Lukas 16
16
Tuz Thiaj Tusqhe Kwg Sas tsi Ncaaj
1Yexus has tu niz cob thwjtid has tas, “Muaj is tug neeg npluanuj, niz muaj is tug thiaj tusqhe kwg nuad niz lus vaaj tse. Muaj neeg luz qha tu tuz npluanuj has tas, koj tuz thiaj tusqhe muas koj tej nyaj coj muz sib phuad laad ntsuab liad, 2yog ni qhai, tuz npluanuj txiad hu tuz thiaj tusqhe luz has has tu niz tas, ‘Zaaj kwg kud hnob koj ua qhai yog nyaab tag? Koj ca ni muas tej ntaws ntiab kwg teeb tej nyaj luz tu kud, tu qhob kud tsi yuab koj ua kud tej hujlwd liad.’ 3Tuz thiaj tusqhe qhai xaab has tas, ‘Kud tuz tswb ted yiad rhu kud tiad hujlwd, kud yiad ua nyaab ha zoo? Kud yiad muz khiaj aab los tsi muaj zug, yiad muz thob khiab noj los thwstxaaj. 4Nizna, kud paws has tas kud yiad ua nyaab, thaws tuz tswb tsi pus kud ua hujlwd liad, ha muaj neeg hu kud muz hub cud tej tseb.’ 5Niz txiad hu tuadtxhij kwg tshuab niz tuz tswb nqai is tug zuj zug tuaj cuag niz. Niz noog thiaj tuz has tas, ‘Koj tshuab tuz tswb nqai npawd nyaab?’ 6Tuz qhai tes has tas, ‘Kud tshuab niz is puas thoos roj.’ Tuz thiaj tusqhe has tu tuz qhai tas, ‘Daid ntiab na yog daid kwg koj tshuab nqai, koj ca ni muz nyos tuasyws has saw kas ua tsis cawg thoos.’ 7Tuz thiaj tusqhe txiad noog kua is tug has tas, ‘Koj tshuab npawd nyaab?’ Tuz qhai tes has tas, ‘Kud tshuab is txhas hnaas nplej.’ Tuz thiaj tusqhe has tu tuz qhai tas, ‘Daid ntiab na yog daid kwg koj tshuab nqai, koj ca ni saw ua yig cawd hnaas.’ 8Tuz tswb qhuas tuz thiaj tusqhe kwg tsi ncaaj has tas, tuz tusqhe qhai muaj tswbyid heeb ni; tu qhob cob neeg kwg nyos hub ntajtes na muaj tswbyid ua hujlwd nrug tu cud tad neeg heeb kua cob neeg kwg nyos qhob pud keb.”
9Yexus has ntxib tas, “Yog ni qhai kud qha tu mej has tas, mej yiadtsud muas tej nyaj hub ntajtes na coj muz zeed phoojywz. Thaws mej tej nyaj taaz liad, cob neeg qhai ha yiad toz txais mej muz tu qhais lus tseb kwg nyos muz is txhis. 10Tuz kwg ua ncaaj tu tej yaad tsiag, niz yeej yiad ua ncaaj tu yaad ntaw has; tuz kwg ua tsi ncaaj tu tej yaad tsiag, niz yeej yiad ua tsi ncaaj tu tej yaad ntaw has. 11Tej nyaj hub ntajtes na, mej ted sib tsi ncaaj. Yog ni qhai, tuz twg yiad muas tej kwg tseedcees kua tej nyaj qhai tu mej has. 12Has yog mej ua tsi ncaaj tu tej kwg yog lwd tuz tis, tuz twg yiad muas tej kwg yog mej tuz tu mej?
13“Yeej tsi muaj is tug tusqhe yiad ua hujlwd taw tu os tug tswb. Yog niz ua ni qhai, Niz yiad heed is tug has nyad is tug; niz yiad fwd is tug has nuad tsi tawz is tug. Yog mej yiad muas Vaajtswb has nyaj txag nuad luj is yaad nkaws yeej tsi taw ni.”
Yexus Ntuaz Cob Falixais
14Thaws cob Falixais hnob Yexus qha tej qhai, cud txiad thuad Yexus, tu qhob cud yog cob kwg ntshia nyaj. 15Yexus has tu cud tas, “Mej yog cob neeg kwg ua txuj ua kuas tuadtxhij xaab has tas mej yog neeg zoo, tadsis Vaajtswb ted paws mej lus sas taaz liad. Tu qhob tej kwg neeg xaab has tas muaj nqaid, tej qhai Vaajtswb pud has tas tsi muaj nqaid.
