Lukas 24
24
Yexus Siab hub Qhob Tuag Rob Luz
1Hnooskaaj thaws pud keb txoog, cob puj txiad nqaa tej tshuaj tsw qaas kwg cud ted npaaj tseg has cud muz tu tod lus qhob ntxaa. 2Cud pud daid txaz zes kwg npug lus rooj ntxaas ted dlos tu is saas liad, 3cud muz nuad hub; tadsis tsi pud Tswb Yexus lus ceb liad. 4Cud siab ntsug hub has xaab tsi thoos ni, taadsij qhai muaj os tug yiag hnaab rig tsho ci ntsaa as luz siab qhai cud is saas. 5Cob puj qhai ntshai heeb, has nyo tawshaw tu hub aab nuad tsi tawz os tug yiag qhai ni, os tug yiag qhai has tu cud tas, “Ua nyaab mej tuaj nrhab tuz neeg caj qhai cob neeg tuag na? 6Niz tsi nyos qhais na; niz ted siab liad. Mej ncu ntsoob tej luz kwg niz has tu mej, thaws tseed nyos pes lus xeeb Kalilais has tas, 7‘Yeej yiad muaj neeg ntez Neeg Leej Tus coj muz tu cob neeg txhud muas niz ntsa tu saw ntoo khawslig, has pes hnoos tod qaas, niz yiad siab hub qhob tuag rob qaas luz.’ ”
8Cob puj qhai ncu dheeb txug Yexus tej lug, 9has cud tiad hub lus qhob ntxaa rob luz qha tej qhai tu kawd is tug thwjtid has cob neeg kwg nrug cud nyos noog. 10Cob puj qhai yog: Malis Madalas, Yaw-anas, has Malis kwg yog Yakawnpaws nad; cud has muaj kua os pes tug puj luz qha tej na tu cob tidthiaj. 11Tadsis cob thwjtid xaab has tas tej kwg cob puj qhai has yog tso ntxaz nyaz, cud has tsi ntseeg cob puj qhai tej luz. 12Tadsis Petus ca ni siab tseez dha muz tu tod lus qhob ntxaa; niz nyo xuj hub lus qhob ntxaa, ua caaz tsi pud daastsi, tsuas pud cob ntaws kwg qhwb Yexus lus ceb nyos hub nyaz. Niz rob qaas luz tseb, has xaab tsi thoos tu tej kwg niz pud qhai.#24.12 tej phaw qus tsi muaj nqai 12.
Yexus Tawgkeb Muz Pes Lus Zoz Ema-us
13Tuas hnoos qhai Yexus os tug thwjtid taastod tawgkeb muz tu pes lus zoz hu ua Ema-us kwg nyos nrug kes qhai lus nroog Yeluxalees kwblaad ni kawd is kilumev, 14has ostug sis thaad txug tej kwg ted tshwd muaj liad. 15Thaws ostug tseed sis thaad has sis noog txug zaaj qhai, Yexus txiad luz nrug ostug tawgkeb muz; 16ostug pud Yexus, tadsis zoo ni muaj tej yaad ua tu ostug cid tsi taw niz. 17Yexus noog ostug has tas, “Mej pheej thaad daastsi tawgkeb?”
Ostug txiad nrez ua ntsejmuag mluag mlos. 18Os tus qhai, tuz kwg hu ua Kelupas, noog Yexus has tas, “Taaznrhiab cob neeg kwg nyos hub lus nroog Yeluxalees, puabtsig paws tej kwg qhos ni muaj taw os pes hnoos luz na hubtsig, txiad yog cob qhua los yeej paws, tsuas yog koj tuas tus has tsi paws tej qhai nyaz los?”
19Yexus noog ostug has tas, “Tej qhai yog daastsi?”
