یوحنا 4
4
عیسا و سامِره‌لی آرواد
1عیسا بیلدی کی فَریسی فِرقه‌سی‌نینگ عالِم‌لَری ائشیدمیشلَر کی او، یحیا‌دان آرتیق شاگرد واری و اوللاری تَعمید غُسلی وئریر، 2هَرچند کی عیسانینگ شاگردلَری تَعمید غُسلی وئریرلَردی نه اؤزو. 3بو سَبریه ده عیسا یهودیه ولایتیندَن چیخدی و گئنه جَلیل ولایتینه دؤندو. 4او، سامِره منطقه‌‌سیندن گچه‌سیدی، 5پس سامِره‌نینگ بیر شَهرینه کی آدی سوخار ایدی ائتیشدی، او یئرینگ یاخینینه کی یَعقوب پیغمبر، اونو اؤز اوغلو یوسفه وئرمیش ایدی. 6یَعقوبونگ قویوسو اؤردا ایدی؛ عیسا یول یورناقلیگیندان، قویو قیراقینا اوتوردو. ظُهر چاغی ساعت اون ایکّیه یاخین ایدی.
7بیر سامِره‌لی آرواد گلدی تا قویودان سو چَکه. عیسا بئلَسینه دئدی: «منه بیر آز سو وئر.» 8او موقعده عیسانینگ شاگردلَری گئدمیشلَردی شَهره تا خورَکی آلالّار. 9او سامِره‌لی آرواد عیسایا دئدی: «نه‌یین سَن کی بیر یهودی‌یانگ، مندَن کی بیر سامِره‌لی آروادام سو سئیرَینگ؟» آرواد بو گپی چالدی چونکی یهودی‌لار، سامِره‌لی‌لَر اینَن مُعاشرت ائدمه‌ییرلَردی. 10عیسا اؤنا جواب وئردی: «اگر بیلسَیدینگ کی تارئ سئیر سنه نه وئره و بیلسَیدینگ کیم دیر کی سَنه دئییر، ”منه بیر آز سو وئر،“ سَن اوندان سئیَردینگ و او سَنه، زندلیگ وئرَن سویو، وئره‌ردی.» 11آرواد عیسایا دئدی: «آقا، سَنده هئچ‌نه یوخ کی اؤنونگ اینَن سو چَکَینگ، قویو ده عمیق دیر. پس او زندلیگ وئرَن سویو، هاردان گتیریرَینگ؟ 12بئیه سَن بیزیم جَدّیمیز یَعقوب پیغمبردَن بویوک‌ترینگ؟ او بو قویویو بیزه وئردی و اؤنونگ اؤزو و اوغول‌لاری و مال حیوان‌لاری ده اوندان ایچیرلَردی.» 13عیسا آروادا دئدی: «هَر کَس بو سودان ایچیر گئنه سویوز اولور، 14آما هَر کَس او سودان کی من اؤنا وئره‌رَم ایچه، داها هئچ‌وخت سویوز اولماز. من وئرَن سو اؤنونگ ایچینده بیر سو چشمه‌سی اولور کی جوشیر و داشیر و بئلَسینه اَبَدی زندلیگ وئریر.» 15آرواد عیسایا دئدی: «آقا، بو سویو منه وئر تا داها نه سویوز اولام، نه ده سو چَکمَک ایچی گلَم بورا.» 16عیسا بئلَسینه دئدی: «گئد، اَرینگی چاغیر و گَل بورا.» 17آرواد جواب وئردی: «اَر یوخوم.» عیسا دئدی: «گرچَک دئییرَینگ کی اَر یوخونگ؛ 18سن بئش دفعه اَره گئدمیشَینگ و ایندیکی ده اَرینگ ده‌ییل. دئدیگینگ سؤز گرچَک دیر.» 19آرواد عیسایا دئدی: «آقا، بئله کی گؤرورَم سَن بیر پیغمبرَینگ. 20بیزیم جَدلَریمیز بو داغدا تارئ‌یی پَرست ائدیرلَردی، آما سیز یهودی‌لار دئییرَینز کی او یئر کی خَلخ اؤردا تارئ‌یی پَرست ائده‌سی، اورشلیم شَهری دیر.» 21عیسا اؤنا دئدی: «آرواد، منه اینان، او زامان گلیر کی گؤیده‌کی بووآیی، نه بو داغدا پَرست ائده‌رَینز، نه ده اورشلیمده. 