LUK 22
22
LIFHA ANDI LIFUTUMUKU LA YEZU
Yudasi wa wele Yezu
(Mt. 26:1-5,14-16; Mk. 14:1-2,10-11; Za. 11:47-53)
1Abwani nkienze ya mampa akwena mweme, yani bubwela nkienze ya Paki, yakiali ya finama. 2Baniende ba banganga-nzem andi ba longo ba mansik baweka bandi bomo se ba meka mpili ya kuzwa Yezu mu kinsweke. 3Bubwani Satani wawini mubola Yudasi Isikarote, wani babiela Isikariyote, wani akiali mwese wa balongoko kweme andi bwele. 4Bubwani Yudasi wawè se wa solola andi baniende ba banganga-nzem andi bamfumu ba basinziri ba Tempele munga kuyebe nà mutindi ndé fwete yekele Yuzu kwelé bà 5Bakiali mukiese kavul se ba musiami le kiyikupa nzimi. 6Bubwani Yudasi wa kiesi se wa yandiki kudie nzili ya kuyekele Yezu, munga bu musimi tang ampa welé bandi.
Yezu andi bantuma ba ndé badia bisa bia Paki
(Mt. 26:17-19; Mk. 14:12-16)
7Tang ayi kilwomo ka mampa makwena mweme, pupani bapà kitambiki ka limeme la Paki. 8Bubwani Yuzu watweme Petele andi Zaa kuboso se wutora:» wè liyiri madia ma paki, munga bisi kiyidiana mu kimvuku. 9Ba fulu kwelé Yezu:» Nkwene nze zola le bisi kiweyili madia?» 10Ndé wufurula:» bubwani bè liwini kumbanzi Yelusalem, mundu mwese wasiene bwuo la manza wu mwenena andi bè. limuliabi ti munzo yani wini ndé, 11Se limushami munga nzo:» Longo wu fula: Suku la banzenze nkwene lélé, pani ngi dia mè madia ma Paki andi balongoko ba mè? 12Munga nzo wuyi litwali ku suku la ndie se wuyi liswo suku lalinene ba liyili munga ku likierele. liyili madia pupani.» 13Bawè kumbanzi se bamwene bimi bianswene mpili atwere Yezu, se bayili madia ma Paki pupani.
(Mt. 26:26-29; Mk. 14:22-25)
14Le akwé tang munga budi Paki, Yezu andi bantumwa babianzi mèse ma mwese. 15Yezu wu bashama:» Mè nzola kudia madia ma Paki mà andi bè kuboso la mè kuniokama. 16Munga mè lisiama, loka mè ngi dia diagi madia masà ma Paki ti kwani yi lung ntendele ya ndé yanswene mu liyali la Nzem. 17Kungwe, Yezu wasiene mbungu ya manza ma rezeng kumio miandé se wapà Nzem matondo. kungwe, wasiami balongoko ba ndé lé:» mana manza ma rezeng mà se likiabi. 18Mè lishama, loka mè ngisala nwa manza ma rezeng tii kwani yiyà liyali la Nzem. 19Wasiene limpa se wapà matondo kwelé Nzem bubwani. Kungwe wa litsulu mu bitini se wapà balongoko, wutora:» limpa lé lélé noro ya mè, mpaka munga bè. Likiera tang lanswene munga kuyindila mè. 20Kitese kimwese se, kungwe la kudia, wa bapà mbungu, wubala: mbungu yé yelé ngwakana ya mpà ya Nzem, yiswoka matsili ma mè matiani munga bè.
(Mt. 26:20-25; Mk. 14:17-21)
21«Kasi liwele! wani weleka mè welé pupà bu mèse andi mè! 22Mwani wa Mundu wuyi fha, mpili atwere Nzem, kasi ngiebe kwelé mundu wani wa yekele ndé! 23Tang awé balongoko ba ndé, ba yandiki ku bifulu munga mu kuyebe nà mubo labà uyikieri mpeine yebwani ya kubé?»
Nà malénina bunene
(Mt. 20:25-28; Mk. 10:42-45)
24Kungwe, balongoko ba yandiki kutoro bà andi bà. Ba filila bà andi bà:» nà mubo labisi bimona anga le welé andi mfunu yavul?» 25Yezu wu bashama:» mu meine mà bantotili andi bandi ba banene busioka ngolo ya bà kwelé bandi babà, kasi bu babiela; «banduku ba bandi». 26Kasi lo likali anga bà. Mundu wa mfunu mubo labè wa fwete kiali anga le mundu wakwena mfunu, se mfumu fwete kali anga mundu wa kisali. 27Nà welé andi mfunu yavul, wani welé bu mèse munga kudia lelo wani kiera kisali? wani saka bu mèse munga kudia, kwelé mboto. Kasi lokele pà! munga mè ngielé mubo labè anga wani kiera kisali.
