Lukas 23
23
Philaj Tawg Yexus Zaaj
1Taaznrhiab cob neeg kwg tuaj saaslaaj qhai txiad siab tseez coj Yexus muz cuag Philaaj, 2has cud nkawg Yexus tu Philaj has tas, “Pes ntez tuz yiag na thaws niz taastod ntxaz kuas pes yaad neeg ua yuad keb, has txwb tsi pus cud thed se tu Xixas, has niz khaab has tas niz yog tuz Mexiyas kwg yog vaajntxwb.”
3Philaaj noog Yexus has tas, “Koj yog cob Yudais tuz vaajntxwb los?”
Yexus tes has tas, “Koj has yog liad.”
4Ces Philaaj has tu cob thiaj qhai cob pobthiaj has cob neeg coos coos qhai has tas, “Kud tsi pud tuz yiag na muaj is qhob txhud ni.”
5Tadsis cud hajyaad has tiab tiab has tas, “Niz tej luz qha ua tu tuadtxhij muaj keb kud ntxhub thoos lus xeeb Yudais. Niz chib qha pes xeeb Kalilais has tuaj txug tu qhais na.”
Helawj Tawg Yexus Zaaj
6Thaws Philaaj hnob cud has ni qhai, niz noog has tas, “Tuz yiag na yog neeg Kalilais los?” 7Thaws Philaj paws has tas Yexus tuaj pes cheestsaad kwg Helawj kaab tuaj, ces niz txiad xaa Yexus muz cuag Helawj, tu qhob lus sijhiad qhai Helawj tuaj su hub lus nroog Yeluxalees. 8Thaws Helawj pud Yexus, Helawj zoo sas heeb ni, tu qhob niz istxwd hnob Yexus lus moo has xaab pud Yexus nteb luz liad. Helawj xaab has tas niz yiad pud Yexus ua is yaad txujci tseedcees. 9Helawj noog Yexus ntaw zaaj, tadsis Yexus tsi tes ni. 10Cob thiaj qhais cob pobthiaj has cob xisfws kwg qha Vaajtswb txuj Kebcai txaab zoz muz nkawg Yexus hnyaab tu Helawj. 11Helawj has niz cob tusrog thuad Yexus has ua nuad tsi tawz Yexus; cud muas is lus tsho nteb kwg zoo nkawj heeb tu Yexus hnaab, has xaa niz rob qaas muz tu Philaaj. 12Txij hnoos qhai luz Helawj has Philaaj txiad phoojywz liad; yaab taaz luz ostug ua yeesncuas.
Txabtxid Muas Yexus Tua
13Philaaj hu cob thiaj qhai cob pobthiaj, cob thiajcoj has cob pejxeed tuaj, 14has niz has tu cud tas, “Mej has tas niz ntxaz kuas cob pejxeed yuad keb. Nizna kud ted tawg niz zaaj taasmeeg mej tuadtxhij liad, has kud tsi pud niz muaj is qhob txhud rias ni kwg mej nkawg niz qhai. 15Helawj los tsi pud niz muaj is qhob txhud ni has, Helawj ha xaa niz rob luz tu pes. Tuz yiag na yeej tsi taw ua is qhob txhud kwg tsidnyog yiad muas niz tua laidtaa. 16Yog ni qhai, kud yiad kuas lag muas niz npliad has tso niz muz.” 17[Rias ni istxwd, txhua zag kwg ua Kebcai Hlaa Dhaw, Philaaj yiadtsud tso is tug neeg rawg txid rias ni cob pejxeed thob.]#23.17 Tej phaw qus tsi muaj nqai 17 na (nuad Mak 15.6).
18Cob neeg coos coos qhai has nrob nrob has tas, “Muas niz tua laidtaa! Has tso Npalanpas luz tu pes!” 19(Npalanpas rawg kia tu hub tseb yuajphuas, vid niz ntxeeb nud ntxeeb tswb hub lus nroog has niz tua neeg.)