Ostug tes has tas, “Tej qhai yog tej xwd kwg Yexus tuz kwg yog neeg Naxales ted rawg liad. Niz yog is tug ceb Vaajtswb luz. Vaajtswb has tej neeg tuadtxhij puabtsig pud has tas niz tej luz muaj fwjchid has niz ua taw tej txujci tseedcees. 20Pes cob thiaj qhai cob pobthiaj has cob nudtswb muas niz tu Philaj txabtxid tua niz laidtaa, has cud muas niz ntsa tu saw ntoo khawslig. 21Pes ca sas has tas niz yog tuz kwg yiad paas cob Yixalayees kig! Dlua ni qhai, txij ni muaj tej qhai luz, ted taw pes hnoos tu hnoos na liad. 22Cob puj kwg yog pes paas qeetuz taw ua tu pes xaab tsi thoos ni; thaws pud keb txoog cud muz tu tod lus qhob ntxaa, 23tadsis cud tsi pud Yexus lus ceb liad. Cud rob luz qha tu tuadtxhij has tas, cud pud cob tidtswb qha tu cud has tas, Yexus ted rob muaj sa liad. 24Pes cob muaj qeetuz muz nuad lus qhob ntxaa, has pud muaj rias ni cob puj qhai has tag, tadsis cud tsi pud Yexus.”
25Ces Yexus has tu ostug tas, “Ua nyaab mej yiad ruag ua luaj ni, ua nyaab mej tsi ntseeg tej kwg cob ceb Vaajtswb luz taw qha tseg liad! 26Puas yog tuz Mexiyas yeej yiad rawg tsidtxod has tod qaas qhai niz yiad taw niz tuz tshwjchid kwg ci ntsaa as?” 27Yexus txiad pab Vaajtswb txujlug kwg has txug niz, niz xus chib qha tej kwg Mawxes saw has tej kwg cob ceb Vaajtswb luz tuadtxhij saw tseg liad.
28Thaws cud muz yiad txug lus zoz kwg cud muz qhai, Yexus txiad ua ni niz yiad dhaw pliaz muz. 29Tadsis ostug cheed has tas, “Koj nrug pes su qhai na, tu qhob ted yiad tsaws ntuj.” Yexus has muz nrug ostug su. 30Thaws Yexus nrug ostug nyos noj mo qhai rooj, Yexus muas is lus ncuab luz, niz ua Vaajtswb tsawg, has muas fais tu ostug noj. 31Yaad kwg plooj qhai ostug lus qhobmuag txiad tshed hlo liad, ostug has paws has tas yog Yexus. Taadsij qhai Yexus ca ni pluj ntais qhai ostug muz liad. 32Ostug sis pab has tas, “Thaws pes tawgkeb tuaj, niz nrug pes pab has pab Vaajtswb txujlug tu pes noog, mas pes lus sas kud luz cuag ni hluabtiaz hliab puas yog?”
33Taadsij qhai ostug txiad siab tseez rob qaas muz tu nraaz lus nroog Yeluxalees, has muz tu qhais kawd is tug thwjtid, has lwd tuz kwg tuaj nyos ua ke qhai, 34has ostug has tas, “Tuz Tswb ted siab rob luz liad tag tag! Niz ted luz tshwd tu Ximoos pud liad!”
35Ostug txiad pab tej kwg ostug pud thaws ostug tawgkeb muz, has thaws tuz Tswb muas ncuab nkais fais tu ostug noj, ostug has paws has tas Yog Yexus tag tu cud noog.
Yexus Luz Tshwd tu Cob Thwjtid Pud
36Thaws ostug tseed taastod pab txug tej kwg ostug pud liad tu cob thwjtid noog, taadsij qhai tuz Tswb luz siab nruasnraas qhai cud, has has tu cud tas, “Mej ca ni nyos kaajsas lug.”#24.36 Tej phaw qus tsi muaj cob luz kwg has tas, “Mej ca ni nyos kaajsas lug.”
37Cud poos sas has ntshai heeb, cud xaab has tas yog cud pud daas. 38Tadsis Yexus has tu cud tas, “Ua nyaab mej ntshai ua luaj? Has mej lus sas tseed ua xyedxyaab? 39Mej ca ni nuad kud txhais tez has kud txhais kuatia, mej ha yiad paws has tas yog kud tag. Mej ca ni ceb tez kob kud, mej ha ni yiad paws, tu qhob daastsi muaj nqaj tsi muaj txhaa ni kwg mej pud kud muaj na.”
40Thaws Yexus has ni qhai, niz txiad xyaas hlo niz txhais tez has txhais kuatia#24.40 Tej phaw qus tsi muaj nqai 40 na. tu cud nuad. 41Cud zoo sas heeb has xaab tsi thoos ni, tadsis cud tseed tsi taw ntseeg tag; ces Yexus txiad noog cud has tas, “Nyos qhais na mej puas muaj daastsi noj?” 42Cud muas is daid nqaj ntsez ci ceb tu Yexus, 43Yexus txais muz noj taasmeeg cud tuadtxhij.
