Psalms 92
92
1အို အမြင့်ဆုံးသောအရှင်၊ ဘုရားရှင်၏ကျေးဇူးတော်ကို ချီးမွမ်းခြင်းသည် လည်းကောင်း၊ အရှင်၏နာမတော်ကို သီဆိုချီးမွမ်းခြင်းသည်လည်းကောင်း၊ 2နံနက်အချိန်၌ အရှင်၏မေတ္တာကရုဏာတော်၊ ညအချိန်၌ ကိုယ်တော်၏သစ္စာတော်ကို 3စောင်းကောက်သံစဉ်နှင့်အတူ စောင်းပြားနှင့်ကြိုးဆယ်ချောင်းတပ်တူရိယာဖြင့် ထုတ်ဖော်ပြောဆိုခြင်းသည်လည်းကောင်း ကောင်းမြတ်ပေ၏။ 4အကြောင်းမူကား အို ဘုရားရှင်၊ အရှင်သည် အရှင်၏လုပ်ဆောင်တော်မူချက်အားဖြင့် ကျွန်ုပ်ကို ဝမ်းမြောက်စေပါ၏။ အရှင်၏လက်တော်ဖြင့် ပြုလုပ်သော အရာများအတွက် ကျွန်ုပ်သည် ရွှင်လန်းစွာသီဆိုပါမည်။ 5အို ဘုရားရှင်၊ အရှင်ပြုတော်မူသော အမှုတို့သည် ကြီးမြတ်လှပါ၏။ အရှင်၏အကြံအစည်တို့သည် အလွန်နက်နဲပါ၏။ 6ဤအရာသည် အသိတရားမဲ့သောသူမသိနိုင်သကဲ့သို့ မိုက်မဲသောသူနားမလည်နိုင်သည့်အရာဖြစ်၏။ 7ဆိုးယုတ်သောသူတို့သည် မြက်ပင်ကဲ့သို့ ပွင့်လန်းဝေဆာ၍ အပြစ်ဒုစရိုက်ပြုသောသူအပေါင်းတို့သည် ရှင်သန်ကြခြင်းမှာ ထာဝရဖျက်ဆီးခြင်းခံရရန်အတွက်ဖြစ်၏။ 8အို ဘုရားရှင်၊ အရှင်မူကား မြင့်သောအရပ်၌ အစဉ်အမြဲရှိတော်မူ၏။ 9အို ဘုရားရှင်၊ အမှန်စင်စစ် အရှင်၏ရန်သူတို့သည် အမှန်စင်စစ် အရှင်၏ရန်သူတို့သည် ပျက်စီးကြရလိမ့်မည်။ အပြစ်ဒုစရိုက်ပြုသောသူအပေါင်းတို့သည်လည်း ကွဲလွင့်ကြရလိမ့်မည်။ 10အရှင်သည် ကျွန်ုပ်၏ဦးချိုကို နွားရိုင်းဦးချိုကဲ့သို့ ချီးမြှောက်၍ သန့်စင်ကောင်းမွန်သောဆီဖြင့် ကျွန်ုပ်ကို ဘိသိက်ပေးတော်မူ၏။ 11ကျွန်ုပ်၏မျက်စိသည် ကျွန်ုပ်ရန်သူတို့၏အဖြစ်ကိုမြင်ရပါ၏။ ကျွန်ုပ်၏နားသည်လည်း ကျွန်ုပ်ကိုဆန့်ကျင်လျက်ထကြွသည့် ဆိုးညစ်သောအမှုကိုပြုသောသူတို့၏အဖြစ်ကိုကြားရပါ၏။ 12ဖြောင့်မတ်သောသူသည် စွန်ပလွံပင်ကဲ့သို့ ပွင့်လန်းဝေဆာ၍ လက်ဘနွန်မှ သစ်ကတိုးပင်ကဲ့သို့ ကြီးထွားလိမ့်မည်။ 13ဘုရားရှင်၏အိမ်တော်၌ စိုက်ပျိုးခြင်းခံရသောသူတို့သည် ငါတို့ဘုရားရှင်၏တံတိုင်းတော်များအတွင်း ကြီးပွားကြလိမ့်မည်။ 14အိုမင်းသောအရွယ်၌ပင် ဆက်၍အသီးသီးချက် စိမ်းလန်းစိုပြည်လျက်ရှိခြင်းအားဖြင့် 15ဘုရားရှင်ဖြောင့်မှန်တော်မူကြောင်း ပြောကြကြလိမ့်မည်။ အရှင်သည် ငါ၏ကျောက်ဆောင်ဖြစ်တော်မူ၏။ အရှင်၌မတရားမှုမရှိ။
Селектирано:
Psalms 92: TPV-RV
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.