(Mt. 19:28)
28Be bandi bà la bianzi andi mè mu tang la mampasi ma mè. 29Bubwani ngi lipa kimfumu ka kuyali anga ba mfumu, mpili ampe tara mè liyali la kimfumu. 30Bè liyidia andi kuyinwa bu mèse ma mè mu liyali la mè kandie, se liyibianzi bundie la bakiti ba Kimfumu munga mu kuyali bikani kweme abiele bia bandi ba Yisalaele.
Yezu wasiami Petele le wuyi mutono
(Mt. 26:31-35; Mk. 14:27-31; Za. 13:36-38)
31Yezu wutora:» Simono, simono, ngwele! satani ba mupe nswa ya ku limeke bè lanswene, mu kukabi bandi ba mboto andi ba mbi, mpili kaba mundu wa mayuo mbeing ya blé andi nkene yambi. 32Kasi mè ngielé mu bisambi munga nze, Simono munga le likwikili lanze lito kubebe. bubwani, tang liyi bumu be miteme se bè la tifuru diagi kwelé mè, libalwenge bampeing ba bè. 33Kasi Simono Petele watwere:» Mfumu mè kielé mfinama ya kuwé kunzo nkoro kimvuku andi nze se ngielé se mfinama ya kufha kimvuku andi nze.» 34Yezu wa musiami le:» Petele, mè kusiama le mpimbi ya nobo kuboso la nko mu kubiele Lampimpimbi, nze basiami bandi mbali tari le:» loka mè muyebe mundu mwene.» 35Bubwani Yuzu wafulu balongoko ba ndé:» tang alitweme mè mu kuwè longo nsangi ya Mboto se loka bè lakiali andi nzimi, ata ngoto ya kutembele, ata ma sabati lasà, bè lakwena kimi kasà?» bà bufurula:» Lo. 36Yezu wutora:» kasi tang lé, siene nzimi ya nze andi ngoto ya kutembele. le lokanze mbetsi, wele ndambi ya biposo bia nze se swomo mbetsi yimwese. 37Mpili yaswenama mu biswene:» ba mumwene anga mundu mwese wu zwaka bandi.» Se mè lishama, mambi mani mu fwete kierama kwelé mè. E, yani yaswenama munga mè iyikierama. 38Longoko mwese wutora:» Dere, Mfumu, dere mambetse mwele.» Bubwani Yuzu wu bafirila:» Loli toro bimi biebwani.
Yezu wawé sambi ku mong wa mute wa Olive
(Mt. 26:36-45; Mk. 14:32-41)
39Kungwe Yezu watwé mu Mbanzi ya Yelusalem se wawé mu mong wa mute wa olive anga le kikalili se balongoko ba nde se bawe andi nde. 40Tang atwele Yezu bukibo kiani, ndé wu bashama:» likiali mu bisambi, munga buto ku limeke.» 41Kungwe, wawé kitamini andi bà, kitese kaba metre makweme matari, wa fukama se wa yandiki bisambi. 42«Taa, le nze mazolo, mè kushama, tiele mbungu ya mpasi yé kuboso la mè. Kasi mè nzola le lizolo lanze likierama, kasi lokele la mè. 43Bubwani wanzio mwesi watwé kundie wayi kwele Yuzu se wa mupà bwere. 44Yezu wakiali mu ngiebe mwese ya ngolo se wa semba ku kibene tsani la ndé libwaka mu meine anga matonzo ma matsili. 45Tang amese Yezu bisambi, wamiari se wawé bukibo kié akiali balongoko ba nde. Wamwene le bakiali babiri munga bakiali mu ngiebe yavul. 46Ndé wu bashama:» munga nkié bè libira? limiari se likiali mu bisambi, munga buto ku limeke.»