44Yexus has tu cud tas, “Tej na yog tej kwg kud ted qha tu mej thaws kud tseed nrug mej nyos: tu qhob txhua yaad kwg saw txug kud tu qhais Mawxes txuj Kebcai has has tej kwg cob ceb Vaajtswb luz saw tseg tu hub phaw Ntiab Nkawj puabtsig yiad tab.”
45Yexus txiad ua tu cud totaws Vaajtswb txujlug, 46has Yexus has tu cud tas, “Ted muaj luz saw tseg liad has tas: Tuz Mexiyas yeej yiad rawg keb tsidtxod has pes hnoos tod qaas, niz yiad siab hub qhob tuag rob qaas luz, 47mej yiadtsud tuab niz lus npe muz qha txuj moo zoo tu txhua yaad neeg hub qaas ntuj na has tas, Vaajtswb yiad zaad txid tu tuz kwg tso niz tej keb txhud tseg. Mej ca ni chib qha hub lus nroog Yeluxalees. 48Mej yiadtsud ua tidkhiab qha tej na tu tuadtxhij paws. 49Kud yiad muas yaad kwg kud Vaid cogluz tseg liad tu mej. Tadsis mej yiadtsud nyos hub lus nroog Yeluxalees toz muz txug thaws kwg mej taw lus fwjchid kwg yiad luz saw ntuj luz.”
Yexus Muz saw Ntuj
50Yexus coj cud tiad hub lus nroog Yeluxalees muz txug nraaz lus zoz Npethanis. Niz tsaa tez food kooshmoob tu cud. 51Thaws niz taastod food kooshmoob tu cud, Vaajtswb txiad coj niz ncaid cud muz tu saw ntuj liad.#24.51 Tej phaw qus tsi muaj cob luz has tas, muz tu saw ntuj liad. 52Cud pehiad niz has rob muz tu pes lus nroog Yeluxalees, mas cud zoo sas heeb ni, 53has cud naj hnoos muz nyos hub lus Tuadtseb ua Vaajtswb tsawg.
Селектирано:
Lukas 24: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.
Lukas 24
24
Yexus Siab hub Qhob Tuag Rob Luz
1Hnooskaaj thaws pud keb txoog, cob puj txiad nqaa tej tshuaj tsw qaas kwg cud ted npaaj tseg has cud muz tu tod lus qhob ntxaa. 2Cud pud daid txaz zes kwg npug lus rooj ntxaas ted dlos tu is saas liad, 3cud muz nuad hub; tadsis tsi pud Tswb Yexus lus ceb liad. 4Cud siab ntsug hub has xaab tsi thoos ni, taadsij qhai muaj os tug yiag hnaab rig tsho ci ntsaa as luz siab qhai cud is saas. 5Cob puj qhai ntshai heeb, has nyo tawshaw tu hub aab nuad tsi tawz os tug yiag qhai ni, os tug yiag qhai has tu cud tas, “Ua nyaab mej tuaj nrhab tuz neeg caj qhai cob neeg tuag na? 6Niz tsi nyos qhais na; niz ted siab liad. Mej ncu ntsoob tej luz kwg niz has tu mej, thaws tseed nyos pes lus xeeb Kalilais has tas, 7‘Yeej yiad muaj neeg ntez Neeg Leej Tus coj muz tu cob neeg txhud muas niz ntsa tu saw ntoo khawslig, has pes hnoos tod qaas, niz yiad siab hub qhob tuag rob qaas luz.’ ”
8Cob puj qhai ncu dheeb txug Yexus tej lug, 9has cud tiad hub lus qhob ntxaa rob luz qha tej qhai tu kawd is tug thwjtid has cob neeg kwg nrug cud nyos noog. 10Cob puj qhai yog: Malis Madalas, Yaw-anas, has Malis kwg yog Yakawnpaws nad; cud has muaj kua os pes tug puj luz qha tej na tu cob tidthiaj. 11Tadsis cob thwjtid xaab has tas tej kwg cob puj qhai has yog tso ntxaz nyaz, cud has tsi ntseeg cob puj qhai tej luz. 12Tadsis Petus ca ni siab tseez dha muz tu tod lus qhob ntxaa; niz nyo xuj hub lus qhob ntxaa, ua caaz tsi pud daastsi, tsuas pud cob ntaws kwg qhwb Yexus lus ceb nyos hub nyaz. Niz rob qaas luz tseb, has xaab tsi thoos tu tej kwg niz pud qhai.#24.12 tej phaw qus tsi muaj nqai 12.
