Psalms 32
32
1မိမိ၏အပြစ်များမှ ဖေလွှတ်ခြင်းခံရ၍ ကျူးလွန်ခဲ့သောအပြစ်များအတွက် လွတ်ငြိမ်းချမ်းသာခွင့်ရသောသူသည် မင်္ဂလာရှိပေ၏။ 2ဘုရားရှင်က အပြစ်မယူသောသူ၊ မိမိ၏စိတ်ဝိညာဉ်၌ လိမ်လည်ကောက်ကျစ်မှုမရှိသောသူသည် မင်လာရှိပေ၏။ 3အကျွန်ုပ်သည် တိတ်ဆိတ်စွာသောအခါ တစ်နေ့လုံးညည်းတွားရ၍ အကျွန်ုပ်၏အရိုးတို့သည် ဆွေးမြည့်ကြပါ၏။ 4အကြောင်းမူကား ကိုယ်တော်၏လက်တော်သည် အကျွန်ုပ်၏အပေါ်၌ နေ့ညမပြတ်လေးလံလျက်ရှိပါ၏။ အကျွန်ုပ်၏ စိုပြည်လန်းဆန်းမှုသည် နွေကာလ၏ အပူရှိန်၌ ကဲ့သို့ ကုန်ခန်းပြီဖြစ်၏။ 5အကျွန်ုပ်သည် အကျွန်ုပ်၏အပြစ်ကို ကိုယ်တော်ထံတွင်ဝန်ခံပါ၏။ အကျွန်ုပ်၏အပြစ်ဒုစရိုက်ကိုလည်း ဖုံးကွယ်မထားပါ။ "အကျွန်ုပ်ကျူးလွန်ခဲ့သော အပြစ်များကို ဘုရားရှင်ထံ ဖော်ပြဝန်ခံပါမည်ဟု အကျွန်ုပ်ပြောဆိုခဲ့ပါ၏။ ထိုအခါ ကိုယ်တော်သည် အကျွန်ုပ်၏ အပြစ်ဒုစရိုက်ကို ခွင့်လွှတ်တော်မူ၏။ 6ထို့ကြောင့် ကိုယ်တော်အားသစ္စာစောင့်သိကြသူတို့သည် အရေးကြုံသည့်အခါများ၌ ကိုယ်တော်ထံသို့ ဆုတောင်းသင့်ကြပါ၏။ အရှိန်အဟုန်ပြင်းစွာဖြင့်လာသည့်ရေသည် သူတို့ထံသို့ ရောက်ရှိလိမ့်မည်မဟုတ်ပါ။ 7ကိုယ်တော်သည် အကျွန်ုပ်၏ခိုလှုံရာ ဖြစ်တော်မူပါ၏။ အကျွန်ုပ်အား ဘေးဒုက္ခမှ ကယ်တင်တော်မူလိမ့်မည်။ ကိုယ်တော်ရှင်သည် အကျွန်ုပ်အား ကွယ်ကာစောင့်ရှောက်တော်မူသဖြင့် အကျွန်ုပ်သည် ကိုယ်တော်၏ ကယ်တင်ခြင်းကျေးဇူးတော်အကြောင်းကို ကျယ်လောင်စွာ သီဆိုချီးမွမ်းပါမည်။ 8ဘုရားရှင်က "ငါသည် သင်လိုက်လျှောက်သင့်သည့်လမ်းအား ညွှန်ပြမည်။ သင့်အား အကြံဉာဏ်ပေး၍ ကြည့်ရှုစောင့်ရှောက်မည်။ 9သင်သည် ဇက်နှင့် ဇက်ကြိုးဖြင့်ထိန်းရသော မြင်သို့မဟုတ် လားကဲ့သို့ ဉာဏ်မတုံးနှင့်" ဟု မိန့်တော်မူ၏။ 10သူယုတ်မာတို့သည် ဒုက္ခရောက်ကြရလိမ့်မည်။ သို့သော် ဘုရားရှင်အား ယုံကြည်ကိုးစားသူတို့မှာမူ ခိုင်မြဲသောမေတ္တာတော်ဖြင့် ကွယ်ကာခြင်းကို ခံကြရ၏။ 11အို ဖြောင့်မတ်သူအပေါင်းတို့၊ ဘုရားရှင်ပြုတော်မူသော အမှုတော်အတွက် ရွှင်လန်းဝမ်းမြောက်ကြလော့။ ကိုယ်တော်၏စကားကို စိတ်နှလုံးမှ နားထောင်ကြသူတို့ ရွှင်လန်းစွာကြွေးကြော်ကြလော့။
Селектирано:
Psalms 32: TPV-RV
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.