Yuzu bamusimi
(Mt. 26:47-55; Mk. 14:43-49; Za. 18:2-11)
47Lé akiali ndé wutora diagi, kidiki ka bandi ka titwolo, andi mundu wani babiela Yudasi Isikarote, mwese wa kweme abwele, wu ya batwala. Wa pwisi mumbimi ya Yezu munga mu kumupa mboto andi ku muyambi. 48Kasi Yezu wamufulu:» Yudasi Isikarote, mu beze limwese, nze yiwèle Mwani wa Mundu?» 49Tang amwene balongoko basà bani bakiali andi Yezu yani ya yikierama, Ba fulu:» Mfumu Nzem, bisi kibabwéle? 50Se longoko wa ndé mwese watwese mbetsi ya ndé. Wa tsulu tswé la kita la muyiki wa muniende wa nganga-nzem. 51Yezu wutora:» Wetse!» kungwe wasimi tswé la mundu se wa muzwinisi. 52Yezu wasiami baniende ba banganga-nzem, baniende ba basinziri ba tempele, andi baniende ba bayuda bani bayi munga mu kumusimi ndé wutora:» munga nkie bè liyaka andi ma mbetsi ti mite, se bè limona mè anga mundu zwaka bandi? 53Munga nkienze ampa ansimini mubola lipangi la tempele? kwani akiala mè bilwomo bianswene. Kasi lé tang lanze, tang yala kimfumu ka mpimbi.
Petele wa mutono Yezu
(Mt. 26:57-58; Mk. 14:53-54; Za. 18:15-16)
54Kungwe, basinziri ba Tempele bashimi Yezu se bamutwali tii kunzo muniende wa nganga-nzem. Petele wabalabi, kasi lokande apwisi mfinama ti bà. 55Kungwe la kutwolo, bandi basà bumawebé mbà bubobo la lipangi. muwangi. kungwe, babianzi kibo kimwese mumbimi ya yoro lambà. Petele se wayi wabianzi pupani andi bà.
(Mt. 26:69-75; Mk. 14:66-72; Za. 18:17-18,25-27)
56Nsari mwese wa mukandi wa mumono mu nseme ya mbà se wa yandiki ku mudere kumisi. Kunsuku wutora:» Mundu wo se wakiali andi Yezu!» 57Kasi Petele watwere le lokayia yelé masongo. watwere: «mukandi, loka mè muyebe bali wani.» 58Kungwe la kitang mundu wasà wamwene Petele se watoro:» nze se welé mwese wa balongoko ba Yezu!» se Petele wafurulu:» mbayi wa mè, loka mè akiali!» 59Kungwe la tang limwese, mundu wasà watoro:» kwelé masongo. yelé ya masongo le mundu wo wakiali andi ndé, munga watie ku meine ma Galileya.» 60Kasi Petele mufirili le:» Mpeing mè, loka mè ngieba nkienze tora!» kaka Mu tang lilani Petele wakiali utora bubwani nko mwesi wabiele. 61Mfumu Yezu wa bumu kwelé Petele se wa mudere kumisi. Se Petele wa yindili le Mfumu watwere:» Muswo Lampimpimbi, kuboso la kubiele nko, nze yitoro mbali tari le lokanze ngiebe mè. 62Kungwe, Petele umatie mu lipangi se walele ti ngiebe.
(Mt. 26:67-68; Mk. 14:65)
63Kungwe, basinziri bà batwarisa Yezu ba museke se ba mubolo. 64Ba mubiami misi munga ndé uto ku bamono. Kungwe ba mubolo se bu musiama:» Nze welé ngianzi se kishami bisi nà ma kubolo nze! 65Butoka Yuzu andi mampeine masà mavul.
Yuzu ma sambi kuboso la kidiki kavul
(Mt. 26:59-65; Mk. 14:55-64; Za. 18:19-24)
66Lampimpimbi, baniende ba bayuda, baniende ba banganga-nzem andi ba longo ba mansik bavukula se batwali Yuzu kuboso la bandi. 67Se Bamufili:» kishami bisi! nze wele Kristu?» kasi Yezu wa bafirili le:» ata mè ma lisiami, loka be likese mambi ntoro mè. 68Se ata mè makufulu muliabi (mu mpeine yer), lokanze mpà mvutu. 69Kasi yelé, Mwani wa Mundu wuyibianzi bukibo kimwese ka ngolo muko la Nzem la kita 70Kungwe, babanswene bafulu (Yezu):» nze wele Mwani wa Nzem» Yezu ubafirila le:» nze atwere mboto le mè ngielé Mwani Nzem.» 71Se butora:» bisi loka bisi mfunu ya bantendele; bisi kakwa ka wo mu yani matoro ndé.
Селектирано:
LUK 22: SOO
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.