Yexus Tawgkeb Muz Pes Lus Zoz Ema-us
13Tuas hnoos qhai Yexus os tug thwjtid taastod tawgkeb muz tu pes lus zoz hu ua Ema-us kwg nyos nrug kes qhai lus nroog Yeluxalees kwblaad ni kawd is kilumev, 14has ostug sis thaad txug tej kwg ted tshwd muaj liad. 15Thaws ostug tseed sis thaad has sis noog txug zaaj qhai, Yexus txiad luz nrug ostug tawgkeb muz; 16ostug pud Yexus, tadsis zoo ni muaj tej yaad ua tu ostug cid tsi taw niz. 17Yexus noog ostug has tas, “Mej pheej thaad daastsi tawgkeb?”
Ostug txiad nrez ua ntsejmuag mluag mlos. 18Os tus qhai, tuz kwg hu ua Kelupas, noog Yexus has tas, “Taaznrhiab cob neeg kwg nyos hub lus nroog Yeluxalees, puabtsig paws tej kwg qhos ni muaj taw os pes hnoos luz na hubtsig, txiad yog cob qhua los yeej paws, tsuas yog koj tuas tus has tsi paws tej qhai nyaz los?”
19Yexus noog ostug has tas, “Tej qhai yog daastsi?”
Ostug tes has tas, “Tej qhai yog tej xwd kwg Yexus tuz kwg yog neeg Naxales ted rawg liad. Niz yog is tug ceb Vaajtswb luz. Vaajtswb has tej neeg tuadtxhij puabtsig pud has tas niz tej luz muaj fwjchid has niz ua taw tej txujci tseedcees. 20Pes cob thiaj qhai cob pobthiaj has cob nudtswb muas niz tu Philaj txabtxid tua niz laidtaa, has cud muas niz ntsa tu saw ntoo khawslig. 21Pes ca sas has tas niz yog tuz kwg yiad paas cob Yixalayees kig! Dlua ni qhai, txij ni muaj tej qhai luz, ted taw pes hnoos tu hnoos na liad. 22Cob puj kwg yog pes paas qeetuz taw ua tu pes xaab tsi thoos ni; thaws pud keb txoog cud muz tu tod lus qhob ntxaa, 23tadsis cud tsi pud Yexus lus ceb liad. Cud rob luz qha tu tuadtxhij has tas, cud pud cob tidtswb qha tu cud has tas, Yexus ted rob muaj sa liad. 24Pes cob muaj qeetuz muz nuad lus qhob ntxaa, has pud muaj rias ni cob puj qhai has tag, tadsis cud tsi pud Yexus.”
25Ces Yexus has tu ostug tas, “Ua nyaab mej yiad ruag ua luaj ni, ua nyaab mej tsi ntseeg tej kwg cob ceb Vaajtswb luz taw qha tseg liad! 26Puas yog tuz Mexiyas yeej yiad rawg tsidtxod has tod qaas qhai niz yiad taw niz tuz tshwjchid kwg ci ntsaa as?” 27Yexus txiad pab Vaajtswb txujlug kwg has txug niz, niz xus chib qha tej kwg Mawxes saw has tej kwg cob ceb Vaajtswb luz tuadtxhij saw tseg liad.
28Thaws cud muz yiad txug lus zoz kwg cud muz qhai, Yexus txiad ua ni niz yiad dhaw pliaz muz. 29Tadsis ostug cheed has tas, “Koj nrug pes su qhai na, tu qhob ted yiad tsaws ntuj.” Yexus has muz nrug ostug su. 30Thaws Yexus nrug ostug nyos noj mo qhai rooj, Yexus muas is lus ncuab luz, niz ua Vaajtswb tsawg, has muas fais tu ostug noj. 31Yaad kwg plooj qhai ostug lus qhobmuag txiad tshed hlo liad, ostug has paws has tas yog Yexus. Taadsij qhai Yexus ca ni pluj ntais qhai ostug muz liad. 32Ostug sis pab has tas, “Thaws pes tawgkeb tuaj, niz nrug pes pab has pab Vaajtswb txujlug tu pes noog, mas pes lus sas kud luz cuag ni hluabtiaz hliab puas yog?”
