لوقا 21
21
دول آروادینگ هَدیه‌سی
1عیسا اؤز دئییرینه باخدی و گؤردو کی وارلی آداملار اؤز هَدیه‌لَرینی مَعبدینگ هَدیه صندوقینا آتیرلار. 2بیر یوخسول، دول آروادی دا گؤردو کی ایکّی قَره پول صندوقا آتدی. 3عیسا دئدی: «گرچَکینی سیزه دئییرم کی بو یوخسول دول آرواد واری‌کَسدن آرتیق صندوقا پول آتمیش. 4بو سَبریه کی باقّی آداملار اؤز دارالیگلاری‌نینگ اضافه‌سیندان صندوقا آتدیلار، آما بو یوخسول دول آرواد، بوتون خَرجلیگینی کی اؤنونگ اینَن گؤنونو گچیردیردی، وئردی.»
مَعبد یومورولماگی‌نینگ پیشگولیگی
5اوندا کی شاگردلَرینگ بیر پاراسی مَعبد باره‌سینده دانیشیرلاردی و دئییرلَردی کی نه‌یین قَشنگ قَشنگ داشلار اینان و وقف اولونموش هَدیه‌لَر اینن بَزَنمیش، عیسا اوللارا دئدی: 6«بیر گؤنلَر گلَر کی بو گؤردوگونز مَعبد، ائله یومورولار کی حتّی داش داش اوستونه قؤیولو قالماز.» 7اوللار عیسادان خبر آلدیلار: «اُستاد، بو تَفاق‌لار هاچان دؤشَسی و بو ایشلَرینگ اولونماگی زامانینا یاخین اولماگینگ، نیشاناسی نه‌دیر؟» 8عیسا دئدی: «هوشکار اولینز تا یولدان چیخمیَینز. چونکی چوخ آداملار مَنیم آدیمدا گلَرلَر و دئیه‌رلَر: ”من اویام“ و ”او قرار وئریلمیش زامان ائتیشمیش.“ اوللار آردی سورا گئدمه‌ینز. 9اوندا کی جَنگ‌لَردن و شلوغ‌لیگ‌لاردان بیر زاد ائشیدیرَینز، قورخماینز. چونکی اَوّل بو ایشلَر یئرینه ائتیشسی، آما بو تئزلیگده آخیر اولماز.»
10و دئدی: «بیر ملّت، آیری ملّتینگ و بیر پادشاه‌لیگ، آیری پادشاه‌لیگینگ ضدّینه تورار آیاقی. 11بویوک زلزله‌لَر اولور و فَرقلی یئرلَرده قَحطلوق دؤشَر و طاعون گلَر. چوخ وَحشَتلر اولور و گؤیده بویوک نیشانالار گؤرولَر. 12آما واری بو ایشلَرینگ اولونماگیندان ایلَری، سیزی توتارلار و سیزه جَفا ائده‌رلر. سیزی عبادتگاه‌لارا و زندان‌لارا تَحویل وئره‌رلَر. سیزی، منیم آدیم خاطرینه پادشاه‌لار و والی‌لار حُضورونا آپارارلار، 13بو سیزینگ ایچی بیر فُرصت اولور تا گواهلیگ وئرَینز. 14پس یادینزدا اولسون کی سئمئیر ایلَرتردن فکر ائدینز گؤرَینز نه‌یین جواب وئره‌سینز. 15بو سَبریه کی من، سیزه دانیشماکدا ائله قوّت و حِکمَت وئره‌رَم کی سیزینگ اینان ضدّ اولانلارینگ هئچ بیری، باشارمیالار سیزینگ جلوینزده تورالّار یا دا سیزینگ گپ‌لَرینزی رَد ائدَلَّر. 16حتّی سیزینگ آنا-بووآینز، کاکالارینز، قوحومو خویشلَرینز و یولداش‌لارینز، سیزی اَله وئره‌رلَر و سیزینگ بیر پاراینزی اؤلومه وئره‌رلَر. 17منیم آدیم خاطرینه واری کَس سیزدن نفرت وارلاری اولور. 18آما سیزینگ باشینزدان بیر تالا تیکده آزالماز. 19اِستقامت ائدمَک اینَن، جانینزی قورتاراراینز.
