LUK 23
23
Yezu ma sambi kuboso la Pilate andi Erodi
(Mt. 27:2,11-34; Mk. 15:1-5; Za. 18:28-38)
1Bubwani bandi banswene bamiari se batwali Yezu kuboso la Pilate, mfumu wa Roma. 2Ba yandiki ku mufundu se butora:» Bisi ka musimi mundu wo wu fura bandi babisi, wu bashama bu to kufutu kitari kwelé Kayisali ampelere se wutora ndé kakwa welé Kristu, Ntotili.» 3Pilate wamufulu bubwani:» Nze welé Ntotili wa bayuda? Yezu wufurula:» Nze atwere.» 4Pilate wusiama baniende ba banganga-nzem andi kwelé bandi:» Mè loka mè kumono kimi ka mbi kwelé mundu wo. 5Kasi bulaba kutoro banswene:» Ndé wu longa andi kutwali mavangi mu meine manswene ma Yudeya. wa yandiki ku meine ma Galileya se wa tambili nzili yé yanswene tii pà. 6Tang awe Pilate abwani, wa bafili:» Welé mwisi Galileya?» 7Tang awé Pilate le Yezu wakiali mundu wa ndambi yani ayala Erodi, wa mutomo kwelé Erodi, wakiali ku Yelusalem mu tang lani. 8Erodi wamwene kiese kavul tang amwene ndé Yezu. Yandiki kwani wakiali andi nzali ya ku mumono. Wawé nsangi ya Yezu se wakiali andi kivuvu ka ku mumono ukiere kimi kimwese ka ngitiki. 9Erodi wafili Yezu miliabi mia miavul, kasi Yezu lokande wafirili ata mvutu mwese. 10Bamfumu ba banganga-nzem andi ba longo ba mansik bakiali pupani se bakiali butora mbi munga Yezu. 11Erodi andi bapumbulu ba ndé bakiali buseka Yuzu andi ku muto andi ku mubwasi biposo anga mpili bwasa bantotili. Kungwe Erodi wa mutomo kwelé Pilate. 12Pilate andi Erodi bakiali butobo ba mbene, kasi mu kilwomo kiani bayà banduku.
Yezu ba mu tswilili ndolo ya lifha
(Mt. 27:15-26; Mk. 15:6-15; Za. 18:39-40; 19:4-16)
13Pilate wa vuku baniende ba banganga-nzem, baniende ba bayuda andi bandi, 14Ndé wu bashama:» Bè la ti ntwalili mundu wo. bè latwere le ndé wa bwima mangindi ma bandi. Kasi mè amu sambisi kumisi mia bè, se loka mè mu mbi mu yé litora bè le ndé akiere. 15Erodi loka ndé se wamwene kaimi ka mbi kwelé ndé se wa kitwemene. Lokakwa ata kimi makiere mundu wo munga ndé wufhi. 16Lilani, pà kaka nswa le bumu bwele fimbi, se kungwe ma mutwesi.» 17Tang le, akiali kikalili ka Pilate muku bapà mundu wa nzo nkoro mwese konso nkienze ya Paki. 18Kasi Bandi banswene basà mikwé:» Zwa Yezu! muwetse Barabasi munga bisi! 19Tang lé Barabasi wakiali munzo ya nkoro munga wa twali mavangi mubola mbanzi se wazwi mundu mwese. 20Pilate wa bafulu diagi munga wazwela kuwetse Yezu. 21Kasi bulaba kusa mikwè konso mbali le:» Limukweme mu kulunsu munga wufhi! 22Pilate wa bashami mu mbali ya tari:» Kasi nà mbi ndé wakiere? mè loka mè kumono kimi ka mbi makiere ndé munga ndé wufhi! mè mu bwelese fimbi sema muwetse. 23Kasi bulaba kusà mikwé ngolo kibene le Yezu bufwete ku mugomo mu kulunsu, se kunsuku mu mikwé mia bà banungu. 24Se Pilate wasiene likani la kukiere yé alwema bandi. 25Wa wetse mundu azwela bà, wani wakiali munzo nkoro munga mavangi andi kuzwa. Kungwe Pilate wa yekele Yezu munga bukiere mpili azwela bà.