22سیز سامِره‌لی‌لَر پَرست ائدیگینزی خوب تانیمئیراینز؛ بیز یهودی‌لار پَرست ائدیگیمیزی خوب تانیراک، بو سَبریه کی نجات، یهود خَلخی طَریقیندن گلیر. 23آما او زامان گلیر، و ائله ایندی ده گلمیش کی حَقیقی پَرست ائدَنلَر، گؤیده‌کی بووآیی روحدا و حَقیقتده پَرست ائده‌رلَر. گؤیده‌کی بووآ، بیر آداملار قولونجوندا دور کی اؤنو بئله‌یین پَرست ائدَلَّر. 24تارئ روح دور، و اؤنو پَرست ائدَنلَر، اؤنو روحدا و حَقیقتده پَرست ائده‌سیلَر.» 25آرواد عیسایا دئدی: «من بیلیرَم کی وَعده وئریلَن مَسیح گلیر. او گلَنده واری زادی بیزه حالی ائده‌ر.» مَسیح، یعنی تارئ سَچدیگی. 26عیسا اؤنا دئدی: «من کی سَنینگ اینَن دانیشیرام، ائله اویام.»
27ائله اوندا، عیسانینگ شاگردلَری گئری گلدیلَر. اوللار مات قالدیلار کی او بیر آرواد اینان دانیشیر، آما هئچ کَس دئمه‌دی کی: «بو آرواد اینان نه ایش وارینگ؟» یا دا، «نه ایچی اؤنونگ اینان دانیشیرانگ؟» 28او آرواد سویو کیزه‌سینی ویل ائدی و شَهر ایچینه گئتدی و خَلخه دئدی: 29«گلینز و بیر کیشی‌یی گؤرونز کی هر ایشی کی ایندی‌یانچاز گؤرموشَم، بئلَمه دئدی. گؤره‌ینگ بو کیشی ائله او وَعده وئریلَن مَسیح ده‌ییل؟» 30اوللار شَهردَن یازّیا چیخدیلَر و گئدیرلَردی عیسا یانینا.
31ائله بو موقعده، شاگردلَر عیسادان خواهش ائدیرلَردی و دئییرلَردی: «اُستاد، بیر زاد یئ.» 32آما عیسا اوللارا دئدی: «من یئمَک ایچی بیر خورَکی واریم کی سیز اوندان بیر زاد بیلمئیرَینز.» 33شاگردلَر بیر بیره دئدیلر: «بئیه بیر کَس اؤنونگ ایچی بیر زاد گتیرمیش کی یئیه؟» 34عیسا اوللارا دئدی: «منیم خورَکیم بو دور کی منی یوللایان تارئ‌نینگ سئدیگینی ائدَم و اؤنونگ ایشینی یئرینه ائتیشتیرَم. 35بئیه بو گپی ائشیتمه‌میشَینز کی: ”بیچمَک موقع‌سی‌نانچاز، حَلی دؤرد آی وار؟“ آما من سیزه دئییرم، باخینز، گؤزلَرینزی آچینز و گؤرونز کی اَکینلَرینگ بیچمَکی موقع‌سی دیر. 36اَکین بیچَن، ائله ایندی اؤز مُزدینی آلیر و ثَمرلَری کی اَبَدی زندلیگه ائتیشَن آداملار دیرلار، یَک گِرد ائدیر تا اَکینی اَکن و اَکینی بیچَن بئلینه شادلیگ ائدَلَّر. 37بئله، بو سؤزونگ یئری بورا دیر کی دئییر: ”بیری اَکیر و او بیری بیچیر.“ 38من سیزی یوللادیم تا او اَکینی کی زَحمتینی چَکمه‌میشَینز، بیچَینز. آیری آداملار زَحمت چَکمیشلَر و سیز اوللار زَحمتی‌نینگ منفعتینی آپاریراینز.»