33Taadsij qhai ostug txiad siab tseez rob qaas muz tu nraaz lus nroog Yeluxalees, has muz tu qhais kawd is tug thwjtid, has lwd tuz kwg tuaj nyos ua ke qhai, 34has ostug has tas, “Tuz Tswb ted siab rob luz liad tag tag! Niz ted luz tshwd tu Ximoos pud liad!”
35Ostug txiad pab tej kwg ostug pud thaws ostug tawgkeb muz, has thaws tuz Tswb muas ncuab nkais fais tu ostug noj, ostug has paws has tas Yog Yexus tag tu cud noog.
Yexus Luz Tshwd tu Cob Thwjtid Pud
36Thaws ostug tseed taastod pab txug tej kwg ostug pud liad tu cob thwjtid noog, taadsij qhai tuz Tswb luz siab nruasnraas qhai cud, has has tu cud tas, “Mej ca ni nyos kaajsas lug.”#24.36 Tej phaw qus tsi muaj cob luz kwg has tas, “Mej ca ni nyos kaajsas lug.”
37Cud poos sas has ntshai heeb, cud xaab has tas yog cud pud daas. 38Tadsis Yexus has tu cud tas, “Ua nyaab mej ntshai ua luaj? Has mej lus sas tseed ua xyedxyaab? 39Mej ca ni nuad kud txhais tez has kud txhais kuatia, mej ha yiad paws has tas yog kud tag. Mej ca ni ceb tez kob kud, mej ha ni yiad paws, tu qhob daastsi muaj nqaj tsi muaj txhaa ni kwg mej pud kud muaj na.”
40Thaws Yexus has ni qhai, niz txiad xyaas hlo niz txhais tez has txhais kuatia#24.40 Tej phaw qus tsi muaj nqai 40 na. tu cud nuad. 41Cud zoo sas heeb has xaab tsi thoos ni, tadsis cud tseed tsi taw ntseeg tag; ces Yexus txiad noog cud has tas, “Nyos qhais na mej puas muaj daastsi noj?” 42Cud muas is daid nqaj ntsez ci ceb tu Yexus, 43Yexus txais muz noj taasmeeg cud tuadtxhij.
44Yexus has tu cud tas, “Tej na yog tej kwg kud ted qha tu mej thaws kud tseed nrug mej nyos: tu qhob txhua yaad kwg saw txug kud tu qhais Mawxes txuj Kebcai has has tej kwg cob ceb Vaajtswb luz saw tseg tu hub phaw Ntiab Nkawj puabtsig yiad tab.”
45Yexus txiad ua tu cud totaws Vaajtswb txujlug, 46has Yexus has tu cud tas, “Ted muaj luz saw tseg liad has tas: Tuz Mexiyas yeej yiad rawg keb tsidtxod has pes hnoos tod qaas, niz yiad siab hub qhob tuag rob qaas luz, 47mej yiadtsud tuab niz lus npe muz qha txuj moo zoo tu txhua yaad neeg hub qaas ntuj na has tas, Vaajtswb yiad zaad txid tu tuz kwg tso niz tej keb txhud tseg. Mej ca ni chib qha hub lus nroog Yeluxalees. 48Mej yiadtsud ua tidkhiab qha tej na tu tuadtxhij paws. 49Kud yiad muas yaad kwg kud Vaid cogluz tseg liad tu mej. Tadsis mej yiadtsud nyos hub lus nroog Yeluxalees toz muz txug thaws kwg mej taw lus fwjchid kwg yiad luz saw ntuj luz.”
Yexus Muz saw Ntuj
50Yexus coj cud tiad hub lus nroog Yeluxalees muz txug nraaz lus zoz Npethanis. Niz tsaa tez food kooshmoob tu cud. 51Thaws niz taastod food kooshmoob tu cud, Vaajtswb txiad coj niz ncaid cud muz tu saw ntuj liad.#24.51 Tej phaw qus tsi muaj cob luz has tas, muz tu saw ntuj liad. 52Cud pehiad niz has rob muz tu pes lus nroog Yeluxalees, mas cud zoo sas heeb ni, 53has cud naj hnoos muz nyos hub lus Tuadtseb ua Vaajtswb tsawg.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.