Psalms 140
140
1အို ဘုရားရှင်၊ ဆိုးညစ်သောသူတို့၏လက်မှ အကျွန်ုပ်ကို လွတ်မြောက်စေတော်မူပါ။ ရက်စက်ကြမ်းကြုတ်သောသူ၏ရန်မှ အကျွန်ုပ်ကို ကာကွယ်တော်မူ့ပါ။ 2သူတို့သည် စိတ်နှလုံးထဲ၌ မကောင်းမှုများကိုကြံစည်လျက် စစ်ပွဲများဖြစ်ပွါးစေရန် နေ့စဉ်နေ့တိုင်း ပူးပေါင်းကြံစည်တတ်ကြပါ၏။ 3သူတို့သည် မိမိ၏လျှာကို မြွေ၏လျှာကဲ့သို့ ချွန်ထက်စေတတ်ပါ၏။ သို့တို့၏နှုတ်ခမ်းအောက်တွင် မြွေဆိုး၏အဆိပ်ရှိပါ၏။ 4အို ဘုရားရှင်၊ ဆိုးယုတ်သောသူ၏လက်မှ အကျွန်ုပ်ကိုစောင့်ရှောက်တော်မူပါ။ အကျွန်ုပ်ကိုခြေထိုးရန် ကြံစည်သည့် ရက်စက်ကြမ်းကြုတ်သောသူ၏ရန်မှ အကျွန်ုပ်ကို ကာကွယ်တော်မူပါ။ 5မောက်မာသောာသူတို့သည် ကြိုးများဖြင့် အကျွန်ုပ်အတွက်ကျော့ကွင်းကို လျှိုဝှက်စွာ ထောင်ထားကြပါ၏။ သူတို့သည် လမ်းပေါ်တွင် ပိုက်ကွန်ကိုဖြန့်ထားလျက် အကျွန်ုပ်အတွက် ထောင်ချောက်များဆင်ထားကြပါ၏။ (စေလာ) 6"ကိုယ်တော်သည် အကျွန်ုပ်၏ ဘုရားရှင်ဖြစ်တော်မူ၏" ဟု ဘုရားရှင်အား အကျွန်ုပ်လျှောက်ထားပါ၏။ အို ဘုရားရှင်၊ အကျွန်ုပ်အသနားခံသောအသံကို စူစိုက်နာထောင်တော်မူပါ။ 7အကျွန်ုပ်အတွက် ကယ်တင်ခြင်း အစွမ်းသတ္တိဖြစ်တော်မူသော အို ဘုရားရှင်၊ စစ်တိုက်ရသောနေ့တွင် ကိုယ်တော်သည် အကျွန်ုပ်၏ဦးခေါင်းကို အုပ်မိုးကွယ်ကာပေးတော်မူ၏။ 8အို ဘုရားရှင်၊ ဆိုးယုတ်သောသူ၏ အလိုဆန္ဒကို ဖြည့်ဆည်းပေးတော်မမူပါနှင့်။ ထိုသူ၏အကြံကို အထမြောက်စေတော်မမူပါနှင့်။ (စေလာ) 9အကျွန်ုပ်ကို ဝိုင်းရံထားသောသူတို့သည် မာန်ထောင်ကြပါ၏။ သူတို့၏နှုတ်ခမ်းမှထွက်သော မကောင်းကျိုးသည် သူတို့ကိုဖုံးလွှမ်းကြပေါစေ။ 10မီးခဲများသည် သူတို့အပေါ်သို့ ကျရောက်ပါစေသော။ သူတို့သည် မီးထဲသို့လည်းကောင်း၊ တွင်းနက်ထဲသို့လည်းကောင်း၊ ပစ်ချခြင်းခံရပါစေသော။ တစ်ဖန်မထကြပါစေနှင့်။ 11သူတစ်ပါးကိုအသရေပျက်အောင် ပြောဆိုတတ်သောသူတို့သည် မြေကြီးပေါ်၌ တည်မြဲခြင်းမရှိကြပါစေနှင့်။ ဘေးအန္တရာယ်သည် ရက်စက်ကြမ်းကြုတ်သောသူကိုလိုက်၍ နိမ်နှင်းဖျက်စီးပါစေသော။ 12ဘုရားရှင်သည် အဖိနှိပ်ခံရသောသူတို့၏ အမှုကိစ္စကိုဆောင်ရွက်ပေး၍ နွမ်းပါးသောသူတို့အတွက် တရားမျှတမှုကိုဆောင်ကြဉ်းပေးတော်မူကြောင်း ငါသိ၏။ 13ဖြောင့်မတ်သောသူတို့သည် ကိုယ်တော်၏နာမတော်ကို အမှန်ပင်ချီးမွမ်းကြပါလိမ့်မည်။ ဖြောင့်မှန်သောသူတို့သည် ကိုယ်တော်၏ရှေ့တော်၌ နေထိုင်ရကြပါလိမ့်မည်။
Селектирано:
Psalms 140: TPV-RV
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.