20Philaaj xaab tso Yexus, niz ha rob has tu cob neeg coos coos qhai is zag ntxib has. 21Tadsis cud hajyaad qw nrob nrob has tas, “Muas niz ntsa tu saw ntoo khawslig! Muas niz ntsa tu saw ntoo khawslig!”
22Philaaj rob has tu cud is zag has tas, “Vid nyaab? Niz ua txhud daastsi? Kud tsi pud niz muaj is qhob txhud kwg tsidnyog yiad muas niz tua! Kud yiad kuas lag muas niz npliad has tso niz muz.”
23Tadsis cob neeg coos coos qhai qw taaz zug kuas Philaaj muas Yexus ntsa tu saw ntoo khawslig. Thaws kiag cud kobyeej Philaaj. 24Philaaj txiad txabtxid tu Yexus rias ni cud thob. 25Has Philaaj tso tuz yiag kwg cud thob tu cud. Tuz qhai yog tuz kwg rawg kia tu hub tseb yuajphuas, niz ntxeeb nud ntxeeb tswb has tua neeg. Ces Philaaj muas Yexus tu cud rias ni cud sas nyad.
Muas Yexus Ntsa tu saw Ntoo Khawslig
26Thaws cud taastod coj Yexus tiad muz; cud ntsis is tug yiag hu ua Ximoos kwg nyos hub lus nroog Kulenes kwg nyos pes yaajsaas tuaj yiad muz tu hub lus nroog. Cud ntez niz has yuad kuas niz kwb tuz ntoo khawslig nrug Yexus muz.
27Cob neeg coos coos kwg rias Yexus qaas qhai, muaj is cob puj tsaa suas hlo quaj nrob nrob, tu qhob cud hlus Yexus heeb. 28Yexus tig muz nuad cud has has tas, “Cob puj kwg nyos hub lus nroog Yeluxalees! Mej tsi xod quaj kud, tadsis ca ni quaj mej has mej tej minyuas. 29Thaws txug lus sijhiad qhai, tuadtxhij yiad has tas, ‘Cob puj kwg istxwd xees tsi tawz minyuas, has cob puj kwg tsi taw xees kua minyuas, has tsi taw pus kua mi tu minyuas noj, yog cob kwg hmoob zoo!’ 30Lus sijhiad qhai, yiad muaj neeg has tu tej roos has tas, ‘Nphaw luz tsuad pes!’ Has yiad has tu tej laid roos has tas, ‘Pos luz txhus pes!’ 31Yog cud ted ua ni na tu tsos ntoo kwg tseed nyoog, thaws tsos ntoo qhuab liad, cud yiad ua nyaab tu?”
32Cud coj os tug yiag kwg ua tusnyas muz tua nrug Yexus. 33Thaws cud muz txug qhais qhob chia kwg hu ua “Postxhaa Tawshaw,” cud muas Yexus ntsa tu saw ntoo khawslig, has muas ostug tusnyas ntsa tu saw ntoo khawslig, muas is tug txhus tu qhais Yexus saas xis, has muas is tug txhus tu qhais Yexus saas lawj phed. 34Ces Yexus has tas, “Vaid, thob koj zaad txid tu cud! Tu qhob cud tsi paws has tas cud ua daastsi.”#23.34 Tej phaw qus tsi muaj cob luz, Yexus has tas, “Vaid, thob koj zaad txid tu cud! Tu qhob cud tsi paws has tas cud ua daastsi.”
Cud muas Yexus ceb rig tsho luz twb nuad tuz twg yiad taw yaad twg. 35Tej neeg tuadtxhij siab is caag nuad. Cob Yudais cob thiajcoj thuad Yexus has tas: “Niz ted ciad taw lwd tuz; yog has tas niz yog tuz Mexiyas kwg Vaajtswb xaib tag, niz ca ni paas kuas niz kig!”