16“Txhua tuz coj Mawxes txuj Kebcai has tej luz qha kwg cob ceb Vaajtswb luz saw tseg luz txug lus sijhiad kwg Yawhaas tuz kwg muas neeg ua kebcai raws dej luz qha, txij thaws qhai luz muaj neeg muz qha Txuj Moo Zoo kwg has txug Vaajtswb lus teschias, ces tuadtxhij sis txees muz tu hub lus teschias qhai. 17Yog ua kuas lus ntajtes has lus ntuj puadtsuaj muz, yoojyid kua ni rhuab Mawxes txuj Kebcai is tug tsaj ntiab laidtaa.
18“Yog tuz twg muas niz tuz puj nrawj liad has muz yuab kua puj, kuj yog niz ua txhud keb nkawj keb nrawg; has yog tuz twg muz yuab is tug puj nrawj, kuj yog niz ua txhud keb nkawj keb nrawg is yaad nkaws.
Tuz Npluanuj has Laxalus
19“Muaj is tug npluanuj, niz hnaab tej tsooz tsho zoo zoo kwg kid kid, has naj hnoos muaj noj muaj haw tsi txiaj taaz. 20Muaj is tug yiag pluag pluag npe hu ua Laxalus, niz isce mos ua pawg taaz, lag pheej coj niz tuaj tso tu qhais tuz npluanuj is saas qhob rooj. 21Niz xaab has tas niz yiad taw noj tej mo kwg poos saw tuz npluanuj lus rooj luz, txiad yog niz txodnyed npawd ni qhai los deb tseed luz yaid niz tej qhob zuz has. 22Thaws tuz txodnyed qhai tuag, cob tidtswb luz coj niz muz nyos qhais Anplahaas is saas. Thaws tuz npluanuj tuag, lag coj niz muz loz, 23has niz rawg txodnyed nyos hub tustuag tes.#16.23 Tustuag tes: Yog qhob chia kwg cob neeg tuag muz nyos. Niz tsaa qhobmuag nuad saw, niz pud Anplahaas nyos kes kes, has pud Laxalus nyos qhais Anplahaas is saas. 24Tuz npluanuj hu has tas, ‘Vaid Anplahaas! Thob koj hlus kud, has txis Laxalus muas niz tuz ntibtez muz tus dej tuaj tu kud tuz nplaid kuas laaj isntsis, tu qhob kud nyos hub cob nplaid tiag na, kud txodnyed heeb ni!’ 25Tadsis Anplahaas tes has tas, ‘Mitus, koj puas ncu thaws koj tseed ua neej nyos, koj muaj noj muaj hnaab, Laxalus txodnyed tsi muaj daastsi ni. Nizna niz taw zoo, koj ho muz nyos hub qhob txodnyed. 26Tsi taaz ni qhai nyaz, tseed muaj is tug kwj tug tug quas pes has mej liad, cob saas tid pes na yiad tuaj tusaas tid mej los yeej tsi taw, has cob saas tid mej yiad hlaa tuaj tusaas tid pes na los yeej tsi taw.’ 27Tuz npluanuj has tas, ‘Vaid Anplahaas, thob koj txis Laxalus rob muz kuas txug kud vaid tseb, 28kud tshuab tsis tug kwbtij, kuas Laxalus muz qha tu cud, nyos tsaad cud yiad taw luz nyos hub qhob txodnyed na has.’ 29Anplahaas tes has tas, ‘Koj cob kwbtij ted muaj Mawxes txuj Kebcai has tej luz kwg cob ceb Vaajtswb luz saw tseg liad, ca cud coj rias ni tej luz qhai.’ 30Tuz npluanuj tes has tas, ‘Vaid Anplahaas, tsi yog ni qhai, yog is tug kwg tuag liad, siab rob muz qha tu cud, cud has tso cud tej keb txhud tseg.’ 31Tadsis Anplahaas has tas, ‘Yog cud tsi noog Mawxes has cob kwg ceb Vaajtswb lug tej luz qha, ces txiad yog is tug kwg tuag liad siab rob qaas muz qha tu cud los cud yeej yiad tsi ntseeg ni.’ ”
Селектирано:
Lukas 16: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.
