Psalms 20
20
1ဆင်းရဲဒုက္ခရောက်သောကာလ၌ ဘုရားရှင်သည် သင့်ကိုထူးတော်မူပါစေ။ ယာကုပ်၏ဘုရားရှင် နာမတော်သည် သင့်အား လုံခြုံစွာစောင့်ရှောက်ပါစေ။ 2ကိုယ်တော်သည် သင့်အတွက်ကူညီမစမှုကို သန့်ရှင်းမြင့်မြတ်ရာဌာနမှ စေလွှတ်၍ သင့်အား ဇိအုန်တောင်ပေါ်မှ ဖေးမတော်မူပါစေ။ 3သင်၏ ပူဇော်သက္ကာအားလုံး အောက်မေ့၍ သင်၏မီးရှို့ပူဇော်ရာ ပူဇော်သက္ကာကို လက်ခံတော်မူပါစေ။ 4ကိုယ်တော်သည် သင်၏စိတ်အလိုဆန္ဒကို ဖြည့်ဆည်းပေး၍ သင်၏အကြံအစည်ရှိသမျှတို့ကို ပြည့်စုံအောင်မြင်တော်မူပါစေ။ 5ကျွန်ုပ်တို့သည် သင်၏အောင်မြင်ခြင်းကြောင့် ရွှင်လန်းစွာကြွေးကြော်၍ ကျွန်ုပ်တို့ ဘုရားရှင်၏ နာမတော်၌ အောင်လံကိုစိုက်ထူကြမည်။ ဘုရားရှင်သည် သင်တောင်းလျှောက်သမျှတို့ကို ပြည့်စုံတော်မူပါစေ။ 6ဘုရားရှင်သည် မိမိဘိသိက်ပေးထားသောသူအား ကယ်တင်တော်မူကြောင်းကို ယခု ကျွန်ုပ်သိ၏။ 7အချို့တို့သည် စစ်ရထားများအတွက်၊ အချို့တို့သည် မြင်းများအတွက် ဂုဏ်ယူဝင့်ကြွားကြ၏။ ကျွန်ုပ်တို့မူကား ကျွန်ုပ်တို့၏အရှင်ဖြစ်တော်မူသည့် ဘုရားရှင်၏ နာမတော်အတွက် ဂုဏ်ယူဝင့်ကြွားကြ၏။ 8ထိုသူတို့သည် ခြေချော်၍လဲကျကြလိမ့်မည်။ ကျွန်ုပ်တို့မူကား ထ၍ ကြံံ့ကြံ့ခိုင်ခိုင် ရပ်တည်ကြလိမ့်မည်။ 9အို ဘုရားရှင်၊ ဘုရင်မင်းကြီးအား ကယ်တင်တော်မူပါ။ အကျွန်ုပ်တို့ခေါ်သောအခါ အကျွန်ုပ်တိုကို ထူးတော်မူပါ။
Селектирано:
Psalms 20: TPV-RV
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.