39او آروادینگ گواهلیگی سَبرسینه کی دئمیش ایدی: «هر ایشی کی ایندی‌یانچاز گؤرموشَم، بئلَمه دئدی،» چوخ آدام او شَهرده زندلیگ ائدَن سامِره‌لی‌لَردن، عیسایا ایمان گتیردیلَر. 40پس اوندا کی سامِره‌لی‌لَر گلدیلَر عیسا یانینا، بئلَسیندَن سئدیلَر کی یانلاریندا قالا. عیسا دا ایکّی گؤن اؤردا قالدی 41و چوخ آیری آداملار دا عیسا سؤزلری سَبرسینه ایمان گتیردیلَر. 42اوللار او آروادا دئدیلَر: «داها فقط سَنینگ گپینگ سَبرسینه ده‌ییل کی ایمان گتیریرَک، بلکی ایندی داها بیزیم اؤزوموز اؤنونگ سؤزلَرینی ائشیدمیشَک و بیلیرَک کی بو کیشی، گرچکدَن دنیایی نجات وئرَن دیر.»
عیسا جَلیل ولایتینه دؤنیر
43ایکّی گؤندَن سورا، عیسا جَلیل ولایتینه ساری یولا دؤشدو. 44بو سَبریه کی عیسانینگ اؤزو گواهلیگ وئرمیش ایدی کی، بیر پیغمبر اؤز شَهرینده، حُرمَت یوخو. 45عیسا جَلیل ولایتینه گلَنده، جَلیللی‌لَر اؤنونگ پیشوازینا گئتدیلَر، بو سَبریه کی اوللار ده، پِسَخ عید ایچی اورشلیم شَهرینه گئدمیشلَردی و واری او ایشلَری کی عیسا پِسَخ عیدینده، اورشلیمده ائدمیش ایدی، گؤرموشلَردی.
عیسا بیر بویوک آدامینگ، اوغلونو شفا وئریر
46عیسا گئنه جَلیل ولایتی‌نینگ قانا کَندینه گلدی، ائله اؤرایا کی سویو شراب ائدمیش ایدی. او کَندینگ یاخینینده کَفَرناحوم شَهرینده بیر کیشی ایدی کی حکومت آداملاریندان ایدی و بیر مَریض اوغول واریدی. 47اوندا کی بو کیشی ائشیتدی کی عیسا یهودیه ولایتیندن، جَلیل ولایتینه گلمیش، گئتدی قانا کَندینه، عیسا یانینا و بئلَسینه یالواردی کی گله و اوغلونو شفا وئره، بو سَبریه کی آز قالمیش ایدی اوغلو اؤله. 48عیسا اؤنا دئدی: «تا مُعجزه‌لی نیشانالار و عَجیب ایشلَر گؤرمئیَینز، ایمان گتیرمَینز.» 49او کیشی کی حکومت آداملاریندان ایدی، عیسایا دئدی: «آقا، تا اوشاقیم اؤلمه‌میش، گَل.» 50عیسا بئلَسینه دئدی: «گئد، اوغلونگ دئرّی قالار.» او کیشی عیسا دئدیگی سؤزو ایناندی و یولا دؤشدو. 51حَلی یولدا ایدی کی نوکرلَری اؤنونگ پیشوازینا گئتدیلَر و دئدیلَر: «اوغلونگ دئرّی و سلامت دیر.» 52کیشی بئللریندَن خبر آلدی کی: «هاچاندان یئی‌تَر اولماگا باشلادی؟» اوللار دئدیلَر: «دؤنَن، ظُهردان سورا ساعت بیر ایدی کی ایسیتمه‌سی کَسیلدی.» 53اوغلونگ بووآسی بیلدی کی بو ائله او ساعت دیر کی عیسا اؤنا دئمیشدی، «اوغلونگ دئرّی قالار.» او کیشی‌نینگ اؤزو و بوتون اوباسی آدامی ایمان گتیردیلَر. 54بو عیسانینگ ایکّینجی مُعجزه‌لی نیشاناسی ایدی کی جَلیل ولایتینده ائدمیش ایدی. عیسا بو مُعجزه‌لی نیشانالارینگ هر بیرینی یهودیه ولایتیندَن بؤکولَندَن سورا ائدمیش ایدی.