LUK 22
22
LIFHA ANDI LIFUTUMUKU LA YEZU
Yudasi wa wele Yezu
(Mt. 26:1-5,14-16; Mk. 14:1-2,10-11; Za. 11:47-53)
1Abwani nkienze ya mampa akwena mweme, yani bubwela nkienze ya Paki, yakiali ya finama. 2Baniende ba banganga-nzem andi ba longo ba mansik baweka bandi bomo se ba meka mpili ya kuzwa Yezu mu kinsweke. 3Bubwani Satani wawini mubola Yudasi Isikarote, wani babiela Isikariyote, wani akiali mwese wa balongoko kweme andi bwele. 4Bubwani Yudasi wawè se wa solola andi baniende ba banganga-nzem andi bamfumu ba basinziri ba Tempele munga kuyebe nà mutindi ndé fwete yekele Yuzu kwelé bà 5Bakiali mukiese kavul se ba musiami le kiyikupa nzimi. 6Bubwani Yudasi wa kiesi se wa yandiki kudie nzili ya kuyekele Yezu, munga bu musimi tang ampa welé bandi.
Yezu andi bantuma ba ndé badia bisa bia Paki
(Mt. 26:17-19; Mk. 14:12-16)
7Tang ayi kilwomo ka mampa makwena mweme, pupani bapà kitambiki ka limeme la Paki. 8Bubwani Yuzu watweme Petele andi Zaa kuboso se wutora:» wè liyiri madia ma paki, munga bisi kiyidiana mu kimvuku. 9Ba fulu kwelé Yezu:» Nkwene nze zola le bisi kiweyili madia?» 10Ndé wufurula:» bubwani bè liwini kumbanzi Yelusalem, mundu mwese wasiene bwuo la manza wu mwenena andi bè. limuliabi ti munzo yani wini ndé, 11Se limushami munga nzo:» Longo wu fula: Suku la banzenze nkwene lélé, pani ngi dia mè madia ma Paki andi balongoko ba mè? 12Munga nzo wuyi litwali ku suku la ndie se wuyi liswo suku lalinene ba liyili munga ku likierele. liyili madia pupani.» 13Bawè kumbanzi se bamwene bimi bianswene mpili atwere Yezu, se bayili madia ma Paki pupani.
(Mt. 26:26-29; Mk. 14:22-25)
14Le akwé tang munga budi Paki, Yezu andi bantumwa babianzi mèse ma mwese. 15Yezu wu bashama:» Mè nzola kudia madia ma Paki mà andi bè kuboso la mè kuniokama. 16Munga mè lisiama, loka mè ngi dia diagi madia masà ma Paki ti kwani yi lung ntendele ya ndé yanswene mu liyali la Nzem. 17Kungwe, Yezu wasiene mbungu ya manza ma rezeng kumio miandé se wapà Nzem matondo. kungwe, wasiami balongoko ba ndé lé:» mana manza ma rezeng mà se likiabi. 18Mè lishama, loka mè ngisala nwa manza ma rezeng tii kwani yiyà liyali la Nzem. 19Wasiene limpa se wapà matondo kwelé Nzem bubwani. Kungwe wa litsulu mu bitini se wapà balongoko, wutora:» limpa lé lélé noro ya mè, mpaka munga bè. Likiera tang lanswene munga kuyindila mè. 20Kitese kimwese se, kungwe la kudia, wa bapà mbungu, wubala: mbungu yé yelé ngwakana ya mpà ya Nzem, yiswoka matsili ma mè matiani munga bè.
(Mt. 26:20-25; Mk. 14:17-21)
21«Kasi liwele! wani weleka mè welé pupà bu mèse andi mè! 22Mwani wa Mundu wuyi fha, mpili atwere Nzem, kasi ngiebe kwelé mundu wani wa yekele ndé! 23Tang awé balongoko ba ndé, ba yandiki ku bifulu munga mu kuyebe nà mubo labà uyikieri mpeine yebwani ya kubé?»
Nà malénina bunene
(Mt. 20:25-28; Mk. 10:42-45)
24Kungwe, balongoko ba yandiki kutoro bà andi bà. Ba filila bà andi bà:» nà mubo labisi bimona anga le welé andi mfunu yavul?» 25Yezu wu bashama:» mu meine mà bantotili andi bandi ba banene busioka ngolo ya bà kwelé bandi babà, kasi bu babiela; «banduku ba bandi». 26Kasi lo likali anga bà. Mundu wa mfunu mubo labè wa fwete kiali anga le mundu wakwena mfunu, se mfumu fwete kali anga mundu wa kisali. 27Nà welé andi mfunu yavul, wani welé bu mèse munga kudia lelo wani kiera kisali? wani saka bu mèse munga kudia, kwelé mboto. Kasi lokele pà! munga mè ngielé mubo labè anga wani kiera kisali.