20«آما هر زامان گؤردونز کی دشمن لَشکرلَری اورشلیم شَهری‌نینگ دئییرینی واری یاندان آلمیشلار، بیلینز کی اورشلیم شَهری‌نینگ یومورولماگی زامانی یاخین اولموش. 21او زاماندا، او آداملار کی یهودیه ولایتینده دیرلار، داغلارا قاچسینلَر و اوللار کی شَهر ایچینده دیرلار، اؤردان چیخسینلَر و اوللار دا کی شَهردن یازّیا اکینلَر اوستونده دیرلار، داها شَهر ایچینه گلمه‌سینلَر. 22چونکی او گؤنلَر تَقّاص آلماگ گؤنلَری دیر، تا مُقدّس یازیلی‌لارینگ واریسی، یئرینه ائتیشه. 23وای او آروادلار حالینا کی او گؤنلَرده اوشاقلی دیرلار یا دا اوشاق سؤدده وارلاری! چونکی یئر اوستونده بیر بویوک مُصیبت اولور و تارئ بو خَلخه غَضّب ائدَر. 24قیلیج دَمی اینَن اؤلَرلر، واری ملّت‌لَر آراسینا اَسیر‌لیگه آپاریلارلار و او زامانانچاز کی بُت پَرست‌لَر دورانی باش اولا، بُت پَرست‌لَر اورشلیم شَهرینی پایمال ائده‌رلر.
انسان اوغلونونگ گلمَکی
25«گؤن و آی و اولدوزلاردا نیشانالار اولور. یئر اوستونده ملّت‌لَر، دریا و موجلارینگ بَغیرمَکیندَن، تَلواسه‌یه دوشارلار. 26آداملار بونونگ قورخوسیندان کی بو دنیانینگ باشینا نه گلَسی، هوشدان گئده‌رلَر چونکی گؤی‌لَرینگ قُدرت‌لَری، تیتریه‌رلَر. 27او زامان انسان اوغلونو گؤرَرلَر کی بیر بولوت ایچینده، قُدرت اینَن و عَظمتلی شوکت اینَن گلیر. 28بو ایشلَر یئرینه ائتیشمَکه باشلایاندا، سیز شَق تورینز و باشینزی اوخاری ساخلاتینز، بو سَبریه کی سیزینگ قورتانماکینز یاخین دیر.»
بیر درس انجیر آغاجیندان
29عیسا اوللار ایچی بیر مَثَل چَکدی و دئدی: «انجیر آغاجینا و بوتون آغاجلارا باخینز. 30شاخالاری تینجه ووردوگو اینن، گؤرورَینز و بیلیرَینز کی توسان یاخین دیر. 31ائله بئله ده، سیز بو ایشلَرینگ اولونماگینی گؤرَنده، بیلینز کی تارئ پادشاه‌لیگی یاخین دیر. 32گرچَکینی سیزه دئییرم، اوندایانچاز کی واری بو زادلار یئرینه ائتیشمه‌یه، بو نَسل آرادان گئدمَز. 33یئر اینن گؤی آرادان گئده‌ر، آما منیم سؤزلَریم آرادان گئدمَز.
هوشکار اولینز
34«هوشکار اولینز تا ائدمئیه اؤره‌کینز چوخ یئمَک اینن، مَست‌لیگ اینن و بو دنیانینگ قِیدینده اولماگ اینان آغیرلاشا و او گؤن، بیر تَله له‌یین بیردَن باشینزا دؤشه. 35چونکی او گؤن، واری یئر اوستونده‌‌کی آداملارینگ باشینا گلَر. 36پس همیشه هوشکار اولینز و دُعا ائدینز کی قوّت وارینز اولا تا بو تئزلیگده دؤشَن تَفاق‌لارینگ واریسیندان قَچه بیلَینز و انسان اوغلونونگ حُضوروندا تورا بیلَینز.»
37عیسا هَر گؤن، مَعبدده تَعلیم وئریردی آما گئجه‌لَر، شَهردن یازّیا چیخیردی و گئجه‌یی زیتون داغیندا سَحر ائدیردی 38و سَحر ناماچاغی، واری خَلخ مَعبدده اؤنونگ یانینا گلیرلَردی تا اؤنونگ سؤزلَرینی ائشیدَلَّر.