36Cob tusrog thuad Yexus has cud muas ciab txib hmaas qaws luz ceb tu Yexus haws, 37has has tas, “Yog koj yog cob Yudais tuz vaajntxwb tag, koj ca ni paas kuas koj kig!”
38Muaj is cob luz saw tu qhais is daid txaz kwg nyos ncaaj qhai Yexus tawshaw tu saw has tas, “Tuz na yog cob Yudais tuz vaajntxwb.”
39Os tus tusnyas kwg cud muas ntsa tu saw ntoo khawslig qhai, is tug thuad Yexus has tas, “Koj tsi yog tuz Mexiyas los? Koj ca ni paas koj, has paas kuas pes kig!”
40Tadsis muaj kua is tug nthe has tas, “Koj tsi ntshai Vaajtswb los? Koj ted rawg txid is yaad nkaws ni niz has. 41Pes rawg txid ni na yeej tsidnyog qhob kwg pes ua txhud; tadsis tuz na tsi taw ua txhud daastsi ni.” 42Has niz has tu Yexus has tas, “Thaws koj muz txug koj lus teschias, thob koj ncu txug kud has.”
43Yexus has tu niz has tas, “Kud qha tsees tu koj has tas, ‘Hnoos na koj yiad taw nrug kud nyos saw qhob chia kwg kaajsas lug.’ ”
Yexus Tuag
44Thaws hnoos ntsez, lus hnoos tsi ci liad, has lus teschias tsaws ntuj nti muz txug thaws pes teeb; 45Daid ntaws kwg thaib hub lus Tuadtseb txiad dua rhe ua os daid. 46Yexus hu nrob nrob has tas, “Vaid, kud muas kud txujsa tso tu hub koj txhais tez!” Tod qaas kwg Yexus has ni qhai taaz, niz txiad tuag liad.
47Thaws tuz thiaj tusrog pud ni qhai, niz qhuas Vaajtswb has tas, “Yog tag, tuz na yeej yog neeg ncaajnceeg!”
48Thaws cob neeg kwg tuaj nuad pud ni qhai, cud ntaws hawsas has rob qaas muz tseb liad. 49Cob neeg kwg istxwd paws Yexus, has cob puj kwg nrug Yexus tuaj pes lus xeeb Kalilais tuaj, cud siab kes kes nuad tej na.
Loz Yexus
50-51Muaj is tug yiag npe hu ua Yawxej tuaj pes lus nroog Alimathas hub lus xeeb Yudas tuaj. Niz yog is tug neeg zoo kwg tuadtxhij fwd, has niz naj hnoos toz Vaajtswb lus Teschias kwg yiad luz, has niz yog cob Yudais is tug nudtswb, tadsis thaws cud saaslaaj yiad txabtxid tu Yexus, niz tsi pud zoo tej kwg cud ua qhai. 52Niz muz cuag Philaaj has thob Philaj muas Yexus lus ceb tu niz. 53Ces niz muas Yexus lus ceb txu, muas ntaws maag qhwb has muas kwb muz tso tu hub lus qhob ntxaa kwg lag txawg tu hub is phaas poszes has yeej tsi taw muaj tuz twg coj neeg muz tso tu hub ni. 54Hnoos qhai yog hnoos kwg npaaj qhob txhua chia tseg tu hnoos Xanpataws kwg ted luz yiad txug.
55Cob puj kwg nrug Yexus tuaj pes xeeb Kalilais tuaj, cud nrug Yawxej muz. Cud pud lus qhob ntxaa, has pud Yawxej muas Yexus lus ceb tso tu hub. 56Ces cud maad rob muz tseb has cud npaaj tej tshuaj tsw qaas has tej roj tsw qaas, tu qhob cud yiad nqaa muz pleeb Yexus lus ceb.
Thaws hnoos Xanpataws luz yiad txug ces cud su rias ni Vaajtswb txuj Kebcai qha tseg liad.
Селектирано:
Lukas 23: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.
