Lukas 17
17
Keb Txhud
1Yexus has tu niz cob thwjtid has tas, “Ua nyaab los yeej yiad muaj is yaad ua tu neeg ua txhud, tadsis tuz kwg ua yaad qhai, niz yiad rawg keb puadtsuaj! 2Yog tuz qhai ua tu cob minyuas na is tug ua txhud, ca ni muas hlua khi is txhis zes kwg luj dlai tu tuz qhai caajdlaas has coj niz muz laid tu hub habtxwb yiad zoo kua! 3Yog ni qhai, mej yiadtsud ceebfaaj zoo!
“Yog koj pud koj is tug kwbtij ua txhud tu koj, koj yiadtsud ntuaz niz. Yog niz leez keb txhud liad, koj ca ni zaad txid tu niz. 4Yog is hnoos niz ua txhud tu koj xyaa zag, has txhua zag kwg niz tuaj leez tu koj has tas, ‘Kud leez txhud liad,’ koj yiadtsud zaad txid tu niz.”
Keb Ntseeg
5Cob tidthiaj has tu tuz Tswb has tas, “Thob koj paas kuas pes muas sas raws ntseeg ntxib.”
6Tuz Tswb has tu cud tas, “Yog mej muaj keb ntseeg luaj ni lus noos zaws, mej yiad has tu tsos ntoo zaws kaas na has tas, ‘Koj ca ni rhu hlo muz cos tu hub habtxwb,’ ces tsos ntoo zaws kaas qhai yiad noog mej has.
Tuz Tusqhe Tez Hujlwd
7“Mej cob yog tuz twg muaj is tug tusqhe muz laij laj lossis muz yug yaaj liad, thaws niz rob qaas nraaz laj luz, mej puas yiad has tu tuz tusqhe qhai tas, ‘Koj ca ni luz noj mo?’ 8Mej yeej yiad tsi has ni qhai! Mej yiad has tu niz tas, ‘Ca ni tu ceb khob kho muz ua mo tu kud noj, thaws kud noj kud haws taaz; koj maad ni noj.’ 9Txiad yog tuz tusqhe ua rias ni mej has los tsi taaz mej yiad ua niz tsawg. 10Mej cob los kuj is yaad nkaws; thaws mej ua txhua yaad rias ni mej taw txis liad, mej ca ni has tas, ‘Pes yog cob Tusqhe kwg tsi tseedcees daastsi ni, pes tsuas ua rias ni pes tez hujlwd nyaz.’ ”
Yexus Khu Kawd tuz Mos Ruas
11Thaws Yexus muz nraaz lus nroog Yeluxalees, niz hlaa dhaw tuz nridtes kwg nyos nruasnraas qhais Xamalis has xeeb Kalilais. 12Thaws niz taastod yiad muz tu hub is lus zoz, niz ntsis kawd tuz mos ruas. Cud siab kes kes 13has hu nrob nrob has tas, “Tswb Yexus! Thob koj hlus pes!”
14Thaws Yexus pud dheeb cud, niz has tu cud tas, “Mej ca ni muz cuag cob pobthiaj kuas cud nuad mej.”
Thaws cob neeg mos ruas qhai taastod muz, cud tej ruas zoo liad.#17.14 Zoo liad: Nuad 5.12. 15Cud cob qhai muaj is tug pud has tas niz tej ruas zoo taaz liad, niz txiad rob qaas luz has has nrob nrob qhuas Vaajtswb. 16Niz txhud cawg hlo qhai Yexus kuatia ua Yexus tsawg. Tuz qhai yog neeg Xamalis. 17Yexus has tas, “Kawd tuz ted zoo hubtsig liad; cuaj leez kua twg taaz liad? 18Vid nyaab tsuas muaj tuas tug kwg yog lwd Yaad neeg luz ua Vaajtswb tsawg nyaz?” 19Has Yexus has tu tuz qhai tas, “Koj ca ni siab tseez muz tseb; koj txuj keb ntseeg ted ua tu koj tej ruas zoo liad.”
Vaajtswb Lus Teschias Yiad Luz
20Cob Falixais muaj qeetuz noog Yexus has tas, thaws twg Vaajtswb lus Teschias maad ni luz? Yexus tes has tas, “Vaajtswb lus teschias yiad tsi luz ni qhobmuag nuad pud taw. 21Tsi muaj tuz twg yiad has tas, ‘Mej nuad, niz nyos qhais na’ lossis ‘Nyos tod!’; Tu qhob Vaajtswb lus Teschias nyos hub mej.”#17.21 nyos hub mej; lossis nyos nruasnraas qhai mej; lossis yiad ca ni tshwd luz tu qhais mej.