Селектирано:
یوحنا 4: QII
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company
یوحنا 4
4
عیسا و سامِره‌لی آرواد
1عیسا بیلدی کی فَریسی فِرقه‌سی‌نینگ عالِم‌لَری ائشیدمیشلَر کی او، یحیا‌دان آرتیق شاگرد واری و اوللاری تَعمید غُسلی وئریر، 2هَرچند کی عیسانینگ شاگردلَری تَعمید غُسلی وئریرلَردی نه اؤزو. 3بو سَبریه ده عیسا یهودیه ولایتیندَن چیخدی و گئنه جَلیل ولایتینه دؤندو. 4او، سامِره منطقه‌‌سیندن گچه‌سیدی، 5پس سامِره‌نینگ بیر شَهرینه کی آدی سوخار ایدی ائتیشدی، او یئرینگ یاخینینه کی یَعقوب پیغمبر، اونو اؤز اوغلو یوسفه وئرمیش ایدی. 6یَعقوبونگ قویوسو اؤردا ایدی؛ عیسا یول یورناقلیگیندان، قویو قیراقینا اوتوردو. ظُهر چاغی ساعت اون ایکّیه یاخین ایدی.
7بیر سامِره‌لی آرواد گلدی تا قویودان سو چَکه. عیسا بئلَسینه دئدی: «منه بیر آز سو وئر.» 8او موقعده عیسانینگ شاگردلَری گئدمیشلَردی شَهره تا خورَکی آلالّار. 9او سامِره‌لی آرواد عیسایا دئدی: «نه‌یین سَن کی بیر یهودی‌یانگ، مندَن کی بیر سامِره‌لی آروادام سو سئیرَینگ؟» آرواد بو گپی چالدی چونکی یهودی‌لار، سامِره‌لی‌لَر اینَن مُعاشرت ائدمه‌ییرلَردی. 10عیسا اؤنا جواب وئردی: «اگر بیلسَیدینگ کی تارئ سئیر سنه نه وئره و بیلسَیدینگ کیم دیر کی سَنه دئییر، ”منه بیر آز سو وئر،“ سَن اوندان سئیَردینگ و او سَنه، زندلیگ وئرَن سویو، وئره‌ردی.» 11آرواد عیسایا دئدی: «آقا، سَنده هئچ‌نه یوخ کی اؤنونگ اینَن سو چَکَینگ، قویو ده عمیق دیر. پس او زندلیگ وئرَن سویو، هاردان گتیریرَینگ؟ 12بئیه سَن بیزیم جَدّیمیز یَعقوب پیغمبردَن بویوک‌ترینگ؟ او بو قویویو بیزه وئردی و اؤنونگ اؤزو و اوغول‌لاری و مال حیوان‌لاری ده اوندان ایچیرلَردی.» 13عیسا آروادا دئدی: «هَر کَس بو سودان ایچیر گئنه سویوز اولور، 14آما هَر کَس او سودان کی من اؤنا وئره‌رَم ایچه، داها هئچ‌وخت سویوز اولماز. من وئرَن سو اؤنونگ ایچینده بیر سو چشمه‌سی اولور کی جوشیر و داشیر و بئلَسینه اَبَدی زندلیگ وئریر.» 15آرواد عیسایا دئدی: «آقا، بو سویو منه وئر تا داها نه سویوز اولام، نه ده سو چَکمَک ایچی گلَم بورا.» 16عیسا بئلَسینه دئدی: «گئد، اَرینگی چاغیر و گَل بورا.» 17آرواد جواب وئردی: «اَر یوخوم.» عیسا دئدی: «گرچَک دئییرَینگ کی اَر یوخونگ؛ 18سن بئش دفعه اَره گئدمیشَینگ و ایندیکی ده اَرینگ ده‌ییل. دئدیگینگ سؤز گرچَک دیر.» 19آرواد عیسایا دئدی: «آقا، بئله کی گؤرورَم سَن بیر پیغمبرَینگ. 20بیزیم جَدلَریمیز بو داغدا تارئ‌یی پَرست ائدیرلَردی، آما سیز یهودی‌لار دئییرَینز کی او یئر کی خَلخ اؤردا تارئ‌یی پَرست ائده‌سی، اورشلیم شَهری دیر.» 21عیسا اؤنا دئدی: «آرواد، منه اینان، او زامان گلیر کی گؤیده‌کی بووآیی، نه بو داغدا پَرست ائده‌رَینز، نه ده اورشلیمده. 