Lukas 23
23
Philaj Tawg Yexus Zaaj
1Taaznrhiab cob neeg kwg tuaj saaslaaj qhai txiad siab tseez coj Yexus muz cuag Philaaj, 2has cud nkawg Yexus tu Philaj has tas, “Pes ntez tuz yiag na thaws niz taastod ntxaz kuas pes yaad neeg ua yuad keb, has txwb tsi pus cud thed se tu Xixas, has niz khaab has tas niz yog tuz Mexiyas kwg yog vaajntxwb.”
3Philaaj noog Yexus has tas, “Koj yog cob Yudais tuz vaajntxwb los?”
Yexus tes has tas, “Koj has yog liad.”
4Ces Philaaj has tu cob thiaj qhai cob pobthiaj has cob neeg coos coos qhai has tas, “Kud tsi pud tuz yiag na muaj is qhob txhud ni.”
5Tadsis cud hajyaad has tiab tiab has tas, “Niz tej luz qha ua tu tuadtxhij muaj keb kud ntxhub thoos lus xeeb Yudais. Niz chib qha pes xeeb Kalilais has tuaj txug tu qhais na.”
Helawj Tawg Yexus Zaaj
6Thaws Philaaj hnob cud has ni qhai, niz noog has tas, “Tuz yiag na yog neeg Kalilais los?” 7Thaws Philaj paws has tas Yexus tuaj pes cheestsaad kwg Helawj kaab tuaj, ces niz txiad xaa Yexus muz cuag Helawj, tu qhob lus sijhiad qhai Helawj tuaj su hub lus nroog Yeluxalees. 8Thaws Helawj pud Yexus, Helawj zoo sas heeb ni, tu qhob niz istxwd hnob Yexus lus moo has xaab pud Yexus nteb luz liad. Helawj xaab has tas niz yiad pud Yexus ua is yaad txujci tseedcees. 9Helawj noog Yexus ntaw zaaj, tadsis Yexus tsi tes ni. 10Cob thiaj qhais cob pobthiaj has cob xisfws kwg qha Vaajtswb txuj Kebcai txaab zoz muz nkawg Yexus hnyaab tu Helawj. 11Helawj has niz cob tusrog thuad Yexus has ua nuad tsi tawz Yexus; cud muas is lus tsho nteb kwg zoo nkawj heeb tu Yexus hnaab, has xaa niz rob qaas muz tu Philaaj. 12Txij hnoos qhai luz Helawj has Philaaj txiad phoojywz liad; yaab taaz luz ostug ua yeesncuas.
Txabtxid Muas Yexus Tua
13Philaaj hu cob thiaj qhai cob pobthiaj, cob thiajcoj has cob pejxeed tuaj, 14has niz has tu cud tas, “Mej has tas niz ntxaz kuas cob pejxeed yuad keb. Nizna kud ted tawg niz zaaj taasmeeg mej tuadtxhij liad, has kud tsi pud niz muaj is qhob txhud rias ni kwg mej nkawg niz qhai. 15Helawj los tsi pud niz muaj is qhob txhud ni has, Helawj ha xaa niz rob luz tu pes. Tuz yiag na yeej tsi taw ua is qhob txhud kwg tsidnyog yiad muas niz tua laidtaa. 16Yog ni qhai, kud yiad kuas lag muas niz npliad has tso niz muz.” 17[Rias ni istxwd, txhua zag kwg ua Kebcai Hlaa Dhaw, Philaaj yiadtsud tso is tug neeg rawg txid rias ni cob pejxeed thob.]#23.17 Tej phaw qus tsi muaj nqai 17 na (nuad Mak 15.6).
18Cob neeg coos coos qhai has nrob nrob has tas, “Muas niz tua laidtaa! Has tso Npalanpas luz tu pes!” 19(Npalanpas rawg kia tu hub tseb yuajphuas, vid niz ntxeeb nud ntxeeb tswb hub lus nroog has niz tua neeg.)