22Yexus has tu cob thwjtid has tas, “Yeej yiad muaj is lus sijhiad kwg mej xaab pud hnoos kwg Neeg Leej Tus rob luz, tadsis mej yiad tsi pud. 23Yiad muaj neeg has tu mej has tas, ‘Mej muz nuad tod!’ lossis ‘Mej luz nuad qhai na!’ Tadsis mej tsi xod muz nuad. 24Hnoos kwg Neeg Leej Tus luz, yiad muaj tsazxus laid saw nruas ntug, is saas ntuj muz tu is saas ntuj. 25Tadsis ua ntej qhai, niz ted xus rawg keb tsidtxod ntaw yaad has cob neeg tad na tsi leez yuab niz. 26Tad kwg Naw-es ua neej nyos zoo nyaab, lus sijhiad kwg Neeg Leej Tus luz yiad zoo is yaad nkaws ni qhai. 27Tej neeg tuadtxhij naj hnoos noj haws, ua tshoos ua kuz muz txug hnoos kwg Naw-es nce muz tu hub nkoj, has dej luz nyaas tej neeg qhai tuag taaz hubtsig. 28Lus sijhiad kwg Neeg Leej Tus luz yiad zoo is yaad ni tad kwg Lawj nyos. Tej neeg tuadtxhij naj hnoos ua noj ua haws, ua laaz ua luad, ua laj ua tes, has ua vaaj ua tseb. 29Hnoos kwg Lawj tiad hub lus nroog Xawdoos muz, txiad muaj nplaid tiag has leejfaaj poos saw ntuj luz kud tej neeg tuag taaz hubtsig. 30Hnoos kwg Neeg Leej Tus luz, yiad zoo is yaad nkaws ni qhai.
31Hnoos qhai tuz kwg nyos nraw zoob, tsi xod muz nqaa niz tej qhob txhua chia hub tseb; is yaad ni qhai, tuz kwg muz tu tod tes liad, tsi xod rob qaas luz tu hub tseb. 32Mej yiadtsud ncu ntsoob txug Lawj tuz puj! 33Tuz kwg khubxid niz txujsa, tuz qhai yiad tsi taw txujsa; tuz kwg tsi khubxid niz txujsa, tuz qhai yiad taw txujsa. 34Kud qha tu mej has tas hmo qhai, os tug neeg kwg pw is txaag, yiad coj is tug muz, tseg is tug ca. 35Os tus puj kwg zud zes ua ke: yiad coj is tug muz, tseg is tug ca.” 36[Os tus yiag kwg nyos tod tes, yiad coj is tug muz, tseg is tug ca.] #17.36 Phaw (Good News Bible) tsi tso nqai 36 tu, (nuad Mathais 24.40).
37Cob thwjtid noog Yexus has tas, “Tus Tswb, yiad muaj ni qhai nyos tu qhob twg?”
Yexus tes has tas, “Ceb tuag nyos qhob twg, daab npoj yiad saw nthwb muz tu qhob qhai.”
Селектирано:
Lukas 17: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.
Lukas 17
17
Keb Txhud
1Yexus has tu niz cob thwjtid has tas, “Ua nyaab los yeej yiad muaj is yaad ua tu neeg ua txhud, tadsis tuz kwg ua yaad qhai, niz yiad rawg keb puadtsuaj! 2Yog tuz qhai ua tu cob minyuas na is tug ua txhud, ca ni muas hlua khi is txhis zes kwg luj dlai tu tuz qhai caajdlaas has coj niz muz laid tu hub habtxwb yiad zoo kua! 3Yog ni qhai, mej yiadtsud ceebfaaj zoo!
“Yog koj pud koj is tug kwbtij ua txhud tu koj, koj yiadtsud ntuaz niz. Yog niz leez keb txhud liad, koj ca ni zaad txid tu niz. 4Yog is hnoos niz ua txhud tu koj xyaa zag, has txhua zag kwg niz tuaj leez tu koj has tas, ‘Kud leez txhud liad,’ koj yiadtsud zaad txid tu niz.”
Keb Ntseeg
5Cob tidthiaj has tu tuz Tswb has tas, “Thob koj paas kuas pes muas sas raws ntseeg ntxib.”
6Tuz Tswb has tu cud tas, “Yog mej muaj keb ntseeg luaj ni lus noos zaws, mej yiad has tu tsos ntoo zaws kaas na has tas, ‘Koj ca ni rhu hlo muz cos tu hub habtxwb,’ ces tsos ntoo zaws kaas qhai yiad noog mej has.
Tuz Tusqhe Tez Hujlwd
7“Mej cob yog tuz twg muaj is tug tusqhe muz laij laj lossis muz yug yaaj liad, thaws niz rob qaas nraaz laj luz, mej puas yiad has tu tuz tusqhe qhai tas, ‘Koj ca ni luz noj mo?’ 8Mej yeej yiad tsi has ni qhai! Mej yiad has tu niz tas, ‘Ca ni tu ceb khob kho muz ua mo tu kud noj, thaws kud noj kud haws taaz; koj maad ni noj.’ 9Txiad yog tuz tusqhe ua rias ni mej has los tsi taaz mej yiad ua niz tsawg. 10Mej cob los kuj is yaad nkaws; thaws mej ua txhua yaad rias ni mej taw txis liad, mej ca ni has tas, ‘Pes yog cob Tusqhe kwg tsi tseedcees daastsi ni, pes tsuas ua rias ni pes tez hujlwd nyaz.’ ”
Yexus Khu Kawd tuz Mos Ruas
11Thaws Yexus muz nraaz lus nroog Yeluxalees, niz hlaa dhaw tuz nridtes kwg nyos nruasnraas qhais Xamalis has xeeb Kalilais. 12Thaws niz taastod yiad muz tu hub is lus zoz, niz ntsis kawd tuz mos ruas. Cud siab kes kes 13has hu nrob nrob has tas, “Tswb Yexus! Thob koj hlus pes!”