Селектирано:
لوقا 21: QII
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company
لوقا 21
21
دول آروادینگ هَدیه‌سی
1عیسا اؤز دئییرینه باخدی و گؤردو کی وارلی آداملار اؤز هَدیه‌لَرینی مَعبدینگ هَدیه صندوقینا آتیرلار. 2بیر یوخسول، دول آروادی دا گؤردو کی ایکّی قَره پول صندوقا آتدی. 3عیسا دئدی: «گرچَکینی سیزه دئییرم کی بو یوخسول دول آرواد واری‌کَسدن آرتیق صندوقا پول آتمیش. 4بو سَبریه کی باقّی آداملار اؤز دارالیگلاری‌نینگ اضافه‌سیندان صندوقا آتدیلار، آما بو یوخسول دول آرواد، بوتون خَرجلیگینی کی اؤنونگ اینَن گؤنونو گچیردیردی، وئردی.»
مَعبد یومورولماگی‌نینگ پیشگولیگی
5اوندا کی شاگردلَرینگ بیر پاراسی مَعبد باره‌سینده دانیشیرلاردی و دئییرلَردی کی نه‌یین قَشنگ قَشنگ داشلار اینان و وقف اولونموش هَدیه‌لَر اینن بَزَنمیش، عیسا اوللارا دئدی: 6«بیر گؤنلَر گلَر کی بو گؤردوگونز مَعبد، ائله یومورولار کی حتّی داش داش اوستونه قؤیولو قالماز.» 7اوللار عیسادان خبر آلدیلار: «اُستاد، بو تَفاق‌لار هاچان دؤشَسی و بو ایشلَرینگ اولونماگی زامانینا یاخین اولماگینگ، نیشاناسی نه‌دیر؟» 8عیسا دئدی: «هوشکار اولینز تا یولدان چیخمیَینز. چونکی چوخ آداملار مَنیم آدیمدا گلَرلَر و دئیه‌رلَر: ”من اویام“ و ”او قرار وئریلمیش زامان ائتیشمیش.“ اوللار آردی سورا گئدمه‌ینز. 9اوندا کی جَنگ‌لَردن و شلوغ‌لیگ‌لاردان بیر زاد ائشیدیرَینز، قورخماینز. چونکی اَوّل بو ایشلَر یئرینه ائتیشسی، آما بو تئزلیگده آخیر اولماز.»
10و دئدی: «بیر ملّت، آیری ملّتینگ و بیر پادشاه‌لیگ، آیری پادشاه‌لیگینگ ضدّینه تورار آیاقی. 11بویوک زلزله‌لَر اولور و فَرقلی یئرلَرده قَحطلوق دؤشَر و طاعون گلَر. چوخ وَحشَتلر اولور و گؤیده بویوک نیشانالار گؤرولَر. 12آما واری بو ایشلَرینگ اولونماگیندان ایلَری، سیزی توتارلار و سیزه جَفا ائده‌رلر. سیزی عبادتگاه‌لارا و زندان‌لارا تَحویل وئره‌رلَر. سیزی، منیم آدیم خاطرینه پادشاه‌لار و والی‌لار حُضورونا آپارارلار، 13بو سیزینگ ایچی بیر فُرصت اولور تا گواهلیگ وئرَینز. 14پس یادینزدا اولسون کی سئمئیر ایلَرتردن فکر ائدینز گؤرَینز نه‌یین جواب وئره‌سینز. 15بو سَبریه کی من، سیزه دانیشماکدا ائله قوّت و حِکمَت وئره‌رَم کی سیزینگ اینان ضدّ اولانلارینگ هئچ بیری، باشارمیالار سیزینگ جلوینزده تورالّار یا دا سیزینگ گپ‌لَرینزی رَد ائدَلَّر. 16حتّی سیزینگ آنا-بووآینز، کاکالارینز، قوحومو خویشلَرینز و یولداش‌لارینز، سیزی اَله وئره‌رلَر و سیزینگ بیر پاراینزی اؤلومه وئره‌رلَر. 17منیم آدیم خاطرینه واری کَس سیزدن نفرت وارلاری اولور. 18آما سیزینگ باشینزدان بیر تالا تیکده آزالماز. 19اِستقامت ائدمَک اینَن، جانینزی قورتاراراینز.
