Yawhaas 3
3
Yexus has Nikawdemaws
1Cob Yudais muaj is tug thiajcoj hu ua Nikawdemaws, niz yog is tug qhai cob Falixais. 2Muaj is hmos niz tuaj cuag Yexus has has tu Yexus has tas, “Lanpis, pes paws has tas koj yog tuz xisfws kwg Vaajtswb txis luz. Tsi muaj tuz twg ua taw tej txujci tseedcees kwg koj ua na, tsuas yog tuz kwg Vaajtswb nrug niz, tuz qhai has ua taw nyaz.”
3Yexus tes has tas, “Kud qha tsees tu koj has tas, yog tuz twg tsi yug kua tshas,#3.3 yug kua tshas; lossis luz saw ntuj luz. tuz qhai yeej tsi pud Vaajtswb lus Teschias ni.”
4Nikawdemaws noog Yexus has tas, “Is tus neeg lawz liad, yiad ua nyaab rob yug kua tshas taw? Niz yeej muz tsi taw tu hub niz nad plaas has rob yug kua is zag!”
5Yexus tes has tas, “Kud qha tsees tu koj has tas, tuz neeg kwg tsi taw yug luz qhai dej has qhai Vaaj Ntsujplig, tuz qhai yeej muz tsi taw Vaajtswb lus Teschias ni. 6Tuz kwg yog neeg yug yeej yog neeg, tadsis tuz kwg yug luz qhai Vaaj Ntsujplig yeej yog ntsujplig. 7Koj tsi xod poos sas tu tej luz kwg kud qha tu koj has tas, tuadtxhij yiadtsud yug kua tshas.#3.7 yug kua tshas; lossis luz saw ntuj luz. 8Cua yiad ntsiaj muz saas twg los yeej taw; koj hnob cua tuaj, tadsis cua tuaj qhob twg tuaj lossis cua muz qhob twg koj yeej tsi paws. Txhua tuz kwg yug luz qhai Vaaj Ntsujplig zoo is yaad nkaws ni qhai.”
9Nikawdemaws noog Yexus has tas, “Yiad ua nyaab has muaj taw rias ni koj has ko?”
10Yexus tes has tas, “Koj ted yog cob Yixalayees is tug xisfws, ua nyaab koj tseed tsi paws tej na has? 11Kud qha tsees tu koj has tas: pes has tej kwg pes paws has ua tidkhiab txug tej kwg pes pud nyaz los mej yeej tsi muaj is tug ntseeg tej luz kwg pes qha ni. 12Kud qha mej txug tej yaad kwg nyos hub lus ntajtes na nyaz, mej ted tsi ntseeg; yog kud tseed qha tej yaad kwg nyos saw ntuj ceestsheej mej hajyaad yiad tsi ntseeg. 13Has yeej tsi taw muaj tuz twg muz txug saw ntuj ceestsheej ni, tsuas yog Neeg Leej Tus nyaz, niz txiad nqaiz luz saw ntuj ceestsheej luz.
14Mawxes tsaa tuz naas tooj tu saw tuz ncej tod taj suaspuad nyaab, lag yiad muas Neeg Leej Tus dlai is yaad ni qhai, 15yog ni qhai, tuadtxhij kwg ntseeg niz yiad taw txujsa nteb muz is txhis. 16Tu qhob Vaajtswb hlus neeg ntajtes heeb ni, niz has txis niz tuas tuz Tus luz tu hub ntajtes, tuz kwg ntseeg niz tuz Tus yiad tsi tuag, tadsis yiad taw txujsa nteb muz is txhis. 17Qhob kwg Vaajtswb txis niz leej Tus luz tu hub ntajtes na, tsi yog luz txabtxid tu neeg ntajtes, tadsis yog luz ciad neeg ntajtes kuas cud kig cud lus txid.
