Yawhaas 2
2
Ua Tshoos hub Lus Zoz Kanas
1Taw os hnoos tod qaas, muaj neeg ua is rooj tshoos hub lus zoz Kanas kwg nyos hub xeeb Kalilais. Yexus nad muz nrug cud noj tshoos, 2cud hu Yexus has niz cob thwjtid muz kood has. 3Thaws ciab txib hmaas taaz liad, Yexus nad has tu Yexus has tas, “Cud cob ciab txib hmaas taaz liad.”
4Yexus tes has tas, “Tsis taaz koj yiad has ni ko tu kud, tseed tsi taw txug kud lus sijhiad.”
5Ces Yexus nad has tu cob tusqhe has tas, “Niz kuas mej ua daastsi, mej ca ni ua rias ni niz has.”
6Cob Yudais istxwd ua kebcai ntxuab, yog ni qhai txiad muaj raw lus hus dej nyos qhais, cob hus qhai is lus twg ntid taw os lossis pes thoos dej. 7Yexus has tu cob tusqhe has tas, “Mej ca ni muz nqaa dej luz laws kuas pub nkaws cob hus na.” Ces cud txiad muz nqaa dej luz laws pub nkaws tu hub cob hus qhai, 8has Yexus has tu cud tas, “Mej ca ni has isntsis coj muz tu tuz kaabxwd.” Cud txiad has isntsis coj muz tu tuz kaabxwd. 9Thaws tuz kaabxwd saaj cob dej kwg ted txa ua ciab txib hmaas qhai liad. Niz tsi paws has tas muas cob ciab txib hmaas qhai qhob twg luz (tadsis cob tusqhe kwg has cob dej qhai ted paws liad); yog ni qhai, tuz kaabxwd txiad hu tuz nrawg vawb luz 10has has tu niz tas, “Txhua tuz yeej muas cob ciab kwg qaas luz haws ua ntej, has thaws cud haws ntaw liad maad ni muas cob kwg tsi tshua qaa luz haws, tadsis koj ceeb cob kwg qaa luz txug nizna.”
11Thiaj zag txujci tseedcees na, Yexus ua hub lus zoz Kanas kwg nyos hub xeeb Kalilais; niz ua ni qhai qha niz lus fwjchid tu tuadtxhij pud, has niz cob thwjtid pud ni qhai cud ntseeg niz.
12Tod qaas qhai, Yexus has niz nad, niz cob kwb, has niz cob thwjtid txiad muz tu hub lus zoz Kapena-us has cud nyos hub taw os pes hnoos.
Yexus Muz tu hub Lus Tuadtseb
13Thaws yiad txug lus caij kwg cob neeg Yudais ua Kebcai Hlaa Dhaw, Yexus txiad muz nraaz lus nroog Yeluxalees. 14Yexus pud tej neeg tuaj muas nyuj, yaaj, nquas, has cob neeg hlub nyaj nyos npliag nta qhai cud tej rooj qhais lus Tuadtseb lus tshaab puad. 15Yog ni qhai, Yexus muas is cob hlua ntswj kas ua is raas npliad has rias cud tej nyuj has tej yaaj tiad qhai lus Tuadtseb hubtsig muz; niz muas cob neeg hlub nyaj tej rooj ntxeeb pes hlo ua tu cud tej nyaj poos dias vod; 16has Yexus has tu cob neeg muas nquas has tas, “Mej ca ni nqaa mej tej nquas tsib qhai na muz! Tseg kas tsi xod tuaj muas kud Vaid lus tseb ua chia ua laaz ua luad is zag ni.” 17Thaws Yexus cob thwjtid pud ni qhai, cud ncu dheeb txug Vaajtswb Txujlug kwg has tas, “Vaajtswb, kud mos sas koj lus tseb heeb, is yaad ni hluabtiaz kud hub kud lus sas.”
18Cob Yudais tej nudtswb luz noog Yexus has tas, “Koj puas ua taw tej txujci tseedcees qha tu pes has tas koj muaj cai tuaj ua ni na?”
19Yexus tes has tas, “Mej ca ni muas lus Tuadtseb na rhuab laidtaa, has pes hnoos nyaz kud yiad rob ua taw kua is lus tshas.”
20Cob neeg Yudais has tu Yexus tas, “Lus Tuadtseb na pes ua taw plaws cawg raw xyoo ha ni tab, pes hnoos nyaz koj puas yiad ua taw is lus?”
21Tadsis lus Tuadtseb kwg Yexus has qhai, yog has txug niz lus ceb. 22Yog ni qhai, thaws Vaajtswb tsaa Yexus siab hub qhob tuag rob qaas luz liad, Yexus cob thwjtid ncu dheeb txug tej luz kwg niz has qhai, cud txiad ntseeg Vaajtswb Txujlug kwg lag saw tseg has Yexus tej luz.
Yexus Paws tej Kwg Neeg Lus Sas Xaab
23Thaws lus sijhiad kwg tuadtxhij ua Kebcai Hlaa Dhaw qhai, Yexus tseed nyos hub lus nroog Yeluxalees, muaj neeg coos coos luz ntseeg Niz, tu qhob cud pud tej txujci tseedcees kwg Niz ua. 24Tadsis Yexus tsi ntseeg cud sas, tu qhob niz yeej paws tuadtxhij lus sas liad. 25Tsi taaz tuz twg yiad qha niz lus sas tu Yexus ni, tu qhob Yexus yeej paws tuadtxhij lus sas xaab liad.
Селектирано:
Yawhaas 2: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.