20«آما هر زامان گؤردونز کی دشمن لَشکرلَری اورشلیم شَهری‌نینگ دئییرینی واری یاندان آلمیشلار، بیلینز کی اورشلیم شَهری‌نینگ یومورولماگی زامانی یاخین اولموش. 21او زاماندا، او آداملار کی یهودیه ولایتینده دیرلار، داغلارا قاچسینلَر و اوللار کی شَهر ایچینده دیرلار، اؤردان چیخسینلَر و اوللار دا کی شَهردن یازّیا اکینلَر اوستونده دیرلار، داها شَهر ایچینه گلمه‌سینلَر. 22چونکی او گؤنلَر تَقّاص آلماگ گؤنلَری دیر، تا مُقدّس یازیلی‌لارینگ واریسی، یئرینه ائتیشه. 23وای او آروادلار حالینا کی او گؤنلَرده اوشاقلی دیرلار یا دا اوشاق سؤدده وارلاری! چونکی یئر اوستونده بیر بویوک مُصیبت اولور و تارئ بو خَلخه غَضّب ائدَر. 24قیلیج دَمی اینَن اؤلَرلر، واری ملّت‌لَر آراسینا اَسیر‌لیگه آپاریلارلار و او زامانانچاز کی بُت پَرست‌لَر دورانی باش اولا، بُت پَرست‌لَر اورشلیم شَهرینی پایمال ائده‌رلر.
انسان اوغلونونگ گلمَکی
25«گؤن و آی و اولدوزلاردا نیشانالار اولور. یئر اوستونده ملّت‌لَر، دریا و موجلارینگ بَغیرمَکیندَن، تَلواسه‌یه دوشارلار. 26آداملار بونونگ قورخوسیندان کی بو دنیانینگ باشینا نه گلَسی، هوشدان گئده‌رلَر چونکی گؤی‌لَرینگ قُدرت‌لَری، تیتریه‌رلَر. 27او زامان انسان اوغلونو گؤرَرلَر کی بیر بولوت ایچینده، قُدرت اینَن و عَظمتلی شوکت اینَن گلیر. 28بو ایشلَر یئرینه ائتیشمَکه باشلایاندا، سیز شَق تورینز و باشینزی اوخاری ساخلاتینز، بو سَبریه کی سیزینگ قورتانماکینز یاخین دیر.»
بیر درس انجیر آغاجیندان
29عیسا اوللار ایچی بیر مَثَل چَکدی و دئدی: «انجیر آغاجینا و بوتون آغاجلارا باخینز. 30شاخالاری تینجه ووردوگو اینن، گؤرورَینز و بیلیرَینز کی توسان یاخین دیر. 31ائله بئله ده، سیز بو ایشلَرینگ اولونماگینی گؤرَنده، بیلینز کی تارئ پادشاه‌لیگی یاخین دیر. 32گرچَکینی سیزه دئییرم، اوندایانچاز کی واری بو زادلار یئرینه ائتیشمه‌یه، بو نَسل آرادان گئدمَز. 33یئر اینن گؤی آرادان گئده‌ر، آما منیم سؤزلَریم آرادان گئدمَز.
هوشکار اولینز
34«هوشکار اولینز تا ائدمئیه اؤره‌کینز چوخ یئمَک اینن، مَست‌لیگ اینن و بو دنیانینگ قِیدینده اولماگ اینان آغیرلاشا و او گؤن، بیر تَله له‌یین بیردَن باشینزا دؤشه. 35چونکی او گؤن، واری یئر اوستونده‌‌کی آداملارینگ باشینا گلَر. 36پس همیشه هوشکار اولینز و دُعا ائدینز کی قوّت وارینز اولا تا بو تئزلیگده دؤشَن تَفاق‌لارینگ واریسیندان قَچه بیلَینز و انسان اوغلونونگ حُضوروندا تورا بیلَینز.»
37عیسا هَر گؤن، مَعبدده تَعلیم وئریردی آما گئجه‌لَر، شَهردن یازّیا چیخیردی و گئجه‌یی زیتون داغیندا سَحر ائدیردی 38و سَحر ناماچاغی، واری خَلخ مَعبدده اؤنونگ یانینا گلیرلَردی تا اؤنونگ سؤزلَرینی ائشیدَلَّر.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company