(Mt. 19:28)
28Be bandi bà la bianzi andi mè mu tang la mampasi ma mè. 29Bubwani ngi lipa kimfumu ka kuyali anga ba mfumu, mpili ampe tara mè liyali la kimfumu. 30Bè liyidia andi kuyinwa bu mèse ma mè mu liyali la mè kandie, se liyibianzi bundie la bakiti ba Kimfumu munga mu kuyali bikani kweme abiele bia bandi ba Yisalaele.
Yezu wasiami Petele le wuyi mutono
(Mt. 26:31-35; Mk. 14:27-31; Za. 13:36-38)
31Yezu wutora:» Simono, simono, ngwele! satani ba mupe nswa ya ku limeke bè lanswene, mu kukabi bandi ba mboto andi ba mbi, mpili kaba mundu wa mayuo mbeing ya blé andi nkene yambi. 32Kasi mè ngielé mu bisambi munga nze, Simono munga le likwikili lanze lito kubebe. bubwani, tang liyi bumu be miteme se bè la tifuru diagi kwelé mè, libalwenge bampeing ba bè. 33Kasi Simono Petele watwere:» Mfumu mè kielé mfinama ya kuwé kunzo nkoro kimvuku andi nze se ngielé se mfinama ya kufha kimvuku andi nze.» 34Yezu wa musiami le:» Petele, mè kusiama le mpimbi ya nobo kuboso la nko mu kubiele Lampimpimbi, nze basiami bandi mbali tari le:» loka mè muyebe mundu mwene.» 35Bubwani Yuzu wafulu balongoko ba ndé:» tang alitweme mè mu kuwè longo nsangi ya Mboto se loka bè lakiali andi nzimi, ata ngoto ya kutembele, ata ma sabati lasà, bè lakwena kimi kasà?» bà bufurula:» Lo. 36Yezu wutora:» kasi tang lé, siene nzimi ya nze andi ngoto ya kutembele. le lokanze mbetsi, wele ndambi ya biposo bia nze se swomo mbetsi yimwese. 37Mpili yaswenama mu biswene:» ba mumwene anga mundu mwese wu zwaka bandi.» Se mè lishama, mambi mani mu fwete kierama kwelé mè. E, yani yaswenama munga mè iyikierama. 38Longoko mwese wutora:» Dere, Mfumu, dere mambetse mwele.» Bubwani Yuzu wu bafirila:» Loli toro bimi biebwani.
Yezu wawé sambi ku mong wa mute wa Olive
(Mt. 26:36-45; Mk. 14:32-41)
39Kungwe Yezu watwé mu Mbanzi ya Yelusalem se wawé mu mong wa mute wa olive anga le kikalili se balongoko ba nde se bawe andi nde. 40Tang atwele Yezu bukibo kiani, ndé wu bashama:» likiali mu bisambi, munga buto ku limeke.» 41Kungwe, wawé kitamini andi bà, kitese kaba metre makweme matari, wa fukama se wa yandiki bisambi. 42«Taa, le nze mazolo, mè kushama, tiele mbungu ya mpasi yé kuboso la mè. Kasi mè nzola le lizolo lanze likierama, kasi lokele la mè. 43Bubwani wanzio mwesi watwé kundie wayi kwele Yuzu se wa mupà bwere. 44Yezu wakiali mu ngiebe mwese ya ngolo se wa semba ku kibene tsani la ndé libwaka mu meine anga matonzo ma matsili. 45Tang amese Yezu bisambi, wamiari se wawé bukibo kié akiali balongoko ba nde. Wamwene le bakiali babiri munga bakiali mu ngiebe yavul. 46Ndé wu bashama:» munga nkié bè libira? limiari se likiali mu bisambi, munga buto ku limeke.»