Yawhaas 2
2
Ua Tshoos hub Lus Zoz Kanas
1Taw os hnoos tod qaas, muaj neeg ua is rooj tshoos hub lus zoz Kanas kwg nyos hub xeeb Kalilais. Yexus nad muz nrug cud noj tshoos, 2cud hu Yexus has niz cob thwjtid muz kood has. 3Thaws ciab txib hmaas taaz liad, Yexus nad has tu Yexus has tas, “Cud cob ciab txib hmaas taaz liad.”
4Yexus tes has tas, “Tsis taaz koj yiad has ni ko tu kud, tseed tsi taw txug kud lus sijhiad.”
5Ces Yexus nad has tu cob tusqhe has tas, “Niz kuas mej ua daastsi, mej ca ni ua rias ni niz has.”
6Cob Yudais istxwd ua kebcai ntxuab, yog ni qhai txiad muaj raw lus hus dej nyos qhais, cob hus qhai is lus twg ntid taw os lossis pes thoos dej. 7Yexus has tu cob tusqhe has tas, “Mej ca ni muz nqaa dej luz laws kuas pub nkaws cob hus na.” Ces cud txiad muz nqaa dej luz laws pub nkaws tu hub cob hus qhai, 8has Yexus has tu cud tas, “Mej ca ni has isntsis coj muz tu tuz kaabxwd.” Cud txiad has isntsis coj muz tu tuz kaabxwd. 9Thaws tuz kaabxwd saaj cob dej kwg ted txa ua ciab txib hmaas qhai liad. Niz tsi paws has tas muas cob ciab txib hmaas qhai qhob twg luz (tadsis cob tusqhe kwg has cob dej qhai ted paws liad); yog ni qhai, tuz kaabxwd txiad hu tuz nrawg vawb luz 10has has tu niz tas, “Txhua tuz yeej muas cob ciab kwg qaas luz haws ua ntej, has thaws cud haws ntaw liad maad ni muas cob kwg tsi tshua qaa luz haws, tadsis koj ceeb cob kwg qaa luz txug nizna.”
11Thiaj zag txujci tseedcees na, Yexus ua hub lus zoz Kanas kwg nyos hub xeeb Kalilais; niz ua ni qhai qha niz lus fwjchid tu tuadtxhij pud, has niz cob thwjtid pud ni qhai cud ntseeg niz.
12Tod qaas qhai, Yexus has niz nad, niz cob kwb, has niz cob thwjtid txiad muz tu hub lus zoz Kapena-us has cud nyos hub taw os pes hnoos.
Yexus Muz tu hub Lus Tuadtseb
13Thaws yiad txug lus caij kwg cob neeg Yudais ua Kebcai Hlaa Dhaw, Yexus txiad muz nraaz lus nroog Yeluxalees. 14Yexus pud tej neeg tuaj muas nyuj, yaaj, nquas, has cob neeg hlub nyaj nyos npliag nta qhai cud tej rooj qhais lus Tuadtseb lus tshaab puad. 15Yog ni qhai, Yexus muas is cob hlua ntswj kas ua is raas npliad has rias cud tej nyuj has tej yaaj tiad qhai lus Tuadtseb hubtsig muz; niz muas cob neeg hlub nyaj tej rooj ntxeeb pes hlo ua tu cud tej nyaj poos dias vod; 16has Yexus has tu cob neeg muas nquas has tas, “Mej ca ni nqaa mej tej nquas tsib qhai na muz! Tseg kas tsi xod tuaj muas kud Vaid lus tseb ua chia ua laaz ua luad is zag ni.” 17Thaws Yexus cob thwjtid pud ni qhai, cud ncu dheeb txug Vaajtswb Txujlug kwg has tas, “Vaajtswb, kud mos sas koj lus tseb heeb, is yaad ni hluabtiaz kud hub kud lus sas.”
18Cob Yudais tej nudtswb luz noog Yexus has tas, “Koj puas ua taw tej txujci tseedcees qha tu pes has tas koj muaj cai tuaj ua ni na?”
19Yexus tes has tas, “Mej ca ni muas lus Tuadtseb na rhuab laidtaa, has pes hnoos nyaz kud yiad rob ua taw kua is lus tshas.”
20Cob neeg Yudais has tu Yexus tas, “Lus Tuadtseb na pes ua taw plaws cawg raw xyoo ha ni tab, pes hnoos nyaz koj puas yiad ua taw is lus?”
21Tadsis lus Tuadtseb kwg Yexus has qhai, yog has txug niz lus ceb. 22Yog ni qhai, thaws Vaajtswb tsaa Yexus siab hub qhob tuag rob qaas luz liad, Yexus cob thwjtid ncu dheeb txug tej luz kwg niz has qhai, cud txiad ntseeg Vaajtswb Txujlug kwg lag saw tseg has Yexus tej luz.
Yexus Paws tej Kwg Neeg Lus Sas Xaab
23Thaws lus sijhiad kwg tuadtxhij ua Kebcai Hlaa Dhaw qhai, Yexus tseed nyos hub lus nroog Yeluxalees, muaj neeg coos coos luz ntseeg Niz, tu qhob cud pud tej txujci tseedcees kwg Niz ua. 24Tadsis Yexus tsi ntseeg cud sas, tu qhob niz yeej paws tuadtxhij lus sas liad. 25Tsi taaz tuz twg yiad qha niz lus sas tu Yexus ni, tu qhob Yexus yeej paws tuadtxhij lus sas xaab liad.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.