20Philaaj xaab tso Yexus, niz ha rob has tu cob neeg coos coos qhai is zag ntxib has. 21Tadsis cud hajyaad qw nrob nrob has tas, “Muas niz ntsa tu saw ntoo khawslig! Muas niz ntsa tu saw ntoo khawslig!”
22Philaaj rob has tu cud is zag has tas, “Vid nyaab? Niz ua txhud daastsi? Kud tsi pud niz muaj is qhob txhud kwg tsidnyog yiad muas niz tua! Kud yiad kuas lag muas niz npliad has tso niz muz.”
23Tadsis cob neeg coos coos qhai qw taaz zug kuas Philaaj muas Yexus ntsa tu saw ntoo khawslig. Thaws kiag cud kobyeej Philaaj. 24Philaaj txiad txabtxid tu Yexus rias ni cud thob. 25Has Philaaj tso tuz yiag kwg cud thob tu cud. Tuz qhai yog tuz kwg rawg kia tu hub tseb yuajphuas, niz ntxeeb nud ntxeeb tswb has tua neeg. Ces Philaaj muas Yexus tu cud rias ni cud sas nyad.
Muas Yexus Ntsa tu saw Ntoo Khawslig
26Thaws cud taastod coj Yexus tiad muz; cud ntsis is tug yiag hu ua Ximoos kwg nyos hub lus nroog Kulenes kwg nyos pes yaajsaas tuaj yiad muz tu hub lus nroog. Cud ntez niz has yuad kuas niz kwb tuz ntoo khawslig nrug Yexus muz.
27Cob neeg coos coos kwg rias Yexus qaas qhai, muaj is cob puj tsaa suas hlo quaj nrob nrob, tu qhob cud hlus Yexus heeb. 28Yexus tig muz nuad cud has has tas, “Cob puj kwg nyos hub lus nroog Yeluxalees! Mej tsi xod quaj kud, tadsis ca ni quaj mej has mej tej minyuas. 29Thaws txug lus sijhiad qhai, tuadtxhij yiad has tas, ‘Cob puj kwg istxwd xees tsi tawz minyuas, has cob puj kwg tsi taw xees kua minyuas, has tsi taw pus kua mi tu minyuas noj, yog cob kwg hmoob zoo!’ 30Lus sijhiad qhai, yiad muaj neeg has tu tej roos has tas, ‘Nphaw luz tsuad pes!’ Has yiad has tu tej laid roos has tas, ‘Pos luz txhus pes!’ 31Yog cud ted ua ni na tu tsos ntoo kwg tseed nyoog, thaws tsos ntoo qhuab liad, cud yiad ua nyaab tu?”
32Cud coj os tug yiag kwg ua tusnyas muz tua nrug Yexus. 33Thaws cud muz txug qhais qhob chia kwg hu ua “Postxhaa Tawshaw,” cud muas Yexus ntsa tu saw ntoo khawslig, has muas ostug tusnyas ntsa tu saw ntoo khawslig, muas is tug txhus tu qhais Yexus saas xis, has muas is tug txhus tu qhais Yexus saas lawj phed. 34Ces Yexus has tas, “Vaid, thob koj zaad txid tu cud! Tu qhob cud tsi paws has tas cud ua daastsi.”#23.34 Tej phaw qus tsi muaj cob luz, Yexus has tas, “Vaid, thob koj zaad txid tu cud! Tu qhob cud tsi paws has tas cud ua daastsi.”
Cud muas Yexus ceb rig tsho luz twb nuad tuz twg yiad taw yaad twg. 35Tej neeg tuadtxhij siab is caag nuad. Cob Yudais cob thiajcoj thuad Yexus has tas: “Niz ted ciad taw lwd tuz; yog has tas niz yog tuz Mexiyas kwg Vaajtswb xaib tag, niz ca ni paas kuas niz kig!”
