Chibkees 16
16
Hankas has Yisamayees
1Xalais kwg yog Anplaas tuz puj yeej istxwd xees tsi tawz tus ni. Tadsis niz muaj is tug ntxhais qheb kwg yog neeg Izib hu ua Hankas, 2ces Xalais txiad has tu Anplaas tas, “Tuz Tswb tseed tsi taw pus kud muaj minyuas. Koj ca ni muz nrug kud tuz ntxhais qheb pw, tej zag niz yiad muaj tawz minyuas tu kud.” Anplaas pud zoo ua rias ni Xalais has qhai. 3Yog ni qhai, Xalais ha muas Hankas tu Anplaas ua nadyaw. (Qhob na yog tod qaas kwg Anplaas ted luz nyos tu hub teschias Kana-aas taw kawd xyoo liad.) 4Anplaas muz nrug Hankas pw, ces Hankas txiad xees tus. Thaws Hankas paws tas niz xees tus liad, niz txiad khaabthees heeb has nuad tsi tawz Xalais.
5Ces Xalais has tu Anplaas has tas, “Ted yog vid koj ntaag Hankas ha ni nuad tsi tawz kud.#16.5 Ted yog vid koj … kud; lossis Thob koj tib txuj keb txhud na hloob kud. Kud yog tuz kwg muas niz tu koj, tadsis txij thaws niz paws has tas niz xees tus liad, niz txiad ca ni nuad tsi tawz kud. Thob kuas tuz Tswb txabtxid tu ws, nuad yog koj ua txhud lossis yog kud ua txhud!”
6Anplaas tes has tas, “Niz yog koj tuz ntxhais qheb kwg koj tswjfwd, koj ca ni ua tu niz rias ni koj pud zoo.” Ces Xalais ha ni tsidtxod Hankas heeb, Hankas ha ni tsib liad.
7Tuz Tswb tuz tidtswb luz ntsis Hankas tu qhais is tug dej txhiab kwg nyos hub taj suaspuad qhais txuj keb kwg muz tu hub lus nroog Sules 8has noog has tas, “Hankas kwg yog Xalais tuz ntxhais qheb, koj tuaj daastsi qhais na has koj yiad muz qhob twg?”
Hankas tes has tas, “Ted yog kud tsib Xalais kwg yog kud tuz tswb.” 9Tuz tidtswb has tas, “Koj ca ni rob qaas muz cuag Xalais, has ua niz tuz ntxhais qheb nyaz.” 10Ces tuz tidtswb rob has ntxib tas, “Kud yiad pus tu koj muaj xeesntxwz coos heeb, kuas tsi muaj tuz twg yiad suab txhas ni. 11Koj yiad yug taw is tug tus, has koj yiad tis niz lus npe hu ua Yisamayees,#16.11 Yisamayees: Lus npe na luz Henplais txhais has tas, “Vaajtswb hnob.” tu qhob tuz Tswb ted hnob koj lus suas quaj vid koj txuj keb txodnyed sas liad. 12Tadsis koj tuz tus yiad ua lus neej ni tuz neez luab qud, niz yiad tiadtsaad txhua leej txhuatuz, has txhua leej txhuatuz yiad tiadtsaad niz. Niz yiad ua neeg twdzeej tsi nrug kwbtij nyos ua ke.”
13Hankas xaab has tas, “Puas yog kud pud Vaajtswb tag, has kud tseed muaj sa nyos qha txug zaaj na?”#16.13 Phaw na txhais has tas muaj sa nyos qha txug zaaj na; phaw Henplais has qha tsi meej pestsiag. Yog ni qhai, niz ha tis npe tu tuz Tswb kwg nrug niz has luz qhai tas, “Tuz Tswb kwg Pud.” 14Vid ni qhai neeg ha hu lus qhobdej kwg nyos nruasnraas qhais Kades has Npeledis hu ua Npe Lahais Law-is, “Tuz kwg Pud kud has tuz kwg Muaj Sa Nyos lus Qhobdej.”
15Hankas yug taw is tug tus tu Anplaas, has Anplaas tis tuz tus qhai lus npe hu ua Yisamayees.#Kal 4.22 16Lus sijhiad qhai Anplaas hnoosnyood muaj yid cawd raw xyoo.
Селектирано:
Chibkees 16: CQD2024
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Bible Society Vietnam. All rights reserved.