यूहन्ना 3
3
निकोदेमस येशूकी डुप्की राछ
1होला काट जना निकोदेमस म्यार्मीन लेच भर्मी यहूदी महासभुङ सदस्य लेया, होसे फरिसी लेया। 2कायाक नाबीक होचे येशू लेठाङ राहार इट डेया, “ए गुरु ज्यु, कान वार्ल्हे नाको परमेश्वरै बीर्न्हकाच शिक्षक हो। इडीक परमेश्वर नाकोखाटा माले डेनाङ च इसे नाकै जाट्च अचम्मौ चिन्हओ कामको सुयेर जाट्की माह्योक्ले।”
3येशूये होसकी डेया, “साँच्ची न ङा नाकोकी डेले, सुर नयाँ जाट्न माजन्मडीसा डेनाङ होचे परमेश्वरौ राज्यकी डाङ्की माह्योक्ले।”
4निकोदेमसै येशूकी गीना, “बुढा छान्न भ्याच भर्मी फेरि कुटजाट्न जन्मडीस्की ह्योक्ले? ही होसे भर्मी फेरि मोयो गर्भाङ पर्यार जन्मडीस्की ह्योक्ले र?”
5येशूये डेया, “साँच्ची न ङा नाकोकी डेले, डी र आत्मा लकीङ माजन्मडीस्ठर सुर परमेश्वरौ राज्याङ पर्की माह्योक्ले। 6शरीर लकीङ जन्मडीस्च शरीर हो, आत्मा लकीङ जन्मडीस्च आत्मा हो। 7ङै नाकोकी नयाँ जाट्न जन्मडीस्की पर्ले डेनाङ अचम्म मामन्डीनी। 8नाम्सु कुलाक नुङ्की मीमन सेया होलाक न नुङ्ले। नाकै नाम्सुओ आवाज मट्टै सेले, तर होसे कुटै राल्हे र कुलाक नुङ्ले, होसे चहिँ माह्वार्ले। आत्मा लकीङ जन्मडीस्च पट्ट न भर्मीकुङ लागि र होङ्च न छान्ने।”
9निकोदेमसै डेया, “याङ्च कुटजाट्न छान्की ह्योक्ले र?”
10येशूये होसकी डेया, “नाको च इस्राएलुङ गुरु हो, र नाकै इसे कुरा माबुझडीस्ले? 11साँच्ची न ङा नाकोकी डेले, कानै ही वार्न्हने होसे डेले, अनि ही डाङ्ङने होसे न सेटाक्ले, तर नाखुरीक कानै याछ गवाही स्वीकार माजाट्ले। 12ङै नाखुरीककी इसे संसारौ कुराको डेनाङ च नाखुरीकै विश्वास माजाट्ले डेनाङ, ङै नाखुरीककी स्वर्गौ कुरा डेया डेनाङ झन् कुटजाट्न विश्वास जाट्की ह्योक्ले? 13स्वर्ग लकीङ झाल्न राछ भर्मीयो मीजा बाहेक अरु सुर ढेनाम स्वर्गाङ मानुङ्ने। 14कुटजाट्न इस्राएलीको उजाड ठावाङ लेनाङ मोशै पितलौ बुल #३:१४ मोशै पितलौ बुल: मोशौ समयाङ, परमेश्वर चहिँ इस्राएलीकोखाटा मीरीस ख्योहार होखुरीककी साट्च मीमन जाटार बुलकै अट जीकै डेम बीर्न्हका। परमेश्वरै मोशाकी पितलौ बुल खासार सीङाङ गाराङ्की लैडीया अनि सुये होसे बुलकी ङोस्ले होसे गेप्ले। खासार सीङाङ गाराङा, होटजाट्न न भर्मीयो मीजा र ढेनाम गाराङ्की न पर्ले, 15र सु-सुये होसको मीटाक विश्वास जाट्ले, होखुरीक पट्टकै सेन र मासीच जीवन डुप्ले। 16हीजैडेनाङ परमेश्वरै संसारुङ भर्मीकोलाक याङ्च प्रेम जाटा, की होसकै लहो काटजा मीजाकी र याहा। होसकोकी विश्वास जाट्च सुर नाश माछान्ने, तर होचे सेन र मासीच जीवन डुप्ले। 17परमेश्वरै संसारुङ भर्मीकोलाक दोषी ठहरीकी डेयार लहो मीजाकी बीर्न्हकाच होइन, तर होखुरीककी जीवाटाक्की डेम बीर्न्हकाच हो। 18सु-सुये होसको मीटाक विश्वास जाट्ले, होखुरीक दोषी माठहरीस्ले, तर विश्वास माजाट्चको चहिँ अघि लकीङ न दोषी ठहरीस्नने, हीजैडेनाङ होखुरीकै परमेश्वरौ काट मट्टै मीजौ म्यार्मीनाङ विश्वास माजाट्नने। 