Yuzu bamusimi
(Mt. 26:47-55; Mk. 14:43-49; Za. 18:2-11)
47Lé akiali ndé wutora diagi, kidiki ka bandi ka titwolo, andi mundu wani babiela Yudasi Isikarote, mwese wa kweme abwele, wu ya batwala. Wa pwisi mumbimi ya Yezu munga mu kumupa mboto andi ku muyambi. 48Kasi Yezu wamufulu:» Yudasi Isikarote, mu beze limwese, nze yiwèle Mwani wa Mundu?» 49Tang amwene balongoko basà bani bakiali andi Yezu yani ya yikierama, Ba fulu:» Mfumu Nzem, bisi kibabwéle? 50Se longoko wa ndé mwese watwese mbetsi ya ndé. Wa tsulu tswé la kita la muyiki wa muniende wa nganga-nzem. 51Yezu wutora:» Wetse!» kungwe wasimi tswé la mundu se wa muzwinisi. 52Yezu wasiami baniende ba banganga-nzem, baniende ba basinziri ba tempele, andi baniende ba bayuda bani bayi munga mu kumusimi ndé wutora:» munga nkie bè liyaka andi ma mbetsi ti mite, se bè limona mè anga mundu zwaka bandi? 53Munga nkienze ampa ansimini mubola lipangi la tempele? kwani akiala mè bilwomo bianswene. Kasi lé tang lanze, tang yala kimfumu ka mpimbi.
Petele wa mutono Yezu
(Mt. 26:57-58; Mk. 14:53-54; Za. 18:15-16)
54Kungwe, basinziri ba Tempele bashimi Yezu se bamutwali tii kunzo muniende wa nganga-nzem. Petele wabalabi, kasi lokande apwisi mfinama ti bà. 55Kungwe la kutwolo, bandi basà bumawebé mbà bubobo la lipangi. muwangi. kungwe, babianzi kibo kimwese mumbimi ya yoro lambà. Petele se wayi wabianzi pupani andi bà.
(Mt. 26:69-75; Mk. 14:66-72; Za. 18:17-18,25-27)
56Nsari mwese wa mukandi wa mumono mu nseme ya mbà se wa yandiki ku mudere kumisi. Kunsuku wutora:» Mundu wo se wakiali andi Yezu!» 57Kasi Petele watwere le lokayia yelé masongo. watwere: «mukandi, loka mè muyebe bali wani.» 58Kungwe la kitang mundu wasà wamwene Petele se watoro:» nze se welé mwese wa balongoko ba Yezu!» se Petele wafurulu:» mbayi wa mè, loka mè akiali!» 59Kungwe la tang limwese, mundu wasà watoro:» kwelé masongo. yelé ya masongo le mundu wo wakiali andi ndé, munga watie ku meine ma Galileya.» 60Kasi Petele mufirili le:» Mpeing mè, loka mè ngieba nkienze tora!» kaka Mu tang lilani Petele wakiali utora bubwani nko mwesi wabiele. 61Mfumu Yezu wa bumu kwelé Petele se wa mudere kumisi. Se Petele wa yindili le Mfumu watwere:» Muswo Lampimpimbi, kuboso la kubiele nko, nze yitoro mbali tari le lokanze ngiebe mè. 62Kungwe, Petele umatie mu lipangi se walele ti ngiebe.
(Mt. 26:67-68; Mk. 14:65)
63Kungwe, basinziri bà batwarisa Yezu ba museke se ba mubolo. 64Ba mubiami misi munga ndé uto ku bamono. Kungwe ba mubolo se bu musiama:» Nze welé ngianzi se kishami bisi nà ma kubolo nze! 65Butoka Yuzu andi mampeine masà mavul.
Yuzu ma sambi kuboso la kidiki kavul
(Mt. 26:59-65; Mk. 14:55-64; Za. 18:19-24)
66Lampimpimbi, baniende ba bayuda, baniende ba banganga-nzem andi ba longo ba mansik bavukula se batwali Yuzu kuboso la bandi. 67Se Bamufili:» kishami bisi! nze wele Kristu?» kasi Yezu wa bafirili le:» ata mè ma lisiami, loka be likese mambi ntoro mè. 68Se ata mè makufulu muliabi (mu mpeine yer), lokanze mpà mvutu. 69Kasi yelé, Mwani wa Mundu wuyibianzi bukibo kimwese ka ngolo muko la Nzem la kita 70Kungwe, babanswene bafulu (Yezu):» nze wele Mwani wa Nzem» Yezu ubafirila le:» nze atwere mboto le mè ngielé Mwani Nzem.» 71Se butora:» bisi loka bisi mfunu ya bantendele; bisi kakwa ka wo mu yani matoro ndé.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.