Lifha la Yezu
(Mt. 27:32-44; Mk. 15:21-32:; Za. 19:17-22)
26Bapumbulu batwali Yezu, kaka mu tang lilani, akiali andi mundu mwese watwé ku mayuo kumbanzi ya Yelusalem. Zini la ndé lakiali Simono se wakiali mundu wa mbanzi bubiela Sirene. Bapumbulu wa musiami mu ngolo wusiene kulunsu la Yezu se wuliabi kungwe la ndé. 27Kidiki ka bandi ka ngolo baliaba Yezu, se mubo la bandi bakandi bavul basika mikwè se balela munga ndé. 28Kasi Yezu wa bwimi kwele bà se utora le:» Be bakandi ba Yelusalem, lito kuleli munga mè! lileli munga mampeine muyi yelele bekakwa se bana be! 29Bubwani bilwomo bia boso bandi buyi toro:» Nà mpung yé kwelé bakandi bani ampa belé andi bani, ampa ba tubaboro bani, ampa ba tubanwisi bani! 30Kungwe buyi shami miong ti biwandi biabikiege le:» libwi bundie se likizwi bisi!» 31Nga mè, mute wamweing, masiene ndolo yebo, nkie biyiyelele (be bandi,) mute wanga womo? 32Batwali se bandi ba mbi bwele basà kimvuku andi Yezu munga bu bazwi. Babali bamwene ababwele bakiali bandi mbi. 33Tang batwele mu kibo bubiela Kikwili ka mutwe, bagomo Yezu mu kulunsu pupani, andi bandi bani ba mbi bani bwele, mwese muko la ndé la kità, wasà muko la ndé la kikandi. 34Se Yezu wutoro:» Taa, balololo munga loka bà buyeba yani kiera bà.» bu babolo zeke munga bukiabi biposo biandé. 35Bandi bamiari pani bakiali budereka. Kasi Bamfumu ba bayuda bakiali bu mutoka butora le:» Ndé welé munga kuzwinisi basà. Wetse wu bizwinisi le ndé welé kibene Kristu wani asweli Nzem mu kutomo munga wukiali ngulusu wa bisi!» 36Bapumbulu se bakiali butsuba Yezu, bupwisa kitswi andi nde andi kumupà vini la ngiani. 37Batwere le:» Le nze welé kibene Mfumu wa Bayuda, bigulusu mu lifha.» 38Ndaa ya ndé yaswenama mu libayi la kulunsu bundie la mutwe wa Yezu:» Dere Mfumu wa Bayuda.» yaswenama se munga nkie ba mugwemene Yezu mu kulunsu libayi la bidimbi se babiami mu mute bundie la kulunsu la mutwe wa Yezu. kidimbi mwene katwera le:» mundu wo welé Mfumu wa Bayuda.» 39Mwesi mubo la bandi ba mbi wani bagweme wani wa toka Yezu wutora:» Nze lokele Kristu? bigulusu nzekakwa se kigulusu bisi! 40Kasi mundu wa mbi wani mwese wa mungianini:» Nze lokanze muwoka Nzem bomo? nze siena ndolo yimwese anga mundu wo? 41Bisi kasiene ndolo munga mambi ma bisi, bisi kasiene ndolo munga mambi kakiere bisi. Kasi mundu wo loka ndé kukiere kimi ka mbi. 42Kungwe wusiama Yezu:» Yezu, ngindili mè tang yiyandiki liyali lanze anga Ntotili! 43Se Yezu wa musiami:» mè kushama abo: nobo nze kali ku yolo kimvuku andi mè!»
(Mt. 27:45-56; Mk. 15:33-41; Za. 19:25-30)
44Mu Tang lani mfinama andi midi, se meine manswene mayà kibene mpimbi se mpimbi ya kierema tang matari. 45Munga tang latono kupa nseme. se kiposo ka Tempele ka barila mu bitini biele. 46Yezu wasà mikwè mu ndaa ya ndie kwelé Nzem le:» Taa, mè akupe mweing wa mè.» kungwe la kutoro abwani, wafha. 47Tang amwene mfumu wa bapumbulu wa Roma wo watwarisa bapumbulu mambi manswene mani makierama, wa kumisi Nzem watwere munga Yezu: «mè akese kibene le mundu wo lokande wakiere mbi yimwese!» 48Bandi banswene bawo kiese munga bumwene kibo mwene. kasi tang amwene babanswene mpeine yé yakierama, bafiri kumbanzi mu ngiebe. 49Bandi banswene bani bayebe Yezu, ata se Bakandi bani baliaba nde yandiki meine ma Galileya, bamiari kukwèle munga muku deré mampeine manswene mani makiali mu kukierama.
Yezu ba muzi
(Mt. 27:57-61; Mk. 15:42-47; Za. 19:38-42)
50Akiali andi mundu mwese zini la ndé Yozef, mundu wa mbanzi ya bayuda Armaté, mu meine ma Yudeya. wakiali mwese wa kimvuku ka Bayuda, mundu wa mboto se wa masongo, 51Kasi loka ndé wazwela likani andi bisali bia bamfumu basà ba bisambi ba bayuda. Wa zila le liyali la Kimfumu ka Nzem liyi. 52Yozefi wawè kwelé Pilate, se wa lomo mvimi ya Yezu. 53Kungwe watiele noro, mu kulunsu wa yipiti mu kiposo kimwese ka lène se wa yitolo mubo la malwomo batimi mu mikulu, mani ampa ba tubazi mundu. 54Akiali mu kitene, mu kilwomo ka kuyilama, se kilwomo ka kupeme kakiali kiyandika. 55Bakandi bani bayi andi Yezu yandiki ku meine ma Galileya balabi Yozefi se bamono malwomo se ambwene bazi noro ya Yezu. 56Kungwe, bafuru ku manzo ma bà se bayili bimi bia kisolo kamboto andi madiasi. Kasi babianzi mu kilwomo ka kupeme mpili yelé mu nsik ya Moize
Селектирано:
LUK 23: SOO
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.