Lukas 16
16
Tuz Thiaj Tusqhe Kwg Sas tsi Ncaaj
1Yexus has tu niz cob thwjtid has tas, “Muaj is tug neeg npluanuj, niz muaj is tug thiaj tusqhe kwg nuad niz lus vaaj tse. Muaj neeg luz qha tu tuz npluanuj has tas, koj tuz thiaj tusqhe muas koj tej nyaj coj muz sib phuad laad ntsuab liad, 2yog ni qhai, tuz npluanuj txiad hu tuz thiaj tusqhe luz has has tu niz tas, ‘Zaaj kwg kud hnob koj ua qhai yog nyaab tag? Koj ca ni muas tej ntaws ntiab kwg teeb tej nyaj luz tu kud, tu qhob kud tsi yuab koj ua kud tej hujlwd liad.’ 3Tuz thiaj tusqhe qhai xaab has tas, ‘Kud tuz tswb ted yiad rhu kud tiad hujlwd, kud yiad ua nyaab ha zoo? Kud yiad muz khiaj aab los tsi muaj zug, yiad muz thob khiab noj los thwstxaaj. 4Nizna, kud paws has tas kud yiad ua nyaab, thaws tuz tswb tsi pus kud ua hujlwd liad, ha muaj neeg hu kud muz hub cud tej tseb.’ 5Niz txiad hu tuadtxhij kwg tshuab niz tuz tswb nqai is tug zuj zug tuaj cuag niz. Niz noog thiaj tuz has tas, ‘Koj tshuab tuz tswb nqai npawd nyaab?’ 6Tuz qhai tes has tas, ‘Kud tshuab niz is puas thoos roj.’ Tuz thiaj tusqhe has tu tuz qhai tas, ‘Daid ntiab na yog daid kwg koj tshuab nqai, koj ca ni muz nyos tuasyws has saw kas ua tsis cawg thoos.’ 7Tuz thiaj tusqhe txiad noog kua is tug has tas, ‘Koj tshuab npawd nyaab?’ Tuz qhai tes has tas, ‘Kud tshuab is txhas hnaas nplej.’ Tuz thiaj tusqhe has tu tuz qhai tas, ‘Daid ntiab na yog daid kwg koj tshuab nqai, koj ca ni saw ua yig cawd hnaas.’ 8Tuz tswb qhuas tuz thiaj tusqhe kwg tsi ncaaj has tas, tuz tusqhe qhai muaj tswbyid heeb ni; tu qhob cob neeg kwg nyos hub ntajtes na muaj tswbyid ua hujlwd nrug tu cud tad neeg heeb kua cob neeg kwg nyos qhob pud keb.”
9Yexus has ntxib tas, “Yog ni qhai kud qha tu mej has tas, mej yiadtsud muas tej nyaj hub ntajtes na coj muz zeed phoojywz. Thaws mej tej nyaj taaz liad, cob neeg qhai ha yiad toz txais mej muz tu qhais lus tseb kwg nyos muz is txhis. 10Tuz kwg ua ncaaj tu tej yaad tsiag, niz yeej yiad ua ncaaj tu yaad ntaw has; tuz kwg ua tsi ncaaj tu tej yaad tsiag, niz yeej yiad ua tsi ncaaj tu tej yaad ntaw has. 11Tej nyaj hub ntajtes na, mej ted sib tsi ncaaj. Yog ni qhai, tuz twg yiad muas tej kwg tseedcees kua tej nyaj qhai tu mej has. 12Has yog mej ua tsi ncaaj tu tej kwg yog lwd tuz tis, tuz twg yiad muas tej kwg yog mej tuz tu mej?
13“Yeej tsi muaj is tug tusqhe yiad ua hujlwd taw tu os tug tswb. Yog niz ua ni qhai, Niz yiad heed is tug has nyad is tug; niz yiad fwd is tug has nuad tsi tawz is tug. Yog mej yiad muas Vaajtswb has nyaj txag nuad luj is yaad nkaws yeej tsi taw ni.”
Yexus Ntuaz Cob Falixais
14Thaws cob Falixais hnob Yexus qha tej qhai, cud txiad thuad Yexus, tu qhob cud yog cob kwg ntshia nyaj. 15Yexus has tu cud tas, “Mej yog cob neeg kwg ua txuj ua kuas tuadtxhij xaab has tas mej yog neeg zoo, tadsis Vaajtswb ted paws mej lus sas taaz liad. Tu qhob tej kwg neeg xaab has tas muaj nqaid, tej qhai Vaajtswb pud has tas tsi muaj nqaid.
16“Txhua tuz coj Mawxes txuj Kebcai has tej luz qha kwg cob ceb Vaajtswb luz saw tseg luz txug lus sijhiad kwg Yawhaas tuz kwg muas neeg ua kebcai raws dej luz qha, txij thaws qhai luz muaj neeg muz qha Txuj Moo Zoo kwg has txug Vaajtswb lus teschias, ces tuadtxhij sis txees muz tu hub lus teschias qhai. 17Yog ua kuas lus ntajtes has lus ntuj puadtsuaj muz, yoojyid kua ni rhuab Mawxes txuj Kebcai is tug tsaj ntiab laidtaa.
18“Yog tuz twg muas niz tuz puj nrawj liad has muz yuab kua puj, kuj yog niz ua txhud keb nkawj keb nrawg; has yog tuz twg muz yuab is tug puj nrawj, kuj yog niz ua txhud keb nkawj keb nrawg is yaad nkaws.
Tuz Npluanuj has Laxalus
19“Muaj is tug npluanuj, niz hnaab tej tsooz tsho zoo zoo kwg kid kid, has naj hnoos muaj noj muaj haw tsi txiaj taaz. 20Muaj is tug yiag pluag pluag npe hu ua Laxalus, niz isce mos ua pawg taaz, lag pheej coj niz tuaj tso tu qhais tuz npluanuj is saas qhob rooj. 21Niz xaab has tas niz yiad taw noj tej mo kwg poos saw tuz npluanuj lus rooj luz, txiad yog niz txodnyed npawd ni qhai los deb tseed luz yaid niz tej qhob zuz has. 22Thaws tuz txodnyed qhai tuag, cob tidtswb luz coj niz muz nyos qhais Anplahaas is saas. Thaws tuz npluanuj tuag, lag coj niz muz loz, 23has niz rawg txodnyed nyos hub tustuag tes.#16.23 Tustuag tes: Yog qhob chia kwg cob neeg tuag muz nyos. Niz tsaa qhobmuag nuad saw, niz pud Anplahaas nyos kes kes, has pud Laxalus nyos qhais Anplahaas is saas. 24Tuz npluanuj hu has tas, ‘Vaid Anplahaas! Thob koj hlus kud, has txis Laxalus muas niz tuz ntibtez muz tus dej tuaj tu kud tuz nplaid kuas laaj isntsis, tu qhob kud nyos hub cob nplaid tiag na, kud txodnyed heeb ni!’ 25Tadsis Anplahaas tes has tas, ‘Mitus, koj puas ncu thaws koj tseed ua neej nyos, koj muaj noj muaj hnaab, Laxalus txodnyed tsi muaj daastsi ni. Nizna niz taw zoo, koj ho muz nyos hub qhob txodnyed. 26Tsi taaz ni qhai nyaz, tseed muaj is tug kwj tug tug quas pes has mej liad, cob saas tid pes na yiad tuaj tusaas tid mej los yeej tsi taw, has cob saas tid mej yiad hlaa tuaj tusaas tid pes na los yeej tsi taw.’ 27Tuz npluanuj has tas, ‘Vaid Anplahaas, thob koj txis Laxalus rob muz kuas txug kud vaid tseb, 28kud tshuab tsis tug kwbtij, kuas Laxalus muz qha tu cud, nyos tsaad cud yiad taw luz nyos hub qhob txodnyed na has.’ 29Anplahaas tes has tas, ‘Koj cob kwbtij ted muaj Mawxes txuj Kebcai has tej luz kwg cob ceb Vaajtswb luz saw tseg liad, ca cud coj rias ni tej luz qhai.’ 30Tuz npluanuj tes has tas, ‘Vaid Anplahaas, tsi yog ni qhai, yog is tug kwg tuag liad, siab rob muz qha tu cud, cud has tso cud tej keb txhud tseg.’ 31Tadsis Anplahaas has tas, ‘Yog cud tsi noog Mawxes has cob kwg ceb Vaajtswb lug tej luz qha, ces txiad yog is tug kwg tuag liad siab rob qaas muz qha tu cud los cud yeej yiad tsi ntseeg ni.’ ”
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.