22سیز سامِره‌لی‌لَر پَرست ائدیگینزی خوب تانیمئیراینز؛ بیز یهودی‌لار پَرست ائدیگیمیزی خوب تانیراک، بو سَبریه کی نجات، یهود خَلخی طَریقیندن گلیر. 23آما او زامان گلیر، و ائله ایندی ده گلمیش کی حَقیقی پَرست ائدَنلَر، گؤیده‌کی بووآیی روحدا و حَقیقتده پَرست ائده‌رلَر. گؤیده‌کی بووآ، بیر آداملار قولونجوندا دور کی اؤنو بئله‌یین پَرست ائدَلَّر. 24تارئ روح دور، و اؤنو پَرست ائدَنلَر، اؤنو روحدا و حَقیقتده پَرست ائده‌سیلَر.» 25آرواد عیسایا دئدی: «من بیلیرَم کی وَعده وئریلَن مَسیح گلیر. او گلَنده واری زادی بیزه حالی ائده‌ر.» مَسیح، یعنی تارئ سَچدیگی. 26عیسا اؤنا دئدی: «من کی سَنینگ اینَن دانیشیرام، ائله اویام.»
27ائله اوندا، عیسانینگ شاگردلَری گئری گلدیلَر. اوللار مات قالدیلار کی او بیر آرواد اینان دانیشیر، آما هئچ کَس دئمه‌دی کی: «بو آرواد اینان نه ایش وارینگ؟» یا دا، «نه ایچی اؤنونگ اینان دانیشیرانگ؟» 28او آرواد سویو کیزه‌سینی ویل ائدی و شَهر ایچینه گئتدی و خَلخه دئدی: 29«گلینز و بیر کیشی‌یی گؤرونز کی هر ایشی کی ایندی‌یانچاز گؤرموشَم، بئلَمه دئدی. گؤره‌ینگ بو کیشی ائله او وَعده وئریلَن مَسیح ده‌ییل؟» 30اوللار شَهردَن یازّیا چیخدیلَر و گئدیرلَردی عیسا یانینا.
31ائله بو موقعده، شاگردلَر عیسادان خواهش ائدیرلَردی و دئییرلَردی: «اُستاد، بیر زاد یئ.» 32آما عیسا اوللارا دئدی: «من یئمَک ایچی بیر خورَکی واریم کی سیز اوندان بیر زاد بیلمئیرَینز.» 33شاگردلَر بیر بیره دئدیلر: «بئیه بیر کَس اؤنونگ ایچی بیر زاد گتیرمیش کی یئیه؟» 34عیسا اوللارا دئدی: «منیم خورَکیم بو دور کی منی یوللایان تارئ‌نینگ سئدیگینی ائدَم و اؤنونگ ایشینی یئرینه ائتیشتیرَم. 35بئیه بو گپی ائشیتمه‌میشَینز کی: ”بیچمَک موقع‌سی‌نانچاز، حَلی دؤرد آی وار؟“ آما من سیزه دئییرم، باخینز، گؤزلَرینزی آچینز و گؤرونز کی اَکینلَرینگ بیچمَکی موقع‌سی دیر. 36اَکین بیچَن، ائله ایندی اؤز مُزدینی آلیر و ثَمرلَری کی اَبَدی زندلیگه ائتیشَن آداملار دیرلار، یَک گِرد ائدیر تا اَکینی اَکن و اَکینی بیچَن بئلینه شادلیگ ائدَلَّر. 37بئله، بو سؤزونگ یئری بورا دیر کی دئییر: ”بیری اَکیر و او بیری بیچیر.“ 38من سیزی یوللادیم تا او اَکینی کی زَحمتینی چَکمه‌میشَینز، بیچَینز. آیری آداملار زَحمت چَکمیشلَر و سیز اوللار زَحمتی‌نینگ منفعتینی آپاریراینز.»