36Cob tusrog thuad Yexus has cud muas ciab txib hmaas qaws luz ceb tu Yexus haws, 37has has tas, “Yog koj yog cob Yudais tuz vaajntxwb tag, koj ca ni paas kuas koj kig!”
38Muaj is cob luz saw tu qhais is daid txaz kwg nyos ncaaj qhai Yexus tawshaw tu saw has tas, “Tuz na yog cob Yudais tuz vaajntxwb.”
39Os tus tusnyas kwg cud muas ntsa tu saw ntoo khawslig qhai, is tug thuad Yexus has tas, “Koj tsi yog tuz Mexiyas los? Koj ca ni paas koj, has paas kuas pes kig!”
40Tadsis muaj kua is tug nthe has tas, “Koj tsi ntshai Vaajtswb los? Koj ted rawg txid is yaad nkaws ni niz has. 41Pes rawg txid ni na yeej tsidnyog qhob kwg pes ua txhud; tadsis tuz na tsi taw ua txhud daastsi ni.” 42Has niz has tu Yexus has tas, “Thaws koj muz txug koj lus teschias, thob koj ncu txug kud has.”
43Yexus has tu niz has tas, “Kud qha tsees tu koj has tas, ‘Hnoos na koj yiad taw nrug kud nyos saw qhob chia kwg kaajsas lug.’ ”
Yexus Tuag
44Thaws hnoos ntsez, lus hnoos tsi ci liad, has lus teschias tsaws ntuj nti muz txug thaws pes teeb; 45Daid ntaws kwg thaib hub lus Tuadtseb txiad dua rhe ua os daid. 46Yexus hu nrob nrob has tas, “Vaid, kud muas kud txujsa tso tu hub koj txhais tez!” Tod qaas kwg Yexus has ni qhai taaz, niz txiad tuag liad.
47Thaws tuz thiaj tusrog pud ni qhai, niz qhuas Vaajtswb has tas, “Yog tag, tuz na yeej yog neeg ncaajnceeg!”
48Thaws cob neeg kwg tuaj nuad pud ni qhai, cud ntaws hawsas has rob qaas muz tseb liad. 49Cob neeg kwg istxwd paws Yexus, has cob puj kwg nrug Yexus tuaj pes lus xeeb Kalilais tuaj, cud siab kes kes nuad tej na.
Loz Yexus
50-51Muaj is tug yiag npe hu ua Yawxej tuaj pes lus nroog Alimathas hub lus xeeb Yudas tuaj. Niz yog is tug neeg zoo kwg tuadtxhij fwd, has niz naj hnoos toz Vaajtswb lus Teschias kwg yiad luz, has niz yog cob Yudais is tug nudtswb, tadsis thaws cud saaslaaj yiad txabtxid tu Yexus, niz tsi pud zoo tej kwg cud ua qhai. 52Niz muz cuag Philaaj has thob Philaj muas Yexus lus ceb tu niz. 53Ces niz muas Yexus lus ceb txu, muas ntaws maag qhwb has muas kwb muz tso tu hub lus qhob ntxaa kwg lag txawg tu hub is phaas poszes has yeej tsi taw muaj tuz twg coj neeg muz tso tu hub ni. 54Hnoos qhai yog hnoos kwg npaaj qhob txhua chia tseg tu hnoos Xanpataws kwg ted luz yiad txug.
55Cob puj kwg nrug Yexus tuaj pes xeeb Kalilais tuaj, cud nrug Yawxej muz. Cud pud lus qhob ntxaa, has pud Yawxej muas Yexus lus ceb tso tu hub. 56Ces cud maad rob muz tseb has cud npaaj tej tshuaj tsw qaas has tej roj tsw qaas, tu qhob cud yiad nqaa muz pleeb Yexus lus ceb.
Thaws hnoos Xanpataws luz yiad txug ces cud su rias ni Vaajtswb txuj Kebcai qha tseg liad.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.