19होखुरीककी दोष लैडीच कारण चहिँ इसे हो: ज्योति संसाराङ राम्हने, तर भर्मीकै ट्याङ्छकी डेनाङ बरु छुम्छकी जाका, हीजैडेनाङ होखुरीकुङ कामको दुष्ट लेया। 20दुष्ट काम जाट्च पट्टये ज्योतिकी माजाक्ले, र ज्योतियाङ होखुरीकै जाट्च दुष्ट कामको डाङ्ले डेम बीह्रीयार होखुरीक ज्योतियाङ माह्राले। 21तर सत्य कुराङ जीवाच भर्मी चहिँ ज्योतियाङ राल्हे, र होटबाटै होचे जाट्च काम परमेश्वर लकीङ जाट्च हो डेच कुरा छ्याङ्गै डाङ्ले।”
बप्तिस्मा याछ यूहन्नै येशूओ बारेयाङ फेरि गबाही याछ
22होटै न्हुइङ येशू र होसकुङ चेलाको यहूदिया क्षेत्राङ नुङा, र होसको होला होखुरीकखाटा कालाप दिन ङुवार भर्मीकोलाक बप्तिस्मा याहा। 23यूहन्नै र सालीमौ खेरेप एनोन डेच ठावाङ बप्तिस्मा याछ जाट्नन्या, हीजैडेनाङ होला डी वास्टै लेया। होला भर्मीको राम्हन्या र बप्तिस्मा लामन्या। 24(होडीक बेलासम्म यूहन्ना झ्यालखानाङ मापर्नन्या।)
25होडीक बेला शुद्ध छान्च रीतियो बारेयाङ यूहन्नौ चेलाको काट जना यहूदीखाटा वादविवाद छाना। 26होखुरीकै यूहन्ना लेठाङ राहार डेया, “ए गुरु ज्यु, यर्दन नदीपारी लेनाङ नाकोखाटा काट जना भर्मी लेया, होसकुङ बारेयाङ नाकै कानकी गवाही याम्हन्या, चाहाँ होसकै न बप्तिस्मा याम्हन ले, र पट्ट न भर्मीको होसको लेठाङ टी नुङ्ङन ले।”
27यूहन्नै होखुरीककी डेया, “परमेश्वरै माह्याठर सुयेर हीर डुप्की माह्योक्ले। 28‘ङा मुक्ति याछ ख्रीष्ट होइन, ङा चहिँ होसकुङ अघि-अघि बीर्न्हकाच भर्मी मट्टै हो’ डेच ङौ गवाही नाखुरीक लहे न सेमने। 29ब्याहुली चहिँ ब्याहुलौ हो। ब्याहुलाखाटा टोङ्छ लाफा ब्याहुलौ स्वर सेयार माह्राङ्ले। होसे न ङौ आनन्द हो, अब होसे पूरा छान्नने। 30होसको चहिँ बड्डीस्की, तर ङा चहिँ घट्डीस्की पर्ले।”
स्वर्ग लकीङ राछ मीजा
31ढेनाम स्वर्ग लकीङ राछ चहिँ पट्ट डेनाङ महान ले। संसार लकीङ राछ चहिँ संसारुङ न हो, होचे संसारुङ न कुरा ङाक्ले। स्वर्ग लकीङ राछ पट्ट डेनाङ महान ले।
32होसकै ही डाङ्ङने र सेमने, होच्यो न गवाही याल्हे, तर होसकुङ गवाही सुयेर विश्वास माजाट्ले। 33तर सुये होसकुङ गवाहीकी विश्वास जाट्नने, होचे परमेश्वर सत्य हो डेच कुरौ प्रमाण याल्हे। 34सुकी परमेश्वरै बीर्न्हकामने होचे न परमेश्वरौ वचन ङाक्ले, हीजैडेनाङ परमेश्वरै होसकोकी लहो आत्मै न्हेपाक्ङने। 35अनि बोये लहो मीजाकी माया जाट्ले, र पट्ट न ठोक होसकुङ मीहुटाङ याम्हने। 36सु-सुये परमेश्वरौ मीजा मीटाक विश्वास जाट्ले होखुरीकै सेन र मासीच जीवन डुप्ले। तर मीजौ आज्ञा मामन्डीचकै चहिँ होसे जीवन माडुप्ले, तर परमेश्वरौ मीरीस होखुरीक मीटाक ङुमन ङुले।
Селектирано:
यूहन्ना 3: EMGP
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2025 by Mother Tongue Translators Society and Wycliffe Bible Translators, Inc.