39او آروادینگ گواهلیگی سَبرسینه کی دئمیش ایدی: «هر ایشی کی ایندی‌یانچاز گؤرموشَم، بئلَمه دئدی،» چوخ آدام او شَهرده زندلیگ ائدَن سامِره‌لی‌لَردن، عیسایا ایمان گتیردیلَر. 40پس اوندا کی سامِره‌لی‌لَر گلدیلَر عیسا یانینا، بئلَسیندَن سئدیلَر کی یانلاریندا قالا. عیسا دا ایکّی گؤن اؤردا قالدی 41و چوخ آیری آداملار دا عیسا سؤزلری سَبرسینه ایمان گتیردیلَر. 42اوللار او آروادا دئدیلَر: «داها فقط سَنینگ گپینگ سَبرسینه ده‌ییل کی ایمان گتیریرَک، بلکی ایندی داها بیزیم اؤزوموز اؤنونگ سؤزلَرینی ائشیدمیشَک و بیلیرَک کی بو کیشی، گرچکدَن دنیایی نجات وئرَن دیر.»
عیسا جَلیل ولایتینه دؤنیر
43ایکّی گؤندَن سورا، عیسا جَلیل ولایتینه ساری یولا دؤشدو. 44بو سَبریه کی عیسانینگ اؤزو گواهلیگ وئرمیش ایدی کی، بیر پیغمبر اؤز شَهرینده، حُرمَت یوخو. 45عیسا جَلیل ولایتینه گلَنده، جَلیللی‌لَر اؤنونگ پیشوازینا گئتدیلَر، بو سَبریه کی اوللار ده، پِسَخ عید ایچی اورشلیم شَهرینه گئدمیشلَردی و واری او ایشلَری کی عیسا پِسَخ عیدینده، اورشلیمده ائدمیش ایدی، گؤرموشلَردی.
عیسا بیر بویوک آدامینگ، اوغلونو شفا وئریر
46عیسا گئنه جَلیل ولایتی‌نینگ قانا کَندینه گلدی، ائله اؤرایا کی سویو شراب ائدمیش ایدی. او کَندینگ یاخینینده کَفَرناحوم شَهرینده بیر کیشی ایدی کی حکومت آداملاریندان ایدی و بیر مَریض اوغول واریدی. 47اوندا کی بو کیشی ائشیتدی کی عیسا یهودیه ولایتیندن، جَلیل ولایتینه گلمیش، گئتدی قانا کَندینه، عیسا یانینا و بئلَسینه یالواردی کی گله و اوغلونو شفا وئره، بو سَبریه کی آز قالمیش ایدی اوغلو اؤله. 48عیسا اؤنا دئدی: «تا مُعجزه‌لی نیشانالار و عَجیب ایشلَر گؤرمئیَینز، ایمان گتیرمَینز.» 49او کیشی کی حکومت آداملاریندان ایدی، عیسایا دئدی: «آقا، تا اوشاقیم اؤلمه‌میش، گَل.» 50عیسا بئلَسینه دئدی: «گئد، اوغلونگ دئرّی قالار.» او کیشی عیسا دئدیگی سؤزو ایناندی و یولا دؤشدو. 51حَلی یولدا ایدی کی نوکرلَری اؤنونگ پیشوازینا گئتدیلَر و دئدیلَر: «اوغلونگ دئرّی و سلامت دیر.» 52کیشی بئللریندَن خبر آلدی کی: «هاچاندان یئی‌تَر اولماگا باشلادی؟» اوللار دئدیلَر: «دؤنَن، ظُهردان سورا ساعت بیر ایدی کی ایسیتمه‌سی کَسیلدی.» 53اوغلونگ بووآسی بیلدی کی بو ائله او ساعت دیر کی عیسا اؤنا دئمیشدی، «اوغلونگ دئرّی قالار.» او کیشی‌نینگ اؤزو و بوتون اوباسی آدامی ایمان گتیردیلَر. 54بو عیسانینگ ایکّینجی مُعجزه‌لی نیشاناسی ایدی کی جَلیل ولایتینده ائدمیش ایدی. عیسا بو مُعجزه‌لی نیشانالارینگ هر بیرینی یهودیه ولایتیندَن بؤکولَندَن سورا ائدمیش ایدی.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
@ 2024 Korpu Company