टे:ने मालेरं। 30कडालेकं जे जेङै:टा जेचेमरं पनि स्यान्टै गनिसिव ले। 31हैजैडे जे टाछेच्यो, जे भ्या भङ्गिरारं भन्डा भ्या मो:ङ्गो जेले।” 32हैजैडे जोये मीराई याङा:कं ङा येसुलो ची हैवार्, ङा पनि नोलाई स्वर्गटं लेने ङाबाबुलो ओङा:कं नो पनि ङासंकाज़ वार्डे हैवार्ने ङाले। 33जोये ङालाई मीराई याङा:कं ङा येसुलो ऐ मावार, ङा पनि नोलाई स्वर्गटं लेने ङाबाबुलो ओङा:कं नो ङासंका माङ्कची ऐ वार्ने ङाले।#२तिमोठी २:१२ 34“ङा प्रिठीबीलं सान्ति रैडे ङाराव ची वार्डे हैटावार्च्यो। सान्ति रैडे माङ्क, ङा के तरवाल चलैने ङाराव ची। 35कडालेकं ङा के मीलाई ओबाबुलो उबिरोडलं सोनो मेमा ओज़ालाई वामालो उबिरोडलं, होसोनो ओबाहारीलाई उफुबुलो उबिरोड डाने जैनेरं ङाराव ची।#मीका ७:६ 36मीराई यासुतर याज़ी:मलारंज़ टानेलेरं।” 37“जोये ङालाई भन्डा भ्या ओबाबु सै वामालाई मया डोव, नो ङासंका मी माटाये। जोये ङालाई भन्डा भ्या खेपा ओज़ा सै मेमा ओज़ालाई मया डोव, नो ङासंका टाने माले। 38जोये उक्रुस घुर्डे ङाछिन्ट मारा, नो ङासंका मी माङ्कची।#मत्ती १६:२४; मर्कुस ८:२४; लुका ९:२३ 39जोये उजीबन जोगैज़्याव, नो सिने ले, होसोनो उजीबन ङालागिटं मा:सिनेये नो जोगैने ले।”#मत्ती १६:२५; मर्कुस ८:३५; लुका ९:२४; १७:३३; युहन्ना १२:२५
इनाम डैने
40“जेलाई आव गेसंकाज़ वार्नेये ङालाई पनि आव ङामिज़ वार्ने ले, ङालाई ङामि वार्नेये ङालाई परि:ङनेलाई पनि नो पनि ङामिज़ वार्ने ले।#मर्कुस ९:३७; लुका ९:४८; १०:१६; युहन्ना १३:२० 41अगमबक्ताराई यामान डोनेये अगमबक्ता टाने इनामज़ डैने ले। चाव मीलाई ओमान नैड्यानेये चाव टानेलो इनामज़ डैने ले। 42जोये आव आलिचारंलाम्टा टोबोलाई ङासिस मानिडे टुखुरि चिसो री: टानि ओँने योवरं, डस्साज़ ङा जेलाई हैङाडाच्यो, होये जोङाम टानि पनि उइनाम डैनेले।”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025