14Thaws Yexus pud dheeb cud, niz has tu cud tas, “Mej ca ni muz cuag cob pobthiaj kuas cud nuad mej.”
Thaws cob neeg mos ruas qhai taastod muz, cud tej ruas zoo liad.#17.14 Zoo liad: Nuad 5.12. 15Cud cob qhai muaj is tug pud has tas niz tej ruas zoo taaz liad, niz txiad rob qaas luz has has nrob nrob qhuas Vaajtswb. 16Niz txhud cawg hlo qhai Yexus kuatia ua Yexus tsawg. Tuz qhai yog neeg Xamalis. 17Yexus has tas, “Kawd tuz ted zoo hubtsig liad; cuaj leez kua twg taaz liad? 18Vid nyaab tsuas muaj tuas tug kwg yog lwd Yaad neeg luz ua Vaajtswb tsawg nyaz?” 19Has Yexus has tu tuz qhai tas, “Koj ca ni siab tseez muz tseb; koj txuj keb ntseeg ted ua tu koj tej ruas zoo liad.”
Vaajtswb Lus Teschias Yiad Luz
20Cob Falixais muaj qeetuz noog Yexus has tas, thaws twg Vaajtswb lus Teschias maad ni luz? Yexus tes has tas, “Vaajtswb lus teschias yiad tsi luz ni qhobmuag nuad pud taw. 21Tsi muaj tuz twg yiad has tas, ‘Mej nuad, niz nyos qhais na’ lossis ‘Nyos tod!’; Tu qhob Vaajtswb lus Teschias nyos hub mej.”#17.21 nyos hub mej; lossis nyos nruasnraas qhai mej; lossis yiad ca ni tshwd luz tu qhais mej.
22Yexus has tu cob thwjtid has tas, “Yeej yiad muaj is lus sijhiad kwg mej xaab pud hnoos kwg Neeg Leej Tus rob luz, tadsis mej yiad tsi pud. 23Yiad muaj neeg has tu mej has tas, ‘Mej muz nuad tod!’ lossis ‘Mej luz nuad qhai na!’ Tadsis mej tsi xod muz nuad. 24Hnoos kwg Neeg Leej Tus luz, yiad muaj tsazxus laid saw nruas ntug, is saas ntuj muz tu is saas ntuj. 25Tadsis ua ntej qhai, niz ted xus rawg keb tsidtxod ntaw yaad has cob neeg tad na tsi leez yuab niz. 26Tad kwg Naw-es ua neej nyos zoo nyaab, lus sijhiad kwg Neeg Leej Tus luz yiad zoo is yaad nkaws ni qhai. 27Tej neeg tuadtxhij naj hnoos noj haws, ua tshoos ua kuz muz txug hnoos kwg Naw-es nce muz tu hub nkoj, has dej luz nyaas tej neeg qhai tuag taaz hubtsig. 28Lus sijhiad kwg Neeg Leej Tus luz yiad zoo is yaad ni tad kwg Lawj nyos. Tej neeg tuadtxhij naj hnoos ua noj ua haws, ua laaz ua luad, ua laj ua tes, has ua vaaj ua tseb. 29Hnoos kwg Lawj tiad hub lus nroog Xawdoos muz, txiad muaj nplaid tiag has leejfaaj poos saw ntuj luz kud tej neeg tuag taaz hubtsig. 30Hnoos kwg Neeg Leej Tus luz, yiad zoo is yaad nkaws ni qhai.
31Hnoos qhai tuz kwg nyos nraw zoob, tsi xod muz nqaa niz tej qhob txhua chia hub tseb; is yaad ni qhai, tuz kwg muz tu tod tes liad, tsi xod rob qaas luz tu hub tseb. 32Mej yiadtsud ncu ntsoob txug Lawj tuz puj! 33Tuz kwg khubxid niz txujsa, tuz qhai yiad tsi taw txujsa; tuz kwg tsi khubxid niz txujsa, tuz qhai yiad taw txujsa. 34Kud qha tu mej has tas hmo qhai, os tug neeg kwg pw is txaag, yiad coj is tug muz, tseg is tug ca. 35Os tus puj kwg zud zes ua ke: yiad coj is tug muz, tseg is tug ca.” 36[Os tus yiag kwg nyos tod tes, yiad coj is tug muz, tseg is tug ca.] #17.36 Phaw (Good News Bible) tsi tso nqai 36 tu, (nuad Mathais 24.40).
37Cob thwjtid noog Yexus has tas, “Tus Tswb, yiad muaj ni qhai nyos tu qhob twg?”
Yexus tes has tas, “Ceb tuag nyos qhob twg, daab npoj yiad saw nthwb muz tu qhob qhai.”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.