18Tuz kwg ntseeg Leej Tus yiad tsi rawg txabtxid; tadsis tuz kwg tsi ntseeg ted rawg txabtxid liad, tu qhob niz tsi ntseeg Vaajtswb tuas tug Tus. 19Qhob kwg txabtxid yog ni na: qhob kaaj ted luz tu hub lus ntajtes liad, tadsis neeg nyad qhob tsaws ntuj heeb kua nyad qhob kaaj, tu qhob cud nyad ua phed ua qas. 20Tuz kwg nyad ua phed ua qas, yeej tsi nyad qhob kaaj has tsi luz nyos hub qhob kaaj, tu qhob cud tsi xaab kuas tuadtxhij pud cud tej keb phed keb qas. 21Tadsis tus kwg nyad ua rias ni qhob tsees yeej luz nyos hub qhob kaaj, kuas tuadtxhij pud has tas niz ua niz tez hujlwd rias ni Vaajtswb lus sas nyad.”
Yexus has Yawhaas
22Tod qaas qhai, Yexus has niz cob thwjtid muz tu nraaz xeeb Yudais, Yexus nrug cud nyos taw is ntus has muas neeg ua kebcai raws dej. 23Thaws qhai, Yawhaas muas neeg ua kebcai raws dej hub lus zoz Ainoos kwg nyos tsi kes qhai lus zoz Xalimes has, tu qhob nyos qhais muaj dej ntaw. Neeg naj hnoostuaj cuag Yawhaas, has thob Yawhaas muas cud ua kebcai raws dej. 24(Thaws qhai lag tseed tsi taw coj Yawhaas muz kia tu hub tseb yuajphuas.)
25Yawhaas cob thwjtid qeetuz nrug is tug neeg Yudais#3.25 is tug neeg Yudais; tej phaw qus has tas cob Yudais qeetuz. sis caab has txug txuj kebcai ntxuab. 26Yog ni qhai, cud txiad muz cuag Yawhaas has has tas, “Xisfws, koj puas ncu qaas tuz yiag kwg nrug koj ua ke qhai tuz dej Yawladees saas hnoostuaj kwg koj ua tidkhiab txug? Taadsij na niz taastod muas neeg ua kebcai raws dej, has tuadtxhij puabtsig muz cuag niz!”
27Yawhaas tes has tas, “Txhua yaad kwg neeg muaj puabtsig yog Vaajtswb pus tu cud. 28Mej yeej hnob kud has tas, ‘Kud tsi yog tuz Mexiyas, tadsis kud yog tuz kwg Vaajtswb txis luz ua niz ntej nyaz, mej tuadtxhij yeej ua taw tidkhiab ni qhai!’ 29Tuz nkawj nyaas yog tuz nrawd vawb puj; tadsis tuz phijlaaj tsuas yog tuz kwg siab is saas ua lag has noog nyaz, thaws niz hnob tuz nrawd vawb tej luz, niz zoo sas heeb. Nizna kud zoo sas is yaad nkaws ni qhai. 30Niz yiad muaj fwjchid luj zuj zug, tadsis kud lus fwjchid yiad yaw zuj zug.”
Tuz Kwg Luz saw Ntuj Luz
31Tuz kwg luz saw ntuj luz, niz muaj fwjchid luj kua tuadtxhij. Tuz kwg nyos hub ntajtes, niz yeej yog neeg ntajtes has has neeg ntajtes zaaj, tadsis tuz kwg luz saw ntuj luz, niz muaj fwjchid luj kua is puas tsaab yaad. 32Niz ua tidkhiab tej kwg niz pud has tej kwg niz hnob tu tuadtxhij noog, tadsis tsi muaj tuz twg ntseeg niz tej luz. 33Tadsis tuz kwg ntseeg niz tej luz tidkhiab, tuz qhai yeej ntseeg has tas Vaajtswb yog tuz ncaajnceeg. 34Tuz kwg Vaajtswb txis luz, niz yeej has Vaajtswb tej luz, tu qhob Vaajtswb pus Vaajtswb tuz Ntsujplig pub npo tu tuz qhai. 35Tug Vaid hlus niz leej Tus heeb ni has muas is puas tsaab yaad tso tu niz kaab hubtsig. 36Tuz kwg ntseeg leej Tus yiad taw txujsa nteb dhaw muz is txhis; tadsis tuz kwg tsi noog leej Tus lug, yiad tsi taw txujsa, Vaajtswb yiad raw txid tu tuz qhai.
Селектирано:
Yawhaas 3: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.
Yawhaas 3
3
Yexus has Nikawdemaws
1Cob Yudais muaj is tug thiajcoj hu ua Nikawdemaws, niz yog is tug qhai cob Falixais. 2Muaj is hmos niz tuaj cuag Yexus has has tu Yexus has tas, “Lanpis, pes paws has tas koj yog tuz xisfws kwg Vaajtswb txis luz. Tsi muaj tuz twg ua taw tej txujci tseedcees kwg koj ua na, tsuas yog tuz kwg Vaajtswb nrug niz, tuz qhai has ua taw nyaz.”
3Yexus tes has tas, “Kud qha tsees tu koj has tas, yog tuz twg tsi yug kua tshas,#3.3 yug kua tshas; lossis luz saw ntuj luz. tuz qhai yeej tsi pud Vaajtswb lus Teschias ni.”
4Nikawdemaws noog Yexus has tas, “Is tus neeg lawz liad, yiad ua nyaab rob yug kua tshas taw? Niz yeej muz tsi taw tu hub niz nad plaas has rob yug kua is zag!”
5Yexus tes has tas, “Kud qha tsees tu koj has tas, tuz neeg kwg tsi taw yug luz qhai dej has qhai Vaaj Ntsujplig, tuz qhai yeej muz tsi taw Vaajtswb lus Teschias ni. 6Tuz kwg yog neeg yug yeej yog neeg, tadsis tuz kwg yug luz qhai Vaaj Ntsujplig yeej yog ntsujplig. 7Koj tsi xod poos sas tu tej luz kwg kud qha tu koj has tas, tuadtxhij yiadtsud yug kua tshas.#3.7 yug kua tshas; lossis luz saw ntuj luz. 8Cua yiad ntsiaj muz saas twg los yeej taw; koj hnob cua tuaj, tadsis cua tuaj qhob twg tuaj lossis cua muz qhob twg koj yeej tsi paws. Txhua tuz kwg yug luz qhai Vaaj Ntsujplig zoo is yaad nkaws ni qhai.”
9Nikawdemaws noog Yexus has tas, “Yiad ua nyaab has muaj taw rias ni koj has ko?”
10Yexus tes has tas, “Koj ted yog cob Yixalayees is tug xisfws, ua nyaab koj tseed tsi paws tej na has? 11Kud qha tsees tu koj has tas: pes has tej kwg pes paws has ua tidkhiab txug tej kwg pes pud nyaz los mej yeej tsi muaj is tug ntseeg tej luz kwg pes qha ni. 12Kud qha mej txug tej yaad kwg nyos hub lus ntajtes na nyaz, mej ted tsi ntseeg; yog kud tseed qha tej yaad kwg nyos saw ntuj ceestsheej mej hajyaad yiad tsi ntseeg. 13Has yeej tsi taw muaj tuz twg muz txug saw ntuj ceestsheej ni, tsuas yog Neeg Leej Tus nyaz, niz txiad nqaiz luz saw ntuj ceestsheej luz.
14Mawxes tsaa tuz naas tooj tu saw tuz ncej tod taj suaspuad nyaab, lag yiad muas Neeg Leej Tus dlai is yaad ni qhai, 15yog ni qhai, tuadtxhij kwg ntseeg niz yiad taw txujsa nteb muz is txhis. 16Tu qhob Vaajtswb hlus neeg ntajtes heeb ni, niz has txis niz tuas tuz Tus luz tu hub ntajtes, tuz kwg ntseeg niz tuz Tus yiad tsi tuag, tadsis yiad taw txujsa nteb muz is txhis. 17Qhob kwg Vaajtswb txis niz leej Tus luz tu hub ntajtes na, tsi yog luz txabtxid tu neeg ntajtes, tadsis yog luz ciad neeg ntajtes kuas cud kig cud lus txid.
18Tuz kwg ntseeg Leej Tus yiad tsi rawg txabtxid; tadsis tuz kwg tsi ntseeg ted rawg txabtxid liad, tu qhob niz tsi ntseeg Vaajtswb tuas tug Tus. 19Qhob kwg txabtxid yog ni na: qhob kaaj ted luz tu hub lus ntajtes liad, tadsis neeg nyad qhob tsaws ntuj heeb kua nyad qhob kaaj, tu qhob cud nyad ua phed ua qas. 20Tuz kwg nyad ua phed ua qas, yeej tsi nyad qhob kaaj has tsi luz nyos hub qhob kaaj, tu qhob cud tsi xaab kuas tuadtxhij pud cud tej keb phed keb qas. 21Tadsis tus kwg nyad ua rias ni qhob tsees yeej luz nyos hub qhob kaaj, kuas tuadtxhij pud has tas niz ua niz tez hujlwd rias ni Vaajtswb lus sas nyad.”
Yexus has Yawhaas
22Tod qaas qhai, Yexus has niz cob thwjtid muz tu nraaz xeeb Yudais, Yexus nrug cud nyos taw is ntus has muas neeg ua kebcai raws dej. 23Thaws qhai, Yawhaas muas neeg ua kebcai raws dej hub lus zoz Ainoos kwg nyos tsi kes qhai lus zoz Xalimes has, tu qhob nyos qhais muaj dej ntaw. Neeg naj hnoostuaj cuag Yawhaas, has thob Yawhaas muas cud ua kebcai raws dej. 24(Thaws qhai lag tseed tsi taw coj Yawhaas muz kia tu hub tseb yuajphuas.)
25Yawhaas cob thwjtid qeetuz nrug is tug neeg Yudais#3.25 is tug neeg Yudais; tej phaw qus has tas cob Yudais qeetuz. sis caab has txug txuj kebcai ntxuab. 26Yog ni qhai, cud txiad muz cuag Yawhaas has has tas, “Xisfws, koj puas ncu qaas tuz yiag kwg nrug koj ua ke qhai tuz dej Yawladees saas hnoostuaj kwg koj ua tidkhiab txug? Taadsij na niz taastod muas neeg ua kebcai raws dej, has tuadtxhij puabtsig muz cuag niz!”
27Yawhaas tes has tas, “Txhua yaad kwg neeg muaj puabtsig yog Vaajtswb pus tu cud. 28Mej yeej hnob kud has tas, ‘Kud tsi yog tuz Mexiyas, tadsis kud yog tuz kwg Vaajtswb txis luz ua niz ntej nyaz, mej tuadtxhij yeej ua taw tidkhiab ni qhai!’ 29Tuz nkawj nyaas yog tuz nrawd vawb puj; tadsis tuz phijlaaj tsuas yog tuz kwg siab is saas ua lag has noog nyaz, thaws niz hnob tuz nrawd vawb tej luz, niz zoo sas heeb. Nizna kud zoo sas is yaad nkaws ni qhai. 30Niz yiad muaj fwjchid luj zuj zug, tadsis kud lus fwjchid yiad yaw zuj zug.”
Tuz Kwg Luz saw Ntuj Luz
31Tuz kwg luz saw ntuj luz, niz muaj fwjchid luj kua tuadtxhij. Tuz kwg nyos hub ntajtes, niz yeej yog neeg ntajtes has has neeg ntajtes zaaj, tadsis tuz kwg luz saw ntuj luz, niz muaj fwjchid luj kua is puas tsaab yaad. 32Niz ua tidkhiab tej kwg niz pud has tej kwg niz hnob tu tuadtxhij noog, tadsis tsi muaj tuz twg ntseeg niz tej luz. 33Tadsis tuz kwg ntseeg niz tej luz tidkhiab, tuz qhai yeej ntseeg has tas Vaajtswb yog tuz ncaajnceeg. 34Tuz kwg Vaajtswb txis luz, niz yeej has Vaajtswb tej luz, tu qhob Vaajtswb pus Vaajtswb tuz Ntsujplig pub npo tu tuz qhai. 35Tug Vaid hlus niz leej Tus heeb ni has muas is puas tsaab yaad tso tu niz kaab hubtsig. 36Tuz kwg ntseeg leej Tus yiad taw txujsa nteb dhaw muz is txhis; tadsis tuz kwg tsi noog leej Tus lug, yiad tsi taw txujsa, Vaajtswb yiad